Gagauziya Avtonomiyanın yortusu.
İstoriya karavanı.
Sorayım ekmek elimdä,
Kaldı bizim izlerimiz
Angı deniz dibindä?
Hey, Bucaam, sorayım artık:
Açan biz seni bulduk
İiliktän mi atıldık?
Beladan mı kurtulduk?
Senin çıplak sırtların
Bizi iilää terletti,
Bu suzuz çayırları
Pınar kazmaa üüretti.
Dedäm, senin damarın
İştän çabuk suumadı,
Senin sert evletlerın
Dilini unutmadı.
Bän Türksoyu, bän Gagauzum! Hep işledim, hep ter döktüm,
Kaavi, girgin, serbest Oguzum! Ekmek yaptım, booday ektim,
Çok zor çektim, düştüm, kalktım. Fidan diktim, bir ev yaptım
Üündüm, hep dedemä baktım. Hem sevindim, hem aaladım.
Unutmadım hiç dilimi. Bän Türksoyu. Bän Gagauzum!
Hep yaş attım adetimi. Kaavi, girgin, serbest Oguzum!
Yakın dostum oldu atlar, bir ool oldum Vatanıma.
Tarla, toprak hem hayvannar. Bän Gagauzum! Ne mutlu bana!
Çıktı bizim dä dooruluk,
Bulduk aaradıımız yolu,
Biz dä te saygılı olduk.
Bucaa da te sevdik candan,
Açan bizä geldi inan,
Ani biz hep Bucak oolu, olsa da olmasa inan.
Biz vardık, vardık zamanda, sildisälär dä sayıdan,
Biz varız dillän, ruhlan, cannan,
Neçin ki varız Allahtan.
Nicä su akȇr.
İnsannarı tatlı dil,
Bireri toplȇȇr.
Biz dä dillän – gagauz,
Hem dä varız halk.
Gagauz gimni çalarkan,
Tez, dostum, sän kalk!
Çalȇr gimn
- Zaman hayır olsun,
Deerim Vatanıma, küüyümä.
Zaman hayır olsun, -
Deerim halkıma, insannara.
- Zaman hayır olsun, sabaa,
- Zaman hayır olsun, boba!
- Zaman hayır olsun! –
Bilä: Danışȇȇrım bütün dünneyä
Zaman hayır olsun! Büün burayı bizi topladı halkımızın büük millIi yortusu Gagauz Avtonomiyanın kurulması.
N. Baboglunun şiiri.
Türkü Gagauzların gimni Petkoviç
- “ … Bucak, Bucak, duuma erlär! Ana toprak tavlı, karagöz, yalpak, sıcak. Her erin oolları, bezbelli, severlär duuma erlerini, duuma tarafını. O onnara geler hepsindän gözäl, hepsindän hoş, hepsindän paalı”. Haliz da ölä!
- Ne gözellik vardı nasıl bulmaa o evelki zamannarda bu çukurlu otsuz tolokalarda, kuru dereli çayırlarda, o yamaçlı kırlarda, erdän erä, ani kuşalıydılar derin tozlu yollarlan hem da fidan erinä genger büüdärdilär? Çöllü bir taraf!
- Zordu pek halkıma
Kaldırmaa kırları
Kıtlıkta sulamaa
Ömürsüz tenini.
Diz çöküp, hep saymaa
Sırtında kaç çatlak,
Yaşlarınnan büütmää
Terekä hem başak.
- Ama şindi! Çık bir yamacın tepesinä da bak dolaylara! Maavi uzaklardan kayȇr asfaltlı yollar, güneşli sokaklar, aydınnıklı evlär. Tarafımıza yavaş-yavaş geler kış. Sevindirer gözelliinnän, temiz soluunnan, büük yortularınnan.
-Ama diil sade kış sevindirer, ama insannar da, yaşayan bu ayozlu toprakta. Gagauzlar büünnän büün hodul gezerlär, yakaları açık, bıyıklarını kıvradıp, düzerlär kendi yaşamasını!
Kadınca ya türkü
Gagauz halkı – o bir türk halkı, angısı ortodoks hristian dinini kullanȇr. Herbir halkın var kendi kulturası. Halk kulturasız, nicä insan cansız. Nekadar halkın kulturası zengin, üüsek uurlu, okadar o halk aarif, akıllı, ii cannı, esabı annayan.
