Գործնական աշխատանք

Գործնական աշխատանք

Առարկան`Մայրենի

Դասարանը`երկրորդ

Գործնական աշխատանքի տեսակը ` ստեղծագործական աշխատանքի կատարում

Թեման` Հորինել հեքիաթ աշնան մասին,կազմել փոքրիկ գիրք,նկարազարդել,հորինել հանելուկներ,բանակապ,աքրոստիկոս :

Նպատակը` Աշակերտների մեջ

• Կձևավորվի ցանկացած աշխատանք կատարելու նախագծման քայլերի մշակման կարողություն

• Կզարգանան ստեղծագործական ունակությունները ,երևակայությունը,դեպքերի ճիշտ և տրամաբանական հաջորդականությունը,սկիզբ և ավարտը ներկայացնելու կարողությունը

• Կզարգանա սեփական կարծիքն արատահայտելու ,ուրիշի կարծիքը լսելու կարողությունը

• Կձևավորվի գեղագիտական ճաշակ , կդրսևորվի էկոլոգիական դաստիարակության մի շարք հարցեր

• Կընդլայնվի նրանց աշխարհաճանաչողությունը

• Կկարողանան ընտրել հեքիաթի հերոսներին,կբնութագրեն նրանց , կարժևորեն նրանց դերը կյանքում,վարքագիծը գնահատելու կարողություններ

Խնդիրները

• Հեքիաթ հորինելու կարողություն

• Հեքիաթ ձևավորելու հմտություն

• Հեքիաթ նկարազարդելու ունակություն

Նախապատրաստում

Այս հետազոտության ընթացքում իրականացվում են կրթական , զարգացնող և դաստիարակչական խնդիրներ:

Կրթական

• Ակտիվացնել և արդիականացնել սովորողների գիտելիքներն այս թեմայի վերաբերյալ

• Համակարգել այդ գիտելիքները

• Ծանոթացնել դպրոցական ծրագրի սահմաններից դուրս նյութերին / Շնորհանդեսի ժամանակ կներկայացնեն անտառային կենդանիներին ու նրանց վարքագծին/

Զարգացնող

• Մշակել ուսումնասիրվող թեմայի համատեքստում դատողություններ անելու , վերլուծելու,համեմատելու,ինքնուրույն եզրահանգումներ կատարելու կարողություններ :

• Հրապարակայնորեն ներկայացնելու հետազոտության արդյունքները

• Զարգացնել կրտսեր դպրոցականների ստեղծագործական ակտիվությունը

• Խթանել նրանց հետաքրքրությունը գիտության ,շրջակա աշխարհի , միջավայրի նկատմամբ:

Դաստիարակչական

• Ստանալ այնպիսի աշխատանք , որն անհրաժեշտ լինի և’ կատարողին,և’ այլոց

• Հետազոտական աշխատանքներում ներգրավել նայև ծնողներին

• Դասարանում ստեղծել բարոյահոգեբանական առողջ մթնոլորտ

Անհրաժեշտ նյութեր

Գունավոր թղթեր, գունավոր մատիտներ, բնական տերևներ, A4 ֆորմատի թղթեր,նշիչներ, գրիչներ, մկրատ,սոսինձ, անտառային կենդանիներին պատկերող դիմակներ:

Դասասենյակի նախապատրաստումը

Սեղանները դասավորել 4 հոգանոց խմբերով աշխատելու համար :

Ձևավորվում է 5 խումբ: /Խմբերի բաժանվում են հաշվելով /

Ընթացքը

1. Գործնական աշխատանքի նախագծում.

Քայլ 1-ին - Ձևավորել խմբեր /5 խումբ/

Քայլ 2-րդ - Յուրաքանչյուր խմբի տալ հանձնարարություն

Քայլ 3-րդ - Նախագծել պատկերող պաստառի կառուցվածքը:

Քայլ 4-րդ - Խմբում յուրաքանչյուր աշակերտի հանձնարարության բաշխում և պլանավորում :

Քայլ 5-րդ – Ցուցաբերել ստեղծագործական մոտեցում պաստառի ձևավորմանը և հաղորդման պատրաստմանը

Աշխատանքի կատարման համար տրամադրվում է 3 շաբաթ ժամանակ

1-ին խումբ -Հորինել հեքիաթ `աշնան մասին վերնագրով

2-րդ խումբ - Ձևավորել և կազմել գրքույկ ` հեքիաթը գրելու համար

3-րդ խումբ -Նկարազարդել հորինված հեքիաթը

4-րդ խումբ -Հորինել բանակապ և հնգյակներ, աքրոստիկոս նվիրված աշնանը

5-րդ խումբ - Հորինել և գրել հանելուկներ

Խմբերի ավագներին հանձնարարել համացանցից կամ մանկագիտարաններից փնտրել և կազմել զեկուցումներ `նվիրված անտառի կենդանիներին և այն համադրել եղանակի հետ և նշել, թե նրանք ինչպես են պատրաստվում դիմավորել ձմռանը:

Աշխատանքի ներկայացում

• Ընտրվում է շնորհանդեսի օրը և աշակերտները ներկայացնում են իրենց աշխատանքները:

• Յուրաքանչյուր խումբ կներկայացնի իր աշխատանքը `զուգորդելով նկարազարդման ցուցադրությամբ

• Ներկայացնելուց հետո խմբերը կփակցնեն գրատախտակին ամրացված պաստառի վրա :

• Այնուհետ խմբերի անդամներից կազմված թատրոնի խումբը կներկայացնի բեմականացումներ ` և վերնագրով:

• Կներկայացվի որոնողական –հետազոտական աշխատանքները անտառի կենդանիների մասին խմբերի ավագների կողմից: Շնորհանդեսի վերջում աշակերտները կխաղան հետքրքրաշարժ առաջադրանքով խաղ

Այսպես կլրացնեն աշակերտները:

Վերջնական արդյունքների ներկայացում

Յուրաքանչյուր խումբ դասարանին ներկայացրեց իր աշխատանքը: Խմբերի աշխատանքները հավանության արժանացան ,բոլորն էլ համապատասխանում էին կոնկրետ առաջադրանքին և ընդհանուր պահանջներին:

Նրանք իրենց աշխատանքները փակցրեցին ծնողների կողմից ստեղծված պաստառին`, համապատասխանաբար իրենց հատկացված խմբերի վրա: Դա առաջին թերթն էր, որն ստեղծվեց աշակերտների և ծնողների ձեռքով: Այն գնահատվեց որպես գունազարդ, գեղեցիկ, ճաշակով, խորիմաստ թերթ: Բոլոր աշակերտներն էլ մեծ խանդավառությամբ, պատասխանատվությամբ և, ամենակարևորը, սիրով աշխատեցին: Նրանք երջանիկ են:

Արդյունքների գնահատում: Գնահատվեցին`

1.Խմբերի աշխատանքը

2.Ընդհանուր աշխատանքը

3.Յուրաքանչյուր աշակերտի աշխատանքը