Fe'l so'z turkumi

Sinf : 4-sinf Muallif: Musabayeva Noila Manzil: Namangan shahar

Fani: ona tili Hudud: Namangan shahri Chortoq ko`cha73-uy

Mavzu: Fe`l zamonlari Maktabi: 26-maktab

Musabayeva Noilabonu – Namangan shahar xalq ta`limi bo`limiga qarashli

26- umumiy o`rta ta`lim maktabining ikkinchi toifali boshlang`ich sinf

o`qituvchisi. 1992-yil 6-mayda Namangan shahrida tug`ilgan.

2009-2013-o`quv yillarida Namangan Davlat Universiteti

Boshlang`ich ta`lim va sport tarbiyaviy ishlari yo`nalishini tamomlagan.

Muallima pedagogik ish faoliyatini 2012-yil shahardagi 26-sonli umumiy

o`rta ta`lim maktabida boshlagan. 2015-yil “Yil o`qituvchisi” ko`rik tanlovida

shahar bosqichida 4-o`rinni egallagan.

Darslarni yangi ped tehnologiyalar, AKTdan foydalangan holda olib boradi. Oilali, 2 farzandning onasi.

Mavzu: Fe`l zamonlari 374-375-mashqlar

Darsning maqsad va vazifalari: O`quvchilarga davlat ta’lim standartlari asosida bilim berish.

a) ta’limiy maqsad: O`quvchilarga fe`lning uch zamoni, zamonning nutq so`zlab turgan paytga nisbatan belgilanishi haqida ma`lumot berish. FK1:Fe`l zamonlari. Fe`llarning shaxs son qo`shimchalari bilan tuslanishini bilish..

b) tarbiyaviy maqsad: O`quvchilarning lug`atini davlat arbobi, istedod so`zlar bilan boyitish

TK3: rasmli kitoblar, jurnal va gazetalarni mustaqil o‘qib-o‘rganish orqali bilimini muntazam oshirib borish.

d) rivojlantiruvchi maqsad: O`quvchilarning nutqini o`stirish, yangi so`zlar bilan boyitish

FK-2 mavzuga oid yangi so`zlarni og`zaki va yozma qo`llay olish, yozma nutqda tinish belgilarini to`g`ri qo`llay olish

Darsning turi: Yangi bilim, ko`nikma, malakalarini shakllantiruvchi dars.

Darsning metodi: savol-javob, tushuntirish, “uchinchisi ortiqcha”, savol-javob metodi.

Darsning jihozi. Proyektor, elektron doska, kompyuter, rasmlar, tarqatmalar, rangli qalamlar,A4formatli list

Dars sxemasi.

Darsning borishi:

I. Tashkiliy qism

O`quvchi: Har kun ertalab turib,

Boramiz maktab tomon,

Bizlar ilmga chanqoq,

Ustozimiz mehribon.

Qo`limiz ko`ksimizda

Hamma o`quvchilar: Assalomu alaykum.

O`qituvchi: Qalam tutgan nozikkina.

Qo`lingizdan o`rgilay.

Mehr bilan boqib turgan.

Ko`zingizdan o`rgilay.

Sizni juda sog`inaman.

Sizni intiq kutaman.

Meni moydek erituvchi.

So`zingizdan o`rgiray.

Vaalaykum assalom bolajonlar.

Hamma o`quvchilar: Zamonaviy dars o`tmoqqa.

Bizlar shaymiz saboqqa.

O`qituvchi: Kimdir bugun navbatchi?

O`quvchi; Sinfda men navbatchi

Tayyor barcha o’quvchi

Xonamiz ham ozoda

Topshirdim men Xonzoda

O’qituvchi:

Hozir darsimiz ona tili. Bu fanni o’rganishdan asosiy maqsadimiz nima ekan?

1-o’quvchi:

Ona tili fanini o’rganishdan maqsadimiz:

- To’gri va ravon yoza olishimiz ;

- Ijodiy mustaqil fikrlay olish ;

- Nutq madaniyatini oshirishdir.

Hamma:

Tilimiz boy , tilimiz sof go’zaldir ,

Biri maqol , biri matal , masaldir.

Dog’ tushurmay avlodlarga eltaylik.

Navoiyning ruhini shod etaylik.

O`qituvchi: Shiorimiz nima?

O`quvchilar:Chiroyli yoz , yozsang xat,

Bilsang bu ham zo’r san’at .

1-o’quvchi :

Ona tilim , jon tilim .

Sen o’zingsan , jon dilim .

Yuragimning to’rida

Sayrab turgan bulbulim

2-o’quvchi:

Sen borsan , men tirikman ,

Suyumliman,suyukman .

Men sen bilan ardoqli ,

Men sen bilan buyukman .

O`qituvchi: - Biz ona diyorimiz, hur O`zbekistonning farzandlarimiz. Albatta, jahon keng, dunyoda mamlakatlar ko`p. Lekin bu olamda betakror ona yurtimiz O`zbekistonimiz yagona. Bu go`zal yurt tolei baland, iqboli kulgan xalq faqat bizgagina atalgan.

Siyosiy savol-javoblar daqiqasi o`tkaziladi.

– Davlat ramzlarini bilasizmi?

- Ha, bayroq, gerb, konstitutsiya, madhiya.

-Bayrog`imiz qachon qabul qilingan?

-1991-yil 18-noyabr………

II.O’tilganlarni takrorlash va mustahkalash:

O`qituvchi: - Bolajonlar darsimizni turli o’yinlar va topshiriqlar orqali takrorlab olamiz .

