Çeşmӓküü «Dostluk» uşak başçası
Yortu Gagauziyanın kuruluş gününӓ adalı:
«Gagauziya -30»
Pay aldılar :hazırlık,büük grupadan uşaklar
Hazırladı:
Madjar Svetlana Al.
Kıran ayı 2024
Uşaklar girer şişirigalarlan ellerindӓ.
..\..\..\Downloads\AUD-20241123-WA0016.aac
Terbiedici: -Zaman hayır olsun paalı musaafirler ,zaman hayır olsun analar -bobalar hem bizim evlatlar .Bugün taa bir yıl Gagauz halkın istoriyasında kalȇȇr. Çünkü bizim Avtanomiyamız kutlȇȇr 30-cu yıldönümünü,neylӓn hepsini kutlȇȇrım. Benim Gagauziyam benim Vatanım ii ki varsın, ii ki ilerlersin hem çetin ayakta durȇrsın!
Uşak
Sevdim, severim, sevecäm
Bu masallı topraa,
Nända kalktım da çekettim
Seftä adımnamaa.
Nända gezärsäm gezecäm
Bu masaldan aybat
Taa pek eşkin o verecek
Olup bana kanat.
Gagauziyanın gimni
https://youtu.be/MDxdPpydWD0
Terbiedici: -Saygılı dostlar yortuyu açmaa deyni teklifederim uşak başçamızın direktorunu Rişilean F.İ. Laflar
Terbiedici: -Bizim tarafımız genç, ama gözӓl bir devlet.Eer soraysaydım herkezinӓ nedir o Vatan-kimseye zoor gelmeyecek sölemӓӓ, ani Vatan en baştan o dil,tabiyat,memleketin evelki istoriyası ,dedelerin anılması.Vatan bir insan için evin kapusuydur ,ananın üzü ,maninin tatlı gülüşü,hem bizim evlarlarımız .Çünkü onnar bizim Vatanımızın gelecӓӓ,bu sebepӓ da bugünkü yortuyu isteerim adlamaa onnara bizim küçük Çeşmӓküüyülerimizӓ,onnar bizim umudumuz, Gagauziyanın ilerlemesindӓ. Yortumuz başlêr.Sţenaya teklif ederim akıllı ,arif ,herzaman şen üzlü çocuu, angısı annadace bizӓ şiir -karşlayın .
Olga Ivoglu-Kılçık şiir ‘Ne mutluyum bӓn!’
Ne mutluyum bӓn-
Gagauz ooluyum!
Büük bir aylenin
Küçücük payıyım!
En tatlı dilin
Bӓn bir kısımıyım!
Şannı bayraamın
Şılar yıldızıyım!
Eski çırtmanın
Büülü avasıyım!
Kenarsız baayın
Olmuş üzümüyüm!
Anılmış Bucaan
Kokar peliniyim!
Girgin oglanın
Arif evladıyım!
Ne mutluyum bӓn-
Gagauz ooluyum!
Büük bir aylenin
Küçücük payıyım!
Terbiedici: -İnsana vatandan paalı er yoktur dünnedӓ . Ana Tarafım, sevmää onu – demäk bilmää onun geçmişini,yaşamaa şindiki zamannan,acımaa hem dua etmää onun geleceenä.E var mı nicä kendini düşünmää Ana Tarafsız? Elbetki yok nicä,neçin ki,Ana Tarafın eri – insanın canında.Bunu bizӓ açıklayacek küçük kızçaazımız.
Türkü ‘Gagauziya Benim Vatanım.’
Anastasia Levcenco - Gagauziya (2015) (online-audio-converter.com).mp3
1.Güneş bizi kucaklȇȇr,
Ne tatlı sabaa!
İnsannar da sevineer,
Bu benim topraam!
Mani masal annadȇȇr
Hem verer nasaat.
Ne tatlı onun ekmӓӓ ani gel da dat!
Gagauziya benim Vatanım
Sevgili topraam sendӓn yok paalı!
Gagauziya benim Vatanım
Gagauz Eri gagauz Eri.
2.Horuda halkım oynȇȇr
Sansın var kanat.
Türküdӓ ani gökӓ
Etişer o saat.
Gagauziya benim Vatanım
Sevgili topraam sendӓn yok paalı!
Gagauziya benim Vatanım
Gagauz Eri gagauz Eri.
Terbiedici: -Gagauzlar nicӓ kuşlar uçardılar erdӓn erӓ ,aarardılar toprakları, olsun deyni raat yaşamaa, aarardılar tarafları büütmӓӓ deyni uşaklarını.Angıları büüdüynӓn zoorluksuz cuvap edecekler soruşa Nedӓn çekeder Vatan? Bunu bizӓ büün açıklayacek pek akıllı hem becerekli kızçaaz, karşılayın.
Şiir
-Nedӓn çekeder vatan?
Sorȇȇr insannar çoktan.
Kırın kara topraandan,
Gözӓl geniş sokaklaardan.
Beki o çekeder evdӓn?
Anadan hem bobadan.
Uşaan duuma günündӓn,
İlk laftan hem adımdan.
Sanki,nedӓn o çekeder?
Beki bu şen yortulardan,
Bu gözӓl türkülerdӓn,
Bu yalpak gülüşlerdӓn,
Saalam,aslı dostlardan,
Gözӓl,kӓӓmil uşaklardan-
Te nedӓn çekeder Vatan!
Terbiedici: -Bizim Vatanımız büük anılmış yazıcılarlan hem peetçilӓrlӓn zengin, angıların şiirlerini hem türkülerini herbir yortuda kullanȇȇrız.Şindi teklif ederim sizi masal seslemӓӓ .
Masal: ‘Tilki hem Horoz’
(halk masalı,kiyat ‘Kurt kuş dünnesi’ hazırladı P.Çebotar s.7)
Terbiedici: - Şen türküü çalêrız
Oynamaa da pek seveeriz.
Kol kola tutunalım,
Gözäl horu yapalım.
Paalı musaafirlӓr, bölӓ becerekli evlatların anaları herbir işi becererlӓr karşlayın, gagauz oyunu bizim paalı analardan baaşış.
Anaların halk oyunu.
Terbiyedici -30 Yıl -diil çok ama aaz da diil.Paalı Vatanım, senin için bu gün öter bu türküler hem bütün ürektӓn annadılȇr şiirlӓr.Karşılayın, büük grupadan gagauz halkın geleceeni.(yavaş muzika )
Uşak:
Gagauziya Ana topracıım
Pek cömert halkım
Paalı tarafçiim
Gagauziya, gül gibi kızlar
Pek gözӓl baalar
Hem da meyvalar.
Gagauziya,çalışkan halkım!
Serbestliy kapıp
Sӓn dizdӓn kalktın!
Uşak:
Gagauziya en gözӓl kızlar!
Nereyi da bak, dev gibi oollar!
Salt otuz yılcaaz duumandan geçti
Lüzgerlӓr fena Bucakta esti.
Ama sӓn durdun, serbestliy buldun,
Kuvedi çetin elinӓ aldın.
Sӓn yaşa gözӓl çok yıllar halkım!
Almasın seni kimseyciy satın.
Olsun kısmetli Gagauziyam
Huzurlu yaşa Gagauziyam!
Yaşasın Gagauziya!
Terbiedici: İsteerim danışmaa hepsi gagauzlara ki unutmasınnar duuma erini hem nereyi da gitselӓ köklerini aklısında tutsunnar, da korusunnar can sıcaklıını Ana Tarafına.
Türkü Koru Halkım Lüdmila Tukan
https://youtu.be/e4zCfbfXNJw?t=3
1.Beni afet, paalı BUCAAM,bӓn bu avşam yolcu olcam .
Yıldız saklı gök karannık üürӓӓm aalȇȇr canım darsık.
Beni afet paalı halkım bӓn ilk adım bırda yaptım
Türkülermi kurdum çaldım bӓn canımı sana sardım
Koru halkım sӓn bucaamı
Koru Bucaam sӓn halkımı.
Ko ayozlu adın dursun Bucaam halkım birlik tutsun.
Koru halkım sӓn Bucaamı
Koru Bucaam sӓn halkımı
Can erindӓn kılıç geçer
Ana Topraam evӓ çeker.
2.İnan aslı sana sölerim,
Bӓn ürektӓn seni severim.
Benim duudu erim, topraam, paalı bana nasıl anam.
Yaşa Bucaam, yaşa sevin, sӓn ol zengin hem dur girgin
Bırda ecel bӓn kuracam hem ürektӓn yalvaracam.
Girer Peperku (muzika şen )
Terbiedici:-Ooo kim geleer .Selӓm!
Piperku:-Selӓm!
Terbiedici: -Sӓn Piperku bu partalları neredӓn genӓ buldun?
Piperku:-Bunnar mı partal? Bunnar yeni taa ,bӓn onnarı yeni çıkıdan çıkardım.
Terbiedici: -Bӓn sana pek şaşȇrım nasıl var nesoy bölӓ insan arasına çıkmaa? Hem nasıl sӓn bulundun burada ?
