Эссе достық тақырыбында

Астана қаласы

№14мектеп-гимназиясының

7д сынып оқушысы

Калмаханбетова Балауса

Мұғалімі:Нурымбаева

Сандугаш Калдарбековна

Эссе

Тақырыбы: Достық

Достық-дүниедегі ең ұлы сезімдердің бірі.Әр адам дүниеге келгеннен кейін жан дүниесін,сырын,мұң-шерін тарқататын ,қуанышы мен қайғысын бөлісетін дос іздейді.Жақсы дос-жан азығы.Досқа деген сыйластық-әр адамның бойында болатын қасиет.Достар сыйластығы бір-біріне қалтқысыз сенген,риясыз сенім сезіміне ие болған,адамдардың арасында болады.Дос –қандай да бір қиындықа тап болсаң,оны досыңмен бөлісіп,досыңның ақылын тыңдап,шешімін тауып беретін сенімді адам.

Менің ойымша адал да жақсы дос бола білу үшін,ең алдымен,адамды тыңдай білу,түсінік,ақыл бере білу қабілеті жоғары болуы тиіс.Достық адамдардың бір-біріне сенуінен басталады.Ол артқан сайын достықта қатая түседі.Сыйластық сезім достар арасында берік орын алса,адам ешқашан жалғыздық көрмейді.Достардың бір-біріне деген құрметі зор болса,ол қиындықтан шығуда да,өмірдегі мақсатына жету де үлкен демеу болады.

Достық десе ойымызға мына бір аңыз есімізге түседі:Ерте заманның шешені әрі ойшылы Цицерон :”Достық өз бойына қаншама сан алуан пайдалы нәрселерді біріктірген десеңізші!Қайда барсаңыз да,ол сізге қызмет етеді,ол барлық жерде бар, ешқашан да орынсыз килігетін жері болмайды,ол сәттілікке жаңа сәулет береді,ол ортақтасқан сәтсіздіктер де көп мөлшерде өзінің уытын жоғалтады”,-деген.Дос табу оңай,ал оны сақтау қиын.Сенім мен жарқын көңіл-достықты берік ететін тірек саналады.Өзі шынайы,адал дос бола білген адамның достары да көп болады әрі жер бетінде өзін жалғыз сезінбейді.Күнделікті өміре көңіліңе шапағат сәулесін шашып,сенің төрт құбылаңды тең ететін айналаңдағы достарыңның басы бұзылмағаны қандай жақсы.Парсы жазушысы Кабустың әйгілі “Қабуснама” кітабында былай делінген екен:”Ей,перзентім!Мынаны білгейсің: адамға тірісінде доссыз болмайды.Адамның доссыз болғаннан ағайынсыз болғаны жақсы.Бір данышпаннан:” Дос пен ағайынның қайсысы жақсы?”-деп сұрапты.Данышпан ” Дос жақсы”,-депті.Сол үшін досыңның ісі жайында ойла,оларға сәлем-сауқат жіберіп тұр және қамқор бол.Себебі,әркім өз досын жадында тұтпаса,достары да оны есінде сақтамайды,ақырында ол доссыз қалатын болады.Қазақ халқында “ Алтын берген-дос емес,ақыл берген-дос” деген мақал бар.Достық-өмірдегі еш нәрсемен бағаланбайтын құндылық.

”Достық” туралы нақты ой айтқан философ А.Шопенгауэр өзінің “Өмірлік данышпандықтың афоризмдері” деген еңбегінде “Нағыз шынайы достық адамдардың бір-бірімен терең,таза және адал қарым қатынасын қажет етеді.Бұл дегеніміз-досыңыздың қайғы мен қуанышына ортақтаса білу деген сөз.Осының бәрі адамның табиғи өзімшілдік,өркөкіректік қасиеттерін жояды” деген. Қазақта “Киімнің жаңасы,достың ескісі жақсы” деп бекер айтпаған.Балалық шағынан бір-бірінің мінезін,әдетін ой-өрісін біліп өскен достар арасындағы сыйластықтың орны бөлек,ол нағұрлым берік әрі түбегейлі.