Hepsimiz biz bileriz, nesoy zorluklardan, korkulardan, kayıplardan, dartışmaklardan geçti halkımız, kabledincä yuridik statusunu, angısının adı “Gagauz yeri”. Bu savaşmaklar baalıydı baş neetlän – korumaa gagauz halkını, onun kulturasını.
Dekabrinin 23-ndä 1994 yılda kuruldu Gagauz Avtonomiyası - ”Gagauz Yeri”. Gagauziyada bu bir büük milli yortusu.
Referenduma görä Gagauziyanın sınırları belli edildilär. Halkın istediinä görä burayı 3 kasaba hem 27 küü girdi. Şindi bizim vatanımızda gözäl yaşamak. Halkımız gösterdi kendini, ani dayanaklı gagauzlar, zorlukları üsteleyip, duşmannarı geeri atıp, düzdü Vatanında gözäl bir aydın yaşamak.
28 yıl… Az mı osa çok mu? Baktıynan istoriya zamanına, var nasıl demää, ani geçti az vakıt, ama bu kısa vakıtta yapıldı pek çok işlär. Kalktı birkaç basamak yukarı ekonomikamız, politika uuru, kultura tarafı. Artık büüdü eni evlat boyları, angıları biler kendi istoriyasını, lafeder, yazȇr, okuyȇr, yaradȇr ana dilindä. Bu mu diil kısmet? Büünkü gündä Gagauziya çetin durȇr ayakta.
Paalı Bucaam,
Kendin, elbet, küçüksün,
Ama pek büük
Senin canın, Bucak!
Sän dostları seversin,
Duşmannara –
Pekça gelir sıcak.
Peetlerimizi türkümüzün
Yollȇȇrız, Bucak, sana,
Sän dä baaşla Vatana.
Muz.
Büünkü gagauzlar daaldı bütün dünneyä. Ama Vatan, Ana toprak onnarı unutmȇȇr, da 2006-cı yıldan 3 yıl arası Gagauziyada geçer Gagauzların Dünnä Kongresleri, angısının davası: ana dilini korumak, insanı birleşmäk, kulturamızı ilerletmäk, biri-birimizi zenginnetmäk.
Biliner, ani halkın gelecää var sade ozaman, açan o istoriyasını , dilini hem köklerini biler, açan o halkın uşakları üürenilmiş olȇrlar.
Şükür Allaha, ki bizim halk, çıkıp istoriya ateşindän , becerdi korumaa diil salt dilini, kendi adını, ama dinini, kulturasını.
Gagauzların yok hakı kayip olmaa, cünkü varkana halkta bölä kalitelär, nicä: hatırlık, saburluk, çalışkannık, şükürlük – o lääzım dünneyä.
Muz.
Ani yaşȇȇrım,
Gagauzların arasında.
Bän kısmetliyim, deyni
Var benim bobam hem anam.
Herbir insanın var kendi topraa, küüyü, sokaa, evi, neredä o duudu. Buydur onun Küçük Vatanı. Ama bölä küçük ana köşelerdän toplanȇȇr bizim paalı Bucaamız, Gagauziyamız!
Biz da lääzım çalışalım memleketimizi korumaa, ilerletmää, zenginnetmää. Biz Gagauziyanın gelecää.
Gelecään gözäldir, gagauz,
Gökä kaldır bayraa, git ileri!
Senin dedän Atilla, Hak oguz.
Sev dilini, koru adetini!
Unutma, ool, üçüz milioonuk,
Kan kardaşın yaşȇȇr bu dünnedä.
Ko bürüsün seni büük hodulluk,
Sevin, ki sän dä bu ulu soydan.
Üüren, çalış, yaşat gagauzluu,
Zenginneştir gözäl Bucaamızı.
Sevil hem sev, koru eski dostluu,
Kuvetlendir süünmäz ocaamızı.
Bän - Gagauzum!
Bän bir küçük milletin bir ooluyum!
Nekadar yaşayacam, tarafımı, halkımı sevecäm hem ilerletmää savaşacam!
Kuvedimä görä gündän – günä, yıldan – yıla çalışacam, gagauzlar taa ii, taa zengin, taa kısmetli yaşasınnar!
Binnärlän yıl yaşa, Bucak!
Sarsın seni dostlar.
Yıldan – yıla çetin dursun
Erdä gagauzlar!
Yaşa, halkım!
432
94 832 