Piperku:-İşittim ses da düşündüm, ya gelip bakayım ne burada olȇȇr.
Terbiedici: -İslӓӓ yapmışın. Biz büün Gagauziyamızın 30-cu yıldönümünü kutlȇȇrız.
Piperku:-Bu yortuya bendӓ da hazırlık var.Bakȇȇrım insan burada çok var ,ama söleyişleri Vatan için bilerlӓr mi onnar.?
Terbiedici: -Elbetki, var nasıl soraysın.
Piperku:-Ozaman başlȇrım siz da devam edin.
Söleyişlӓr
- Kal çıbık gibi kuru,ama Vatanı koru.
Vatanından gözӓl er dünnedӓ yoktur.
Vatan herkerӓ dooru,duşmandan onu koru.
Açan adam gagauz – çalışkan o, işi uz.
Vatan, nicӓ tatlı bal,onu koruyan – helal!
Vatan – kӓr nicӓ ana, yabancılık - karı fena.
Piperku -Pek sevindim ki unutmȇȇrsınız yortuyu hem halkımız için gözal söleyişler bilersiniz.Bana gitmӓӓ lӓӓzım.Kalın saalıcaklan!
Piperku gideer
Terbiedici: -Dostluk, zoorlukta yardım etmӓk ,gagauzların kanında.
Teklif ederim hazırlık grupasından kızları, angıları göstercek kendi artistik becermeklerini fabulada.
Fabula ‘Kelebek Hem Karımca’. yazıcı Galina Danacı
Terbiyedici -Bravo kızlar! Elbetki yortularımız o bizim halkın istoriyası .Ama bu istoriya yaşasın deyni dilimiz lӓӓzım ötsün herbir gagauz aylesindӓ.Dil yaşarkana halk ta yaşȇȇr ,Yaşasın Ana topraamız.
Şiir Rȇp ‘Ana topraaam’-STED
Ana topraam sӓn kaybettin pek çok insan
Yudum yudum tenӓ-tenӓ büük dünnedӓ
Gagauzlar daaldı Evropaya Rosiya
Onnar gelcik geeri dönmӓӓ lӓӓzım bileerlӓr
İşit beni ,Atılma dilindӓn halkım
Düşlerimi da bӓn gagauzça görerim
Düşlerimdӓ bobam evdӓ, anam evdӓ
Barabar sofrada ,Sıcak laf lavederiz
İşit beni ,Atılma dilindӓn halkım
Düşlerimi da bӓn gagauzça görerim
Düşlerimdӓ bobam evdӓ, anam evdӓ
Barabar sofrada ,Sıcak laf lavederiz
Ana topraam ,sän kaybettin pek çok insan yillarca
Ana topraam,ana topraam
Ana topraam ,sän kaybettin pek çok insan yillarca
Ana topraam,ana topraam
Ana topraam sӓn kaybettin pek çok insan
Yudum yudum tenӓ-tenӓ büük dünnedӓ
Gagauzlar daaldı Evropaya Rosiya
Onnar gelcik geeri dönmӓӓ lӓӓzım bileerlӓr
İşit beni ,Atılma dilindӓn halkım!
Fleş mob ‘Gagauziya uyan’ Türkü Vova hem Tanӓ Momça
https://youtu.be/_dCq4LoObeA
Terbiyedici-Hadi,dostlarım benim,yorulmaz çalışalım,
Dünneyi koruyalım,gözellii koruyalım,
Dooruluu koruyalım,hatırlııy koruyalım!
Zorluun altından çıkıp, genӓ insan kalaım.
Herkezini da gülerӓk karşılayalım.
Pak ürekli insannarı da, kucak dolu sevinçlӓn karşılayalın!
Türkü’ Bӓn gagauz.’-Petkoviç
Kullanılan literatura.
1. Jurnal. Gagauz dili hem literaturası.
2. Dergi. Güneşçik — uşaklar için dergi gagauz dilindä.
3. Gagauzça–rusça sözlük.
https://gagauz.online/
https://ru.glosbe.com/gag/ru
4. Gid uşak başçaları için – enilenmiş kurrikuluma görä.
https://mecc.gov.md
https://gagauzia.md
5. Internet kaynakları — videolar, müzika. https://gagauzinfo.md
6. Ivoglu-Kılçik, Olga. Ne mutluyum bän — şiir. Jurnal "Guguşçuk".
7. Galina Danacı ‘Herkezinӓ susaktan’fabula Kelebek hem Karımca s.69-71
8. Petri Çebotar2Kurt kuş dünnesi’halk masalı ‘Horoz hem Tilki’s.7
9 .Karaoke 1-ci toplum
12
45
255 331 
