"Гостеприимство"- внеклассное мероприятие

Прохладненскэ куейм хыхьэ

Къэрэгъэш курыт еджап1э №2

«Адыгэм хьэщ1э и щ1асэщ».

(Ет1уанэ классым щек1уэк1а классщ1ыб зэхьэзэхуэ)

Зыгъэхьэзырар

пэщ1эдзэ классхэм щезыгъаджэ

Лу Маритэ

2015гъ.

Адыгэм хьэщ1э и щ1асэщ.

Мурадыр :

- сабийхэм адыгэхэм ижь-ижьыж лъандэрэ къадэгъуэгурык1уа хабзэ гъуэзэджэхэм теухуауэ ящ1эм зегъэубгъун;

-адыгэ хабзэм мыхьэнэшхуэ балигъхэми сабийхэми я дежк1э зэри1эр ц1ык1ухэм ягурыгъэ1уэн;

-ди щ1эблэщ1эм къыщалъхуа я щ1ып1эр ф1ыуэ ялъагъуу, хабзэ нэмысыр зэрахьэу, хьэлщэн дахэ яхэлъу дунейм тетыным хуэущиин.

Еджак1уэ: «Нанэ и псэ, дадэ и бзэ». Нало Заур.

Сэ си нанэр папэм янэщ,

И псэр адыгэпсэщ.

Сэ си дадэр папэм ядэщ,

И бзэр адыгэбзэщ.

Адыгэпсэ, нанэ и псэ,

Сыту упсэ дахэ!

Адыгэбзэ, дадэ и бзэ,

Сыту убзэ дахэ!

Фщ1эрэ фэ а бзэм и л1ыгъэр?

Ар йопсалъэ Дыгъэм.

Сыту ф1ыщэт уэ, ди Дыгъэр,

Узэрыадыгэр!

Еджак1уэ:

Тетщ дунеишхуэм адыгэ лъэпкъ

БжыгъэкIэ мащIэми, лIыгъэ яхэлъщ

Iущхэщ, бэшэчхэщ, пщIэшхуи зэрахьэ

Лэжьыгъэ хъуами псэемыблэжхэщ.

Хабзэр, нэмысыр ныбжьу ягъусэщ,

ШыгъупIастэ IэнэкIи зы къатемыкIуэ,

ХьэщIэ яфIэфIщи, ину яIэт

Джэгухэр хуагъахъэ, шыгъажэ хуащI.

ЖьэкIэху тхьэмадэу щытщ Iуэщхьэмахуи

Адыгэ псори, дэни щыпсэури

И псэр хуэкъабзэу и гур хуэщабэу

Ирегъэблагъэр адэжь жьэгупэжьым.

Езыгъэк1уэк1 1-2: Фи махуэ ф1ыуэ.

Езыгъэк1уэк1 1: Адыгэ хабзэхэр хабзэу щы1эм я нэхъ дахэщ. Абы хохьэ уи лъэпкъыр, укъыщалъхуа уи щ1ып1эр ф1ыуэ лъэгъуныр, укъэзылъхуа уи адэ- анэм пщ1э, нэмыс хуэщ1ыныр, нэхъыжьхэм ц1ыхубзхэм пщ1э хуэщ1ыныр, хьэщ1э гъэхьэщ1эныр гъэлъэп1эныр.

Нобэ дэ дытепсэлъыхьыну дыхуейщ, адыгэхэм хьэщ1эм к1элъызэрахьэу щыта хабзэм.

Езыгъэк1уэк1 2: Пасэ зэман лъандэрэ хьэщ1эм пщ1э хуащ1у къадэгъуогурык1уэ, гуапагъэр, хьэщ1агъэ зехьэныр, мы лъэхъэнэми Кавказым щахъумащ, псом хуэмыдэу адыгэхэм.

Езыгъэк1уэк1 1: Адыгэхэм хьэщ1агъэ зэрызэрахьэр адрей лъэпкъхэм къазэрыщхьэщык1ыр дэтхэнэ зы гъуэгурык1уэри хьэщ1эу ирагъэблагъэу зэрыщытарщ.

