Физика боюнча ЖРТ сабак

Физика 1 – сабак

1. Бир калыпта кыймылдаган поезд 2 саатта 108 км жолду басып өттү. Поезддин кыймылынын ылдамдыгын тапкыла?

1. Автомобиль алгачкы 40 минутада 60 км/саат ылдамдык менен, андан кийинки 20 минутада 30 км/саат ылдамдык менен которулду. Автомобилдин орточо ылдамдыгы кандай болот?

1. Жер күндүн айланасында 30 км/сек. ылдамдык менен кыймылдайт. Бир сабак өткөнчө жер канча жол жүрөт?

1. Автомашина 1500 м жолду 36 км/саат ылдамдык менен жүрүп өттү. Ошол жолду басып өтүүгө кеткен убакытты тапкыла?

DEF: Убакыттын бирдиги ичинде ылдамдыктын өзгөрүшүн мүнөздөөчү физикалык чоңдук ылдамдануу деп аталат.

а=v-v_о/ t мында V₀- кыймылдын баштапкы ылдамдыгы,

V – кыймылдын акыркы ылдамдыгы

t – кыймылдын убактысы а=1м/с²

1. Автомобилдин ылдамдыгы 40 секунт ичинде 5 м/с тан 15 м/с га өстү. Анын ылдамдануусун тапкыла?