Գործնական աշխատանք

Դասի պլան

Առարկան- քիմիա

Դասարանը- 10-րդ

Դասի թեման- Հալոգենիդ իոնի հայտաբերումը և թթվածնի ստացումը

Դասի տիպը- գործնական աշխատանք

Դասի նպատակը.

1. Դասի ընթացքում աշակերտները կկարողանան ստանալ թթվածին և կուսումնասիրեն դրա որոշ հատկություններ

2. Կկատարեն փորձեր` հալոգենիդ իոնի հայտաբերման համար

3. Կզարգացնեն գործնական աշխատանք կատարելու, դիտարկելու, մեկնաբանելու, եզրահանգումներ կատարելու և աշխատանքը ներկայացնելու կարողությունները

4. Կշարունակեն զարգացնել քիմիայի լաբորատորիայում աշխատելիս անվտանգության կանոնները պահպանելու կարողությունները

Անհրաժեշտ նյութեր- նատրիումի քլորիդ, կալիումի յոդիդ, արծաթի նիտրատ, կալիումի քլորատ, մանգանի երկօքսիդ, փորձանոթներ, սպիրտայրոց, բռնիչ, մարխ:

Գործնական աշխատանքի նպատակը

1. Ստանալ քլորիդ իոն պարունակող նստվածք` կալիումի յոդիդ, նատրիումի քլորիդ և արծաթի նիտրատ աղերի փոխազդեցությունից, դիտարկել երևույթները, գրել ռեակցիաների իոնային հավասարումները

2. Ստանալ թթվածին ` բերտոլեի աղից, ծխացող մարխի միջոցով դիտել թթվածնի` այրմանը նպաստելու հատկությունը, գրել ռեակցիայի հավասարումը

Դասի ընթացքը.

1. Սովորողներին բաժանել 2 խմբի, յուրաքանչյուր խմբին հանձնարարել իրենց կատարվելիք աշխատանքի փաթեթը: Խմբի ներսում կատարվում է փաթեթի առաջադրանքների բաշխում 2ր.

2. Ներկայացնել գործնական պարապմունքի կատարման ընթացքը 3ր.

3. Ցուցադրական սեղանին ուսուցիչն աշակերտի օգնությամբ կատարում է փորձերը 10ր.

4. Խմբերը կատարված գործնական պարապմունքը ըստ գիտափորձի կետերի ներկայացնում են պաստառի ձևով: Խմբում յուրաքանչյուր աշակերտ կատարում է իր ստացած քարտով նախատեսված առաջադրանքը:Խմբի անդամները կարող են քննարկել , խորհրդակցել, բայց յուրաքանչյուր աշակերտ պատասխանատու է աշխատանքի իր բաժնի , իր քարտով ստացած հանձնարարության կատարման համար

5. Խմբերը ներկայացնում են պաստառները: Ամեն խմբին իր պաստառը ներկայացնելու համար տրվում է 2 րոպե

6. Անդրադարձ- 1. Ի°նչ արեցինք այսօր, ի°նչպես աշխատեց ձեր խումբը, ի°նչը կբարելավեք ձեր խմբի աշխատանքում հաջորդ անգամ 2ր.

7. Տնային հանձնարարություն- տետրում ձևակերպել կատարած աշխատանքը

8. Գնահատել աշակերտին նկատի ունենալով յուրաքանչյուր աշակերտի ստացած քարտով նախատեսված հանձնարարության կատարման որակը խմբի կողմից ներկայացված պաստառում, աշխատանքի ձևակերպումը գործնական աշխատանքի տետրում:

Հալոգենիդ իոնի հայտաբերումը

1

Անհրաժեշտ նյութեր և սարքեր: Էսքիզներ և նկարներ

1. Թվարկիր գործնական պարապմունքի ժամանակ օգտագործված սարքերը

2. Թվարկիր օգտագործված նյութերը

2

Փորձի նկարագրություն

1. Նկարագրիր 2 նյութերի փոխազդեցությունը

2. Նկարագրիր վերջնանյուփերի տեսքը և գույնը

3

Դիտարկում

1. Քիմիական ռեակցիայի ինչ նշաններ տեսար

2. Որ նյութերի փոխազդեցությունը և ինչ նյութերի ստացում դիտեցիր

4

Մեկնաբանություն

1. Ինչու առաջացան նստվածքներ

2. Ինչպես նստվածքները տարբերվեցին իրարից

5

Արդյունքներ և եզրակացություն

1. Ռեակցիաների որ տիպի օգնությամբ հայտաբերեցիք հալոգենիդ իոնը

2. Գրել քիմիական ռեակցիաների մոլեկուլային և կրճատ իոնական հավասարումները

Թթվածնի ստացումը

1

Անհրաժեշտ նյութեր

1. Թվարկիր գործնական աշխատանքի ժամանակ օգտագործվող սարքերը և նյութերը

2

Փորձի նկարագրություն

1. Նկարագրիր թթվածնի ստացումը

2. Նկարագրիր մարխի բոցավառումը թթվածնում

3

Դիտարկում

1. Քիմիական ռեակցիայի ինչ նշաններ տեսար

2. Ինչ դիտարկում արեցիր` մարխը թթվածնում բոցավառվելու ժամանակ

4

Մեկնաբանություն

1. Ինչ դեր կատարեց մանգանի երկօքսիդը

2. Ինչու մարխը բոցավառվեց և հետո հանգեց

5

Արդյունքներ և եզրակացություն

1. Գործնական աշխատանքի ժամանակ որ եղանակով ստացաք թթվածին

2. Թթվածնի որ հատկության հետ ծանոթացաք

3. Գրել ռեակցիայի հավասարումը