Езыгъэк1уэк1 2: Адыгэхэм хьэщ1эщ я1эу щытащ. Ар сыт щыгъуи хьэзырт: маф1э щ1ауэ, пхъэ къутауэ щ1элъу, п1э щ1эту, ек1уу зэлъ1ухауэ щытт.

Езыгъэк1уэк1 1: Хьэщ1эр хэтми ирагъэблагъэрт, зык1и еупщ1тэкъым, ерыскъым и нэхъыф1ыр къыхуащтэрт, ягъэтыншырт.

Езыгъэк1уэк1 2: Хьэщ1эм ерыскъы 1эф1 зэмылуэужьыгъуэхэр хутрагъэувэрт. Абы и 1энэм тралъхьэрт унэм нэхъ ерыскъы нэхъыф1у щ1элъхэр. Хьэщ1эр нэхъыф1у гъэхьэщ1а зэрыхъуным хущ1экъурт.

Езыгъэк1уэк1 1: Хьэщ1эм зыгуэр ф1эк1уэдамэ, бысымым къигъуэтыжын хуейт.

Езыгъэк1уэк1 2:Адыгэм хьэщ1эм зэи лей къытрагъэхьэртэкъым, яхъумэрт.

Езыгъэк1уэк1 1:Хьэщ1э къэк1уамэ, ар я бийуэ щытми, пежьэу и шы 1умп1эр иубыду къригъэпсыхын, и щ1ак1уэ-бащлъыкъыр къы1ихыу иригъэблэгъэн хуейт.

Езыгъэк1уэк1 2: Хъыджэбз, щ1алэ хьэщ1эхэм джэгу хуащ1у я нэгу зэрагъэужьын хуейт.

Езыгъэк1уэк1 1: Л1ыжь хьэщ1эм, гъунэгъу л1ыжь къашэрти бгъэдагъэсырт, ямыгъэзэшу, хуэпщаф1эу ягъатхъэу.

Езыгъэк1уэк1 2:Хьэщ1эм и 1уэху зэф1эк1арэ емыжьэжмэ, ар емык1уу къалъытэрт.

“Хьэщ1эр хьэщ1эщым къыдогъэблагъэ” - гъэлъэгнъуэн.

1эдииху: Хьщ1эщымк1э сыплъати хьэщ1э къытхуэк1уа си гугъэщ. Мухьэдин, хьэщ1эр къегъэблэгъэн хуейщ.

Хьэщ1эхэм: Уи махуэ ф1ыуэ!

Ратмир: Хьэщ1эхэм захуигъэзауэ. Фи махуэ ф1ыуэ! Фыкъеблагъэ хьэщ1э лъап1эхэ ди хьэщ1эщымк1э. Фыныщ1ыхьэ, моуэ фет1ысэхи т1эк1у зывгъэпсэху. Сэ зы талайк1э къэзгъэзэжынщ.

Ратмир: 1эдииху зэхуигъэзауэ. Хьэщ1эхэр гъэхьэщ1эн хуейщ. Нэхъ шхыныф1 дыдэу щы1эхэр яхуэгъэхьэзырын хуейщ.

1эдииху : Ат1э лы хэк1хэр хьэзыр хъухук1э лакъумрэ къалмыкъ шейрэ, кхъуей щ1ыгъуу тхьынщ.

Ратмир: Чэтым к1уауэ зы мэл къэубыдауэ ф1эгъэжын хуейщ, хьэщ1эм папщ1э.

1эдииху : Ди гъунэгъухэми жеф1э хьэщ1эхэр дызэри1эр. Ахэр тегъэун хуейщ.

Танцевальная группа исполняет национальный танец “Кафу”.

Хьэщ1эхэр щежьэжк1э бысымым къехъуэхъурт:

Хьэщ1э 1: Мы 1энэр къэзыухуар

Илъэс мин псо псэуамэ,

Гукъеяуэ имы1эу,

И 1эм насып къыпыщу,

Къыпыщэщрэ игуэшу,

Жылагъуэм ялъысрэ,

Хэхэсми къелыжу,

Ди тхьэ, апхуэдэу гъэпсэу!

Хьэщ1э 2:

Мы 1энэр къыщащта унагъуэр-

Уардэ унэжьу,

Выжьхэр щаук1ыу,

Гъэлъэхъу ук1ып1эу,

Ик1ым кърихьэу

Къихьэм къранэу,

Уардэ унэ зэтесу,

Хьэщ1э епсыхып1эу,

Зы губгъэни ямы1эу

Гъэ мин унагъуэ тхьэм ищ1.

Езыгъэк1уэк1 1: Адыгэхэм хабзэм ехьэл1ауэ псалъэжь куэд ди1эщ. Тф1эф1щ абыхэм ящыщ фыщ1эдгъэдэ1умэ:

Еджак1уэ: Адыгэ хабзэр адэ щ1эинщ.

Еджак1уэ: Адыгэм хьэщIэ и щIасэщ.

Еджак1уэ: Хьэщ1эм насып къыдок1уэ.

Еджак1уэ:Адыгэ хьэщ1эр быдап1э исщ.

Еджак1уэ: Хабзэм къемызэгъыр и бийщ.

Еджак1уэ:Хабзэф1ыр къегъэжьэгъуейщ, ауэ хэгъэк1уэдэжыгъуаф1эщ.

Еджак1уэ: Щ1эблэр бгъасэмэ, къыпхуэсакъынущ, бгъэсэхъумэ лъабжьэк1э уихьыгнущ.

Еджак1уэ: Адыгэ мыгъуэ, шыгъурэ пIастэрэ.

Еджак1уэ: АдрыщIым ущIэдэумэ, мыдрыщIыр къыплъысынщ.

Еджак1уэ: Хабзэ лъэIукъыми, Iумахуэ Iуэхутхьэбзэкъым.

Еджак1уэ: Гъунэгъуф1-къуэшыф1 пэлъытэщ

Еджак1уэ:Нэмысыр хьэхууи ятыркъым, щ1ыхуэуи къащтэркъым.

Еджак1уэ: Нэмыс здэщымы1эм,насып щы1экъым

Еджак1уэ:Уи адэ-анэ яхуэпщ1 нэмысыр уи бынми къыпхуащ1ыжынщ

Еджак1уэ: «Си щ1ыналъэ» Къагъырмэс Борис.

Си гур бгъэм зэрилъым хуэдэу,

Сигу сыт щыгъуи илъыр уэрщ.

Си пщ1ыхь 1эф1ым уэращ хэтыр,

Нэгъуэщ1 хэку щызгъак1уэм жэщ.

Уэ узи1эу щымытамэ,

Куэд си гъащ1эм хущыщ1энт,

Ещхь сыхъунт къутам зи дамэр,

Зым щымыщу сыкъэнэнт.

Уэрщ си гъащ1эм и 1эф1ып1эр

Си псэм щыщу укъыщ1ок1.

Уэ угуф1эм – сэ согуф1э,

Унэщхъейм – куэд си фэм док1.

Лъахэу щы1эм сахэгъадэ,

Къэзгъэк1ухь сэ щ1ы хъурейр-

Пхуэдэу си гур хэзыгъахъуэ

Щызгъуэтынкъым мы дунейм!

Уэрэд «Адыгэ уафэ»

Адыгэ уафэ, адыгэ щ1ылъэ

Уэгум сихьамэ щ1ылъэр си плъап1эщ

Адыгэ уафэ, адыгэ щ1ылъэ

Уи лъахэм ситмэ дунейм сытеткъэ.

Уи къалэ щхьиблым зыкърагъэщхьу,

Вагъуэ зэшиблыр жэщк1э зэщ1облэ

А блым еянэу, нэхъ ябжьыф1эк1ыу

Си гурыф1ыгъуэр адыгэ хэкукъэ

Езыгъэк1уэк1 1-2: Ди зэ1ущэр абдежым щыдухынщ. Узыншэу фыщытхэ!