Գծային հավասարումներ/դասի պլան/

Բ Ա Ց Դ Ա Ս Ի Պ Լ Ա Ն

Ուսուցիչ՝ Գայանե Սիմոնյան

Ամսաթիվը՝ 09.03. 2020 թ.

Առարկան՝ հանրահաշիվ

Դասարանը՝ 7-րդ

Դասի թեման՝ Գծային հավասարումներ (ԳԼՈՒԽ 2)

§4. Մեկ անհայտով գծային հավասարումներ

4.1. Առաջին աստիճանի մեկ անհայտով հավասարումներ

4.2. Մեկ անհայտով գծային հավասարումներ

4.3. Մեկ անհայտով գծային հավասարումների լուծումը

4.4. Խնդիրների լուծում գծային հավասարումների օգնությամբ

Դասի տիպը՝ անցած նյութի կրկնության, ամրապնդման և ամփոփման դաս

Դասի նպատակը՝

• կրկնել և ամրապնդել մեկ անհայտով առաջին աստիճանի հավասարման, մեկ անհայտով գծային հավասարման, գծային հավասարումների համարժեք ձևափոխությունների վերաբերյալ գիտելիքները,

• զարգացնել սովորողների՝ մեկ անհայտով գծային հավասարումների լուծման ալգորիթմը կիրառելու հմտություններ,

• ձևավորել տեքստային խնդիրները գծային հավասարումների միջոցով մոդելավորելու և լուծելու կարողություններ,

• զարգացնել համագործակցելու մշակույթ, ստեղծել փոխօգնության առողջ մթնոլորտ,

• ցույց տալ ցուցադրումների կիրառման և խմբային աշխատանքի առավելությունները:

Սովորողի ակնկալվող արդյունքները.

Իմանա՝ ինչ է մեկ անհայտով առաջին աստիճանի հավասարումը, մեկ անհայտով գծային հավասարումը, գծային հավասարումների համարժեքությունը:

Կարողանա լուծել մեկ անհայտով առաջին աստիճանի և մեկ անհայտով գծային հավասարումներ՝ կատարելով հավասարումների համարժեք ձևափոխություններ, մոդելավորել և լուծել տեքստային խնդիրներ՝ գծային հավասարումների միջոցով:

Դասի կահավորումը՝

• համակարգիչ, պրոյեկտոր, էկրան,

• A3 ձևաչափի թղթեր , որոնք պետք է բաժանվեն խմբերին՝ որպես աշխատանքային պաստառներ, գունավոր մարկերներ:

Դասի ընթացքը.

1. Տեսական նյութի կրկնություն և ամրապնդում

2. Առաջադրանքների կատարում

3. Դասի ամփոփում և գնահատում

4. Տնային աշխատանքի հանձնարարում

Դ Ա Ս Ի Ը Ն Թ Ա Ց Ք Ի Ն Կ Ա Ր Ա Գ Ր ՈՒ Թ Յ ՈՒ Ն Ը

Դասարանի աշակերտները նախորդ դասի ժամանակ նախապես բաժանվել են 4 աշխատանքային խմբերի: Ընտրվել են դասարանի համեմատաբար ավելի գիտակ երեք աշակերտները, որոնք նշանակվել են խմբերի ավագներ: Նրանցից յուրաքանչյուրը հերթով դասարանի մնացած աշակերտներից ընտրել է իր խմբի երկրորդ անդամին: Այնուհետև, նույն սկզբունքով՝ հերթով, ընտրվել են խմբերի երրորդ, չորրորդ և հինգերորդ անդամները:

Այս եղանակով ձևավորված խմբերը լինում են համասեռ, այսինքն՝ յուրաքանչյուր խմբում լինում են լավ սովորող և պատրաստված աշակերտներ, որոնք կարող են կազմակերպել և համակարգել այդ խմբի աշխատանքը:

1. ՏԵՍԱԿԱՆ ՆՅՈՒԹԻ ԿՐԿՆՈՒԹՅՈՒՆ ԵՎ ԱՄՐԱՊՆԴՈՒՄ

(2-րդ և 18-րդ սլայդներ)

Տեսական նյութի կրկնությունն իրականացվում է հարցերի և առաջադրանքների միջոցով: 3-րդ սլայդը պարունակում է 1-ից մինչև 15 թվերը, որոնք ցույց են տալիս ամփոփիչ հարցերի համարները: Խմբերը հերթով պատահականորեն ընտրում են թիվը և պատասխանում այդ համարի տակ բացվող հարցին:

Հարցեր և առաջադրանքներ

• Ո՞ր հավասարումն են անվանում մեկ անհայտով առաջին աստիճանի հավասարում:

• Ի՞նչն են անվանում kx+b=0 մեկ անհայտով առաջին աստիճանի հավասարման լուծում, եթե անհայտի գործակիցը հավասար չէ զրոյի:

• Ինչպիսի՞ն է մեկ անհայտով առաջին աստիճանի հավասարման ընդհանուր տեսքը: Ի՞նչ են անհայտի գործակիցը և ազատ անդամը:

• Ո՞ր հավասարումն են անվանում մեկ անհայտով գծային հավասարում:

• Ինչպիսի՞ երկու հավասարումներն են անվանում համարժեք:

Շարունակե՛ք.

• Լուծել հավասարումը, նշանակում է . . . :

• Եթե հավասարման աջ և ձախ մասերը բազմապատկենք զրոյից տարբեր միևնույն թվով (կամ բաժանենք զրոյից տարբեր միևնույն թվի վրա), ապա . . . :

Ճշմարի՞տ է արդյոք պնդումը.

• Եթե հավասարման որևէ անդամ հակադիր նշանով տեղափոխենք նրա մի մասից մյուսը, ապա կստանանք սկզբնական հավասարմանը համարժեք հավասարում:

• Եթե հավասարման ձախ կամ աջ մասում կատարենք նման անդամների միացում, ապա կստանանք նրան համարժեք հավասարում:

• Մեկ փոփոխականով գծային հավասարումը առաջին աստիճանի հավասարում է:

Այլ առաջադրանքներ.

• Ստորև բերված թվերից որո՞նք են 2x - 9 = - x + 3 հավասարման արմատներ:

• Համարժե՞ք են արդյոք հավասարումները:

• Արդյոք տրված հավասարումը x մեկ փոփոխականով գծային հավասարո՞ւմ է: Պատասխանը հիմնավորել:

2. ԱՌԱՋԱԴՐԱՆՔՆԵՐԻ ԿԱՏԱՐՈՒՄ

(19-37-րդ սլայդներ)

Էկրանին հերթով ցուցադրվում են առաջադրանքները: Լուծման համար խմբերին ժամանակ է տրվում: Այն խումբը, որն առաջինն է ավարտում աշխատանքը, ներկայացնում է իր լուծումը, որը համեմատվում է էկրանին ցուցադրվող լուծման հետ: Եթե լինում են սխալներ, վերջիններս քննարկվում և ուղղվում են:

Առաջադրանքները հետևյալն են.

Առաջադրանք 1. (20-22-րդ սլայդներ)

21-րդ և 22-րդ սլայդներում ցուցադրվում են նաև առաջադրանքների լուծումները:

Առաջադրանք 2. (23-27-րդ սլայդներ)

Հավասարումների լուծումները ցուցադրվում են 24-25-րդ սլայդներում:

Առաջադրանք 3. (28-32-րդ սլայդ)

Լուծել խնդիրը` կազմելով հավասարում:

29-32-րդ սլայդներում ցուցադրվում են խնդրների լուծումները:

Առաջադրանք 4. (33-37-րդ սլայդներ)

34-37-րդ սլայդներում ցուցադրվում են առաջադրանքների լուծումները:

3. ԴԱՍԻ ԱՄՓՈՓՈՒՄ ԵՎ ԳՆԱՀԱՏՈՒՄ

Ամփոփել դասը և անցնել գնահատմանը:

Մինչ այդ լսել աշակերտների կարծիքն այն մասին, թե խմբային աշխատանքի ժամանակ նրանցից ով ավելի արագ կողմնորոշվեց առաջադրանքները կատարելիս և խնդիրները լուծելիս, եղավ ավելի նախաձեռնող, նպաստեց խմբի արդյունավետ գործունեությանը, ստեղծեց համագործակցային մթնոլորտ և օգնեց ընկերներին:

Հաշվի առնելով սեփական դիտարկումներն ու աշակերտների կարծիքը՝ գնահատել 7-9 աշակերտի՝ հիմնավորելով յուրաքանչյուր գնահատականը:

4. ՏՆԱՅԻՆ ԱՇԽԱՏԱՆՔԻ ՀԱՆՁՆԱՐԱՐՈՒՄ

(38-րդ սլայդ)

Կրկնել գլուխ 2-ի տեսական նյութը,

կատարել № 643, 651, 667, 671 առաջադրանքները:

Գրականություն

1. Ս. Մ. Նիկոլսկի, Մ. Կ. Պոտապով, Ն. Ն. Ռեշետնիկով, Ա. Վ. Շեվկին «Հանրահաշիվ 7», «Անտարես» հրատարակչություն, Երևան 2016:

2. Ռ. Ավետիսյան «Հանրահաշիվ 7-9» ուսուցչի ձեռնարկ, «Անտարես» հրատարակչություն, Երևան 2011:

3. Մաթեմատիկա: Հանրակրթական հիմնական դպրոցի առարկայական չափորոշիչ և ծրագիր, «Անտարես» հրատարակչություն, Երևան, 2006:

4. Դասի ժամանակ օգտագործված ցուցադրում՝ https://lib.armedu.am/resource/28780 (հեղինակ՝ Գայանե Սիմոնյան):

5