Գործնական աշխատանքների բովանդակությունն ու մեթոդները

Գործնական աշխատանքների բովանդակությունն ու խնդիրները

Գործնական անվանում ենք սովորողների կողմից կատարվող այն աշխատանքները,որոնք վերաբերում են նրանց ձեռք բերած գիտելիքների,կարողությունների և հմտությունների գործնական կիրառություններին: Գործական աշխատանքների հիմնական նպատակներն ու խնդիրներն են.

.ձրավորել և զարգացնել սոցիալական հմտություններ,

.մատուցել կիրառման համար անհրաժեշտ տեսական և գործնական նյութեր,

.նպաստել անհատի ինքնադրսևորմանը,կենսագործունեությանը և հմտությունների զարգացմանը:

Գործնական աշխատանքների ընթացքում պետք է իրականացվեն այնպիսի գործողություններ,ինչպիսիք են գիտելիքների որոնումը,դրանց իմաստավորումը,ամրապնդումը,կարողությունների և հմտությունների ձևավորումը և զարգացումը,գիտելիքների համակարգումը:Որպես մանկավարժական երևույթ՝ գործնական աշխատանքը մի կողմից ուսումնական առաջադրանք է,այսինքն՝այն,ինչ պետք է անի աշակերտը,մյուս կողմից՝այդ առաջադրանքի կատարման ընթացքում համապատասխան գործունեության՝հիշողության ,մտածողության,ստեղծագործական երևակայության դրսևորման ձև:

Սովորողներին ներկայացվող չափորոշչային և ծռագրային պահանջների համաձայն՝ մայրենիից նախատեսվում են տարբեր բնույթի ու տիպի գործնական աշխատանքներ.

.պատմության գծապատկերի կազմում՝նախադասությունների համար գունային

բաժանումներով,

.բառերի,վանկերի կազմության գծապատկերներ,

.տեքստի սխալների ուղղում,խառնված հերթականության շտկում,

.գործնական գրություններ՝նամակ,հասցե ,հայտարարություն,

.գովազդային վահանակ,դասարանական թերթ ստեղծելու և ձևավորելու աշխատանք,

.տեքստի նկարազարդում,

.հեքիաթների հորինում,ինքնաշեն գրքերի նկարազարդում,

.զանազան տեղեկատվական աղբյուրներից որոնել, գտնել տեղեկություններ առաջադրված հարցերին պատասխանելու համար: