Эссе на тему: Моя педагогическая философия.

Эссе - «Моя педагогическая философия»

Могойтын гурбадахи дунда hургуулиин

буряад хэлэнэй ба литературын багша Галсанова И.О

Уян hайхан буряад хэлээрээ,

Урин зөөлэхэнөөр хэлэжэ hураял,

Уг изагуураа, удха заяагаа,

Улам сэгнэжэ үргэн ябая.

Баршад хемороотой энэ сагта,

Буряад хэлэеэ, буряад нэрэеэ,

Баабай эжы, айл аймагаа,

Бурхан шэнгеэр сахижа ябая!

Буряад хэлэн хадаа буряад арадаймнай эртэ урда сагhаа үргэлжэ асарhан түрэл хэлэеэ, түүхэ, еhо заншалаа саашань залуу үетэндөө дамжуулха гээшэ манай нангин уялга, аргагүй ехэ шухала хэрэг болоно. Бидэ, залуу һүрэг, эхэ эсэгынгээ эрхилжэ ябаһан ажалыень саашань үргэлжэлүүлжэ, алтан үлгы түрэл нютагаа, хонгор һайхан дайдаяа, түрэл хэлэеэ мартангүй сахижа, дамжуулжа, эльгэ зүрхэндөө һанажа ябаха ѐһотойбди.

Хорин нэгэдэхи зуун жэлдэ технологи урагшаа боложо, үхибүүн бүхэн оорын компьютертай, оорын телефонтой болонги. Мүнѳѳ үедэ шэнэлэн хубидхалгын сагта, хэшээлнүүдээ үхибүүдтэ hонирхолтой байхын тула информационно технологинуудые hуралсалай шатануудта үргэнѳѳр хэрэглэхэеэ оролдоноб. (проектнэ, нааданай. здоровьесберегающе). Мүнөө сагта “Баатар, дангина” гэһэн харалган үнгэргэгдэдэг болоһониинь ехэ һайшаалтай. Наа­данда хабаадажашье һаа, үхибүүд ямар угай хүн гээшэбиб, хэнһээ, ямар хүнһөө угнай эхилнэ гээшэб гэжэ һонирхоно ха юм даа. Харин энэ нааданда хабаадаашьегүй һаа, юрэ хаража байһаншье залуу үхибүүд би өөрөө ямар угай ха биб, хэд юуд байгаа гээшэб гэжэ һонирходог. Муноо уеын тэмдэг гэхэдэ буряад хэлээ узоогуй байҺан 30-аад наҺатай эжы абанар бидэндэ зааха аргагуй байна. Буряад хэлэеэ хугжоохын тулоо манай Һургуули шулэгуудэй мурысоон, гэсэр, дангина, ехор, шагай наадан, буряад хэлэн дээрэ викторина гэхэ мэтэ ябуулганууд унгэргэгдэдэг.