Գումարի բաժանումը թվի

1.Եթե յուրաքանչյուր գումարելին չի բանժանվում n թվի վրա, ապա նրանց գումարը բաժանվում է ո թվի վրա:

2.Եթե գումարի մի գումարելին չի բաժանվում տվյալ ո թվի վրա , իսկ մյուս մնացած գումարելիները բաժանվում են ո թվի վրա , ապա գումարը չի բաժանվում ո թվի վրա:

Մաթեմատիկայի տարրական դասընթացում գումարի բաժանելիության մասին թեորեմները ներկայացված են Գումարի բաժանումը թվի վրահասկացության տեսքով: Այս հասկացությունը օգտագործվում է միանիշ թվի վրա երկնիշ/եռանիշ/թիվը բաժանելիս:

Այս թեմայի ուսւոցումը սկսվում է նրա սահմանումից, որպեսզի երեխաները հետագայում կարողանան հարմար եղանակով հաշվել այս թեմային վերաբերող վարժությունները:

Սահմանում: Գումարը թվին բաժանելու համար կարելի է գտնել գումարն ու արդյունքը բաժանել այդ թվին կամ գումարելիներից յուրաքանչյուրը բաժանել այդ թվին և արդյունքները գումարել:

Ի դեպ, պետք է նշել, որ այս հատկության ուսուցման մեթոդիկան նման է գումարը թվով բազմապատկելու հատկության ուսուցման մեթոդիկային:

Սահմանումից անմիջապես հետո տրվում են որոշակի մարզողական վարժություններ.

Օրինակ: 1.Հաշվի'ր գումարը և ստացված արդյունքը բաժանիր թվի վրա:

/8 + 4/: 4= 12 : 4 = 3

2.Յուրաքանչյուր գումարելին բաժանիր թվի վրա, իսկ հետո գումարիր ստացված արդյունքները:

/8 + 4/: 4= 8 : 4+4 : 4 = 2 + 1 = 3

Այնուհետև աշակերտները համեմատում են այս երկու հանձնարարություններից ստացված պատասխանները և գալիս են այն եզրակացության , որ ցանկացած արտահայտության նկատմամբ/որտեղ լինի գումարը թվի վրա բաժանելու գործողություն/, եթե կիրառենք այս հատկության լուծման երկու եղանակները, ապա երկու դեպքում էլ կստանանք միևնույն պատասխանը:

Առաջադրանք: Յուրաքանչյուր արտահայտության արժեքը հաշվի'ր երկու եղանակով.

/10 + 6/ : 2 /12 + 9 / : 3 /24 + 16 / : 4

Այս թեմայի ուսուցման ժամանակ տրվում են այնպիսի վարժություններ, որտեղ աշակերտները տրված թվերը պետք է ներկայացնեն այնպիսի երկու գումարելիների գումարի տեսքով, որ նրանցից յուրաքանչյուրը բաժանվի բաժանարարի /տրված որևէ բնական ոչ բացասական ամբողջ թվի/ վրա:

Օրինակ: 36, 54 ,48 ներկայացրու երկու գումարելիների գումարի տեսքով , որոնցից յուրաքանչյուրը բաժանվի 6-ի:

Քանի որ աշակերտները առաջին անգամ ինքնուրույն չեն կարող գրել . ուսուցիչը որպես մոդել ներկայացնում է 36 թիվը երկու գումարելիների գումարի տեսքով , որից հետո աշակերտները պետք է նմանատիպ օրինակներ կազմեն մյուս թվերով:

Մոդել- /18 + 18/:6 =36 : 6 = 6 կամ /18 + 18 /: 6 = 18 : 6 + 18 : 6 = 3 + 3 = 6

/12 + 24/ : 6 = 36 : 6 = 6 կամ /12 + 24/ : 6 = 12 : 6 + 24 : 6 = 2 + 4 = 6

/30 + 6/: 6 =36 : 6= 6 կամ /30 + 6/ : 6 = 30 : 6 + 6 : 6= 5 +1 = 6

Այստեղ ուսուցիչը կիրառեց գումարը թվի վրա բաժանելու հատկության լուծման երկու եղանակը , քանի որ սկզբնական շրջանում նպատակահարմար է վարժություններ լուծել երկու եղանակով, որպեսզի երեխաները հմտանան այդ եղանակներից ցանկացածի կիրառման գործում: