Фальклорнае свята “Бабулін куфэрак”

Фальклорнае свята “Бабулін куфэрак”

Мэты і задачы: абудзіць у дзецях цікавасць да беларускага фальклору, жаданне ведаць беларускія народныя прыказкі, прымаўкі, казкі, гульні, песні; прывіваць любоў да роднай беларускай мовы.

У залу, дзе стаяць дзеці, заходзіць “бабуля” – жанчына ў беларускім народным адзенні з куфэркам у руках.

Чытальнік: Гасцей усім сэрцам вітаем!

У скарбонку зірнуць запрашаем!

Ты крані яе рукою –

Загаворыць звонка-звонка...

Ты ці знаеш, што такое

Беларуская скарбонка?

Доўга скарб збіралі гэткі

І матулі, і дзядулі,

Каб яго пачулі дзеткі,

Каб дарослыя пачулі.

Звычаі народа – вось наша багацце.

Скарбніца, што нам засталася на шчасце

І скарб гэты трэба нам усім захаваць,

Каб потым нашчадкам сваім перадаць.

Бабуля: Добры дзень, дзеці! Сёння я завітала да вас і прынесла з сабой свой старэнькі куфэрак, а ў ім – шмат рознага і цікавага. У ім і загадкі, і песні , і гульні, і нават, казкі. Калі вы будзеце ўважлівымі, вы добра выканаеце мае заданні. Але ж спачатку вы павінны падзяліцца на дзве каманды, і кожная каманда павінна выбраць сабе назву. А потым мы ўбачым, якая з каманд больш арганізаваная, уважлівая, больш і лепш ведае беларускіх казак, загадак і песен.

(Дзеці дзеляцца на каманды, выбіраюць назвы).Выбіраецца журы.

Бабуля: А вось і першае заданне. Я буду загадваць загадкі, а вы будзіце іх адгадваць. Усё трэба рабіць вельмі хутка.

1. Што гарыць без полымя? (Світанак)

2. Крылаў не мае, а лятае,

Без рук, а вароты адчыняе.

Без галавы, а спявае,

Без пугі, а хмары ганяе.(Вецер)

1. Што без вады плавае? (Воблака).

2. Што без ног ідзе? (Дождж).

3. Крылаў не маюць, а лятаюць.

Ног не маюць, а бягуць.

Не ў вадзе, але з вадою,

Адгадайце, што гэта такое? (Хмары).

1. Што за конь на цёмным лузе без травы пасецца? (Месяц).

2. Яе не ўбачыць, не пачуць,

Нідзе нікому, анічуць,

Яна між вас штодзень бывае,

А загаворыце – знікае. (Цішыня).

1. Госця ноччу завітала,

Палатна наткала,

Разаслала навокал –

Стаў святочным белы стол. (Зіма).

Бабуля: Малайцы! А зараз другое заданне.

Назавіце аднатыпныя беларускія прыказкі:

• семь раз отмерь, один раз отрежь (пяць разоў падумай, адзін скажы);

• жизнь прожить, не поле перейти (жыцце пражыць, не лапці сплясці);

• язык до Киева доведет (хто пытае, той не блудзіць);

• один в поле не воин (адна пчала меду не носіць).

Дадзены пачатак прыказкі, трэба яе дапоўніць.

Сей у добрую пару – (забярэш хлеба гару).

Хто працуе, - (той не сумуе).

Лепш нічога няма – (свайго роднага вугла).

Век пражыць – (не кашулю пашыць).

Шануй людзей, - (то і цябе пашануюць).

Рэбус-сказ: Саба-ка Ша-рык і ко-т Ры-жык с-пяць.

ПЫТАННІ-ЖАРТЫ

1.​ Назавіце словы, якія маюць сто зычных. (Стог, стол, стон, стоп, стос).

2.​ Чым канчаецца тыдзень? (літарай Ь).

3.​ Што у сярэдзіне вішні? (літара Ш).

4.​ Які горад лётае? (Арол).

5.​ Які часопіс у лесе знойдзеш? (“Вожык”).

6.​ Якую частку слова заўсёды знойдзеш у зямлі? (корань).

7.​ Якую соль нельга растварыць? (ноту).

8.​ Якія займеннікі паказваюць на чысціню рук? (вы-мы-ты-я).

Бабуля: Конкурс для капітанаў. З дапамогай лікаў зашыфраваны прыказкі пра веды, кнігу. Лікі адпавядаюць парадкаваму нумару літпр у беларускім алфавіце, г.зн. кожны лік – пэўная літара. Калі вы правільна ўспомніце алфавіт, то здолееце прачытаць шыфроўку. (Заўвага: дж, дз асобнымі літарамі не лічацца).

1.

2.

Адказы: 1.Чалавек невучоны як тапор нетачоны.

2. Дзе розумам не дайду, дык у кніжцы знайду.

ПЫТАННІ ДЛЯ БАЛЕЛЬШЧЫКАЎ

1. Хто гаворыць на ўсіх мовах (Язык).

2. Які год цягнецца адзін дзень (Новы год).

3. Дзве дачкі, дзве мацеры і бабулька з унучкай. Колькі ўсіх ? (Трое – бабка, маці, дачка).

4. Што спачатку жанчына робіць з гаршком, калі пачынае варыць абед? (Паглядзіць у яго).

5. Пералічыце пяць дзён па парадку, не называючы чыслаў і назваў дзён. (Пазаўчора, учора, сёння, заўтра, паслязаўтра).

6. Як запісаць метрапалітэн пяццю літарамі? (Метро).

7. Растлумачце значэнне запазычаных слоў адпаведнымі беларускімі:

антракт – перапынак,

аратар – прамоўца,

аргумент – доказ,

арфаграфія – правапіс,

галкіпер – варатар.

8. Чаго не знойдзеш ні ў сліве, ні ў вішні, ні ў яблыку, але сустрэнеш ў грушы і арэху? (Гука р ).

9. Каб адгадаць мяне, трэба цярпялівасць:

З л – частка твару, а з б я – расліна. (Лоб – боб).

10. Ён з д на кусце і на дрэве быць можа,

А з т ён – драўляная агароджа. (Плод- плот).

Бабуля: Ну вось і ўсё, дарагія дзеці! Ці спадабаліся вам скарбы майго куфэрка? Я вельмі задаволена вамі і тым, як вы добра ведаеце казкі, прымаўкі, загадкі, а таксама, як вы добра гуляеце і сябруеце. У наступны раз я прынясу вам у маім куфэрку іншыя скарбы. Да пабачэння!

Слова журы

.

ПРЫМАЎКІ

ПРЫКАЗКІ

ЗАГАДКІ

РЭБУСЫ