Գիտելիքների ստուգում մայրենի առարկայից

Օրը կիրակի էր: Դպրոցը միայն մի ուսոցիչ ուներ, բայց ուսուցչի եռանդը հասնում էր ամեն տեղ: Մի խումբ ‹‹այբ ու բեն›› էր սովորում, մյուս խմբում ‹‹Մայրենի լեզու›› էին կարդում, երրորդ խմբում հայոց պատմությունից էին դաս պատասխանում, մի ուրիշ խմբում ‹‹Դավիթ Բեկ›› էին կարդում:

Երբ դասը վերջացավ, ու աշակերտները պիտի ցրվեին, ընկերս, որ երգ շատ էր սիրում, խնդրեց ուսուցչին, որ աշակերտները մի երգ երգեն: Ուսուցիչը պատասխանեց, թե ինքը, դժբախտաբար, ‹‹բաղաձայն›› է և դրա համար էլ երգ չի սովորեցրել, սակայն ավելացրեց, որ աշակերտների մեջ երգողներ կան:

-Լավ կլինի բոլորը գոնե մի ընդհանուր ազգային երգ գիտենան. օրինակ՝ ‹‹Մայր Արաքսի››-ն, որ շա՜տ տեղին է, հենց նրա ափին ենք,- ասաց ընկերս:

Ուսոցիչը մի պահ մտածելուց հետո դարձավ աշակերտներին.

-Հապա՛, սիրելինե՛րս, ամենքդ շարվեցեք այստեղ:

Հետո դառնալով մեզ՝ ավելացրեց.

-Ինչպե՞ս չէ, գիտեն և լա՛վը գիտեն:

ՈՒ ձեռքի քանոնը վեր բարձրացնելով՝ գոչեց.

-Բոլորդ միասին ինձ հետ երգե՛ցեք՝ ‹‹Այբ-բեն-գիմ››: Չէ՞ որ բոլորիդ անգիր սովորեցրել եմ: Դե՛հ, այսպես:

Եվ քանոնի համաչափ շարժումներին ներդաշնակ՝ բոլորը, հետևելով ուսուցչին, սկսեցին բարձր և երգեցիկ ձայնով երգել.

Այբ, բեն, գիմ,

Դա, եչ, զա,

Է, ըթ, թո…

-Ահա՛ ձեզ մի ընդհանուր ազգային երգ, որ ամեն հայ անպատճառ պետք է գիտենա: Ահա չորս-հինգ տարի է՝ ես այս երգն եմ սովորեցրել, ուրիշ երգ չեմ ճանաչում…,- բոցավառ շրթունքներով շնչասպառ ասաց ուսուցիչը և սրբեց քրտնած ճակատը:

-Շատ ճիշտ եք ասում և կեցցե՛ք, իսկապես որ աննման էր,- ոչ նվազ ոգևորությամբ պատասխանեցինք մենք:

Ապա մեր շնորհակալությունը հայտնելով՝ ամուր սեղմեցինք հնարամիտ ուսուցչի ձեռքը և ուրախ ու թեթև շարունակեցինք մեր ուղին:

Մի պահ գտնվում էինք այդ տարօրինակ երգի ազդեցության տակ: Ընկերս խզեց լռությունը.

-Համաձայն չե՞ս, որ քանի հայն ապրում է, հայոց ‹‹այբ-բեն››-ը չի մեռնի:

1-ին մաս

1. Նկարագրի՛ր գյուղական դպրոցը՝ ըստ տեքստի:

Պատասխան՝ __________________________________________________________________________________________________________________________________________________________________________

2. Ըստ ուսուցչի՝ ո՞րն է ազգային երգը::

ա) Այբ-բեն -գիմ

բ) Ազգային երգը

գ) Մասիս սար

դ) Մայր Արաքսի

3. Ուշադիր կարդա՛ տեքստը և պատասխանի՛ր տրված հարցերին:

ա) Ի՞նչ է պատասխանում ուսուցիչը, երբ նրան հարցնում են, թե աշակերտները գիտեն արդյոք որևէ ազգային երգ:

ա) Ասում է, որ չգիտեն:

բ) Ինքը է և երգ չի սովորեցրել:

գ) Երեխաները երգել չեն կարող:

դ) Գիտեն միայն -ն:

բ) Տեքստից դուրս գրի՛ր այն նախադասությունը, որտեղ բնութագրվում է ուսուցիչը:

Պատասխան՝ ________________________________________________________________

4. Նկարագրիր ուսուցչին երգի ավարտից հետո:

Պատասխան՝ ________________________________________________________________

5. ա) Ի՞նչ միտք արտահայտեց ընկերը երգը լսելուց հետո:

Պատասխան՝ ________________________________________________________________

բ) Քո կարծիքով ճի՞շտ էր ընկերը:

Պատասխան՝ ________________________________________________________________

2-րդ մաս

Կատարի՛ր տրված առաջադրանքները:

6. Տրված բառակապակցությունների ընդգծված բառերում բաց թողած տեղում դատարկ է: Արտագրի՛ր ընդգծված բառերը՝ դատարկ վանդակի փոխարեն լրացնելով անհրաժեշտ տառը:

Փոքրիկ ձա__ուկ, տար__րինակ արարք,

Ջերմ ող__ույն, զվար__ տրամադրություն

Պատասխան՝ _____________________________, _______________________________________, __________________________________________, ________________________________________

7. Հետևյալ բառակապակցություններից ո՞րը դարձվածք չէ:

1. Թոկից փախչել

2. Ձեռքից գնալ

3. Ցցված նայել

4. Սիրտը շահել

8. Տրված բառերից ո՞րի դիմաց է սխալ նշված նրա տեսակը՝ ըստ կազմության:

1. Արագաշարժություն- բարդածանցավոր

2. Հախճապակի- հոդակապով բառ

3. Մարզաձև- բարդ բառ

4. Լեռնային- վերջածանցավոր բառ

9. Տրված բառերից յուրաքանչյուրը բնութագրված է որպես խոսքի մաս: Ո՞ր տարբերակում սխալ կա:

1. Քեռի- անձ ցույց տվող գոյական

2. Թարմ- ածական

3. Ուստի- շաղկապ

4. Առավոտ- ածական

10. Տրված նախադասությունից դու՛րս գրիր այն լրացումը, որը պատասխանում է ինչպիսի՞ հարցին:

Մի ճերմակ ծաղիկ նազանքով ու տխրությամբ օրորում էր գլխիկը:

Պատասխան՝ ______________________________________________________