Гом урок «Фыдыбæстæ, ды махæн мады ад кæныс»

Къомайты К.Э.

2019 аз.

Темæ: Фыдыбæстæ хъахъхъæнæджы бон.

Нысан: 1. Мадæлон æвзагмæ уарзондзинад гуырын кæнын.

2. Ныхасы рæзтыл куыст; растдзурынадыл куыст.

3. Сывæллæтты зæрдæты гуырын кæнын патриотон æнкъарæнтæ,

базонгæ сæ кæнын бæрæгбоны равзæрдимæ.

Урочы цыд:

1. Бацæттæгæнæн рæстæг.

– Уæ бон хорз!

- Æгас цу!

- Чи у абон радгæс? (…) Къуырийы бонтæй кæцы у? (…)

-Афæдзы афонтæй та цавæр афон у? (…)

-Нæ абоны урочы мах дзурдзыстæм диссаджы бæрæгбоны тыххæй.

- Цавæр бæрæгбоны тыххæй дзурдзыстæм, уый иумæ базондзыстæм.

-Бакæсут-ма слайдтæм, цавæр дзырдтæ дзы уынут?

-Ратæлмац ма сæ кæнут

-Куыд баст сты карадзиимæ ацы дзырдтæ?

-Уæдæ цавæр бæрæгбоны тыххæй дзурдзыстæм абон?

-Уый у Фыдыбæстæ хъахъхъæнæджы бон.

1. Текстимæ куыст.

-Тынг хорз. Абон мах нæ урочы дзурдзыстæм, нæ бæстæ нын чи хъахъхъæдта æмæ хъахъхъæны, уыцы адæмы тыххæй. Куыд сæ хонæм?

(Фыдыбæстæ хъахъхъæнджытæ)

- Фæнды мæ сымах базонгæ кæнын Фыдыбæстæ хъахъхъæнæджы боæрæгбоны фæзындимæ.

Байгом кæнут уæ чингуытæ, ссарут текст.

(Ног дзырдтæ иууылдæр зонæм)

- Цæмæй тексты мидис бамбарæм, уый тыххæй йæ хъæуы ратæлмац кæнын уырыссаг æвзагмæ.

Алкæцы скъоладзау дæр кæсы фæйнæ æртæ хъуыдыйады æмæ сæ тæлмац кæны.

- Фæрстытæ текстмæ:

• - Цæвæр бæрæгбон у æмæ йæ кæд бæрæг кæнæм ?

• -Кæй бæрæгбон у ?

• Кæд снысан кодтой ацы бæрæгбон?

• Бæрæгбон фыццаг куыд хуындис?

• Цал адæймаджы ацыдис Ирыстонæй хæстмæ?

• -Цавæр у йæ сæйраг мидис ?

• - Бæрæгбоны нысаниуæг нæ абоны царды ?

ІІІ. Къордты куыст.

-Адих кодтам кълас 2 къордыл. Алы къордæн дæр лæвæрд æрцæудзæн æмхуызон хæслæвæрд рæстæгмæ.

1-аг хæслæвæрд:

Ратæлмац кæнын ног дзырдтæ æмæ дзырдбæстытæ: æфсæды лæггад кæнын, кадджынæй, æфсады рæнхъытæ, арæнтæ, хæстон-денджызы флот, Фыдыбæсты Стыр хæст, сæраппонд, Советон Цæдисы хъæбатыр, ацæргæ адæм.

2-аг хæслæвæрд:

Сæмбырд кæнын æмæ ратæлмац кæнын æмбисæндтæ. – Фыдыбæстæ зæрдæйæ уарзын хъæуы.

- Хъæбатыры ном æнустæм цæры. Куыд æмбарут ацы æмбисонд?

- Хъæбатыр хæсты быдыры рабæрæг вæййы.

3-аг хæслæвæрд:

Сæвæрын хъуыдыйæдтæ фæд фæдыл цæмæй уæм рауайа текст æмæ йæ ратæлмац кæнын (стр. 90 №1).

4-м хæслæвæрд:

-Командæты хæдзармæ куыст

-Бацæттæ кæнын фыстæг æфсадæй

ІV. -Ныр та аулæфæм, аулæфын кæнæм нæ цæстытæ хæстон-денджызон флоты (Физ минутка). Ракæсут фæйнæгмæ.

V. Чиныгимæ куыст:

-Февралы мæйы 23-æм бон нæ бæстæйы адæм сæмбæлдысты кадджын бæрæгбоныл. Уымæн йæ ном рæстæгимæ иумæ куыд ивта, уый базондзыстæм нæ раздæры урочы текстмæ гæсгæ (инт. фæйн.). Цы пълан сарæзтам уымæ гæсгæ.

Пълан:

1. 23-æм феврал - Фыдыбæстæ хъахъхъæнæджы бон.

2. Бæрæгбоны ном ивыны истории æмæ йæ сæйраг мидис.

3. Стырдæр фæлварæн - Фыдыбæсты Стыр хæст.

4. Бæрæгбоны нысаниуæг нæ абоны царды.

(Кæсынц)

VІ . Æмдзæвгæтæ

-Сывæллæттæ дзурынц æмдзæвгæтæ, кæцытæ бацæттæ кодтой зæрдывæрдæй дзурынмæ, Ирыстоны, мадæлон æвзаджы æмæ æфсады тыххæй.

VІІ. «Кæмæй у сæрыстыр Ирыстон».

-Æз ма уын бацæттæ кодтон презинтаци «Кæмæй у сæрыстыр Ирыстон».

-Нæ зæрдыл æрлæууын кæнæи Ирыстоны хъæбатырты, хæсты быдыры чи фæмард ис уыдоны.

-Сывæллæттæ бацаттæ кодтой чысыл уацтæ æмæ сæ кæсынц.

-Ветерантæй ма чи баззади, уыдонæн хъæуы лæггад кæнын. Уæлахизы бæрæгбонмæ алы скъола дæр архайы уыдоны сбуц кæнын æмæ семæ фембæлын.

Бузныг лæппутæ сбадут.

VІІІ. Рефлекси

• Æз базыдтон...

• Уыдис цымыдисаг...

• Мæ зæрдæмæ фæцыд...

• Мæ зæрдыл дардзынæн...