Г1алг1ай литература.Фаьлгаш. 6класс.

Урок № 2.

Тема: Фаьра хьазилги,миха седкъеи,лехьи.

Лоарх1ам: "Фаьра хьазилги,миха седкъеи,лехьи" яхача фаьлга чулоацам бешар,башхар;

шаьра дешара навыкаш дег1айоалаяр.

Гойтара г1ирс : « Г1алг1ай багахбувцам »,бераш дехка сурташ .

Ма дошув а да-кх,ма хозне а я-кх уж фаьлгаш !

А.С. Пушкин.

Урока никъ :

I. Ц1аг1ара болх тахкар:

1. Ц1аг1а кхоачашбаь йоазон болх тахкар,тетрадаш хьагулдар.

II. Багахбувцамах дола хоамаш кердадахар:

- Сенах оал багахбувцам?

- Малаг1а багахбувцама жанраш йовз шоана?

- Мишта кхаьчаб вай багахбувцам таханарча денга?

- Х1ана яьхад эрсий йоазонхочо М.Горьке:"Гулбе шоай багахбувцам,1омале цунца,тоабеиз " ?

- Сенна эш вайна багахбувцам? Фу довзийт цо вайна ?

III. Керда тема йовзийтар.

1. Хьехархочун дош.

Бераш,тахан вайна йовзаргья цхьаькха а багахбувцама жанр."Легендаш"яхаш я из.Вай багахбувцама юкъе эггара к1езигаг1а д1аязъяь а тахка а я легендаши мифаши.Уж ши жанр барт болаш я къаьнарча г1алг1ай динца,цунна т1ехьа вайна юкъе ч1оаг1бенна д1аэттачабусалба динца а. Легендаш хинна,е хьадагалаьца боккха лоарх1ам бола х1амаш,е нахах лаьца дола шира дувцараш да.Уж хьакхеллад геттара гаьнарча замашка,наьха кхетамаш,нийсса аьлча,1аламах дола кхетамаш лохерча лаг1аш т1а хиннача хана.,1алама унзарча х1амашта духьала оттабе низ а,хьаькъал а,маькарло а ч1оаг1а эшаш хиннача хана.Цу замашка эшаш хиннаб царна даьлий,турпалхой,боккха низ бола нах. Царех ца1 я вай тахан 1омаергьяр : "Фаьра хьазилги,миха седкъеи,лехьи" яхаш.Х1анз аз 1оеш шоана из.Дика ладувг1алаш.

2) "Фаьра хьазилги,миха седкъеи,лехьи" яха оалам 1обеш. ( О. 5- 6 )

IV. Дешашцара болх : фаьра хьазилг- ялат хьувкъийташ дола хьазилг;

миха седкъа- мух соцабеш бола седкъа; лехьа - текхарг,жа-доахан лорадеш бола.

V. Фаьлга чулоацам ц1аькха а 1обеш дешархоша.

Хаттараш:-

- Фу де караг1доалаш хиннад фаьра хьазилги,миха седкъеи,лехьи?

- Фу г1улакхаш даьннад фусам-даьгара а цун к1аьнкагара а ?

- Х1ана тигадац лехьокъорга чура арабала ?

- Миштад фаьлга керттера ма1ан ?

VI. Фаьлга чулоацам текста гарга хьабувцар.

VII. Фаьлга чулоацама корта бар:

- Мичара хьадоаг1а " Даьна во1 дагаваьллав,лихьана ц1ог дагадаьллад " яха г1алг1ай кица ?

- Х1ана кхаьлав лехьо к1аьнк д1а ?

VIII. Ц1аг1а : 1." Фаьра хьазилги,миха седкъеи,лехьи " -шаьра 1обеша,юхахьабувца

2.Оалама чулоацамах сурташ дахка.