O`qituvchi: Fe`l so`z turkumi deb nimaga aytiladi?

• Shaxs va narsaning harakatini bildirgan so`zlar fe`l so`z turkumi deyiladi.

O`qituvchi: Fe`llar qanday so`roqlarga javob bo`ladi?

• Nima qildi? Nima qilyapti? Nima qiladi?

O`qituvchi: Fe`llarga misol keltiring

• Ishladi, yozdi, o`qidi.

O`qituvchi: Fe`l so`z turkumi gapda qanday vazifada keladi?

-kesim vazifasida keladi.

O`quvchilar berilgan klasterni to`ldiradilar.

“Uchinchisi ortiqcha” metodidan foydalanib mavzu mustahkamlanadi.

-olma

-ishladi

-yozdi

O`quvchilar ortiqcha so`zni topadilar.

O`quvchilar: -olma

O`qituvchi: to`ppa-to`g`ri olma. Olma so`zi ot soz turkumi. Nima? olma

O’quvchilar bajargan ishlari baholanadi .Husnihat asosida yozgan

o’quvchi aniqlanadi. O’quvchilar rag`batlantiriladi.

III.Yangi mavzu bayoni.

O`qituvchi: Bugungi darsimizda FE`L ZAMONLARI mavzusini o`rganamiz.

Doskaga BBB tehnologiya jadvalini ilib uni to`ldirib olamiz.

O`qituvchi:Demak bugun sizlar bilan fe`l zamonlari mavzusini o`rganamiz.

374-mashq. Gaplarni o`qing, so`roqlar yordamida fe`llarni aniqlang.

O`qituvchi: Maktabimiz badiiy havaskorlari tuman ko`rigida 1-o`rinni egalladi.

Nima qildi? Egalladi. Egalladi so`zi fe`l so`z turkumi.

Dehqonlar ariqlarni tozalayaptilar.

Nima qilyaptilar? Tozalayaptilar. Tozalayaptilar so`zi fe`l so`z turkumi.

Sayyora kelajakda shifokorlik kasbini egallamoqchi.

Nima qilmoqchi? Egallamoqchi. Egallamoqchi so`zi fe`l so`z turkumi.

O`qituvchi: O`quvchilar ushbu fe`llarni taqqoslang, ushbu so`zlar nimasiga ko`ra farqlanyapti?

O`quvchilar; Qo`shimchasiga ko`ra, shaxs soniga ko`ra.

Kuzating har bir gapdagi harakat qachon bajarilayapti?

Maktabimiz badiiy havaskorlari tuman ko`rigida 1-o`rinni egalladi. Ushbu gapda harakat bajarilib bo`lingan.

Dehqonlar ariqlarni tozalayaptilar. Ushbu gapda harakat hozir bajarilayapti.

Sayyora kelajakda shifokorlik kasbini egallamoqchi. Ushbu gapda harakat keyinroq bajariladi.

O`qituvchi: Fe`llarda harakat 3 zamonda bajariladi.

• So`zlab turgan paytingizdan avval- o`tgan zamon

• So`zlab turgan paytingizda –hozirgi zamon

• So`zlab turgan paytingizdan keyin- kelasi zamon

Qachon bajarilayotganini so`zlab turgan paytimizga qarab belgilaymiz.

O`qituvchi: K eling bir topshiriq bajaramiz. Jadval ostidagi so`zlarni jadval ichiga joylang.

O`qituvchi; Barakalla bolajonlar.

Kitobda berilgan 375-mashqni bajaramiz.fe`llarni aniqlabBotinka qutichasiga solib, uy tokchasiga qo`ydik., zamoniga ko`ra guruhlarga ajrating. Fe`l zamonlarini ifodalovchi qo`himchalar tagiga to`lqinli chiziq chizing.

375-mashq

Hovliga chiqdik. Yo`lakda bir chumchuq bolasi og`zini kappa-kappa ochmoqda. Bir oyog`i singan. Bahodir ikkimiz chumchuq bolasining singan oyog`iga qog`oz o`radik vaip bilan bog`ladik. Bahodir pashsha tutib berdi. Bahrom non uvoq bilan boqdi. Qushcha uy ichida aylanib uchadigan bo`ldi. Ba`zan ona chumchuqning ovozi eshitilib chiriqlaydi. Uni onasi sog`inib yig`layapti, deb uchirib yubordik.

V. Yangi mavzuni mustahkamlash.

Fe`l deb nimaga aytiladi?

Fe`lda nechta zamon bor?

Fe`l zamonlarini qanday belgilanadi?

Doskaga ilingan “BBB”tehnologiyasini bugungi mavzudan kelib chiqqan holda to`ldirib qo`yamiz.

V I. Baholash va rag`batlantirish.

O`quvchilar rag`batlantiriladi va baholanadi.

VII Uyga vazifa:

Ishla, o`qi, yoz so`zlarini 3 zamonda qo`llab gaplar tuzing

Harakatni bajarilish paytini bildirgan qo`shimchalarni belgilang

O`qituvchi: Qadrli o`quvchilar! Muhtaram prezidentimiz aytganlaridek, siz kelajak vorisisiz. O`zbekistonni yanada ravnaq topishi, gullab yashnashi sizlarning zimmangizda. Shunday ekan yurtboshimiz, ota-onamiz, vatanimiz ishonchini oqlash uchun faqat a`lo baholarga o`qishingiz, odob-ahloq bobida tengdoshlaringizga na`muna bo`lishingiz kerak. Axir aytadilarku, vatan qudrati unda kamol topayotgan barkamol avlodlarga bog`liq.