Գույնին «գույն» մի՛ գումարեք

ԳՈՒՅՆԻՆ «ԳՈՒՅՆ» ՄԻ՛ ԳՈՒՄԱՐԵՔ

Կասե՞ք «վարդագույն գույնի մատիտ», «դարչնագույն գույնի վերարկու»: Դժվար թե: Սա հազվադեպ հանդիպող սխալ է: Իսկ ինչքա՜ն հաճախ ենք լսում՝ «կարմիր գույնի ներկ», «սև գույնի ավտոմեքենա»: Բայց չէ՞ որ տարբերություն չկա. վարդագույնը, դարչնագույնը, մոխրագույնը գույների անուններ են, ինչպես որ կարմիրը, սևը, դեղինը և այլն: Առաջին խմբի բառերը բարդվել են «գույն»-ի հետ, քանի որ դրանք ինքնին գույն չեն անվանում. վարդ+գույն, դարչին+գույն, մոխիր+գույն: Իսկ երկրորդ խմբի բառերը՝ կարմիր, սև դեղին և այլն, կրում են «գույն» բառի իմաստը: Դրանք այլ բան չեն նշանակում, քան գույն: Ուրեմն գույն անվանող ո՛չ պարզ, ո՛չ բարդ բառերի հետ պետք չէ գործածել «գույն» բառը:

Գրականությունից հիշենք՝ «Կարմիր գլխարկը», «Սև կակաչ», «Բաց կապույտ ծաղիկներ»: