Гуртуланы Э. "Сени жангы жылынг"

Дерсни темасы : Гуртуланы Эльдар «Сени жангы жылынг»

2-чи класс

2-чи Чегемни 1-чи номерли орта школуну устазы

Байдаланы З.М .

Дерсни муратлары:

• сабийле бла жылны кезиулерини юслеринден ушакъ бардырыу;
• табийгъатда болгъан тюрлеиулени юслеринден билдириу;
• къышны юсюнден хапар айтыу;
• окъуучуланы сёлешиу тиллерин ёсдюрюу;
• хапарчыкъны ариу окъуп, магъанасын сюзюу.

Дерсге керекли затла :

• дерс китап
• сёзлюкле
• ишчи дефтерле.

Дерсни барыуу:

Юй ишге къарау .

Сабийле юйге берилген «Уялдыкъ» деген назмучукъну кезиу-кезиу окъуйдула. Назмуну жигитини сыфатын ачыкълайдыла.

Соруула бла ишлейдиле:

• Сизни оюмугъузгъа кёре, окъуучу кесини тизгинин къалай жыйып жюрюрге керекди?
• Солман ючюн окъуучула нек уялдыла?
• Сиз а таныймысыз Солманча адам?
• Солман иги жашмыды? Нек?
• Иги бла аманны къалай ангылайсыз?
• Иги адам къаллай болургъа керекди?
• Жашчыкъны сыфатыны юсюнден айтылгъанны табып окъугъуз.
• «Бир адамны хатасындан битеу эл уялыр» деген нарт сёзню магъанасын сиз къалай ангылайсыз?

Жылны кезиулерини юслеринден ушакъ.

• Сабийле, жылны ненча кезиую барды?
• Ала къайсыладыла?
• Сиз аланы юслеринден не билесиз?
• Къыш, жаз, жай неда кюз келгенин биз

къалай билебиз?

• Табийгъатда къаллай тюрлениуле боладыла?
• Сиз а жылны къаллай кезиуюн жаратасыз?
• Нек?

Къышны эсгериу.

Келигиз къыш бизге къалай, къаллай тюрлениуле алып келгенин эсибизге тюшюрейик. Суратха къарап келигиз къышны юсюнден гитче хапарчыкъ къурайыкъ.

Къышны табийгъатыны юсюнден сиз не айталлыкъсыз? Къыш къалай келеди бизге? Келигиз къыш ойнаучу оюнларыбызны эсибизге тюшюрейик. Сиз а къаллай оюнла ойнаучусуз къыш?  

Сагъыш этигиз, къыш къаллай байрамла боладыла? Сиз аланы сюемисиз? Не ючюн?

Сёзлюк иш бардырыу .

алгъыш – пожелание

эсгеребиз - вспоминаем

умут – надежда

ёмюр – век

хорлам – победа

борч – долг

жетишимле – достижения

Жангы теманы ангылатыу.

Бюгюн биз сизни бла Гуртуланы Эльдарны «Сени жангы жылынг» деген хапарчыгъын окъурукъбуз. Бу хапарчыкъда автор жангы жыл бизге къаллай жангылыкъла, къаллай жангы умутла келтиргенин айтады.

• Хапарчыкъны ариу окъуу.
• Магъанасын тинтиу.

Соруула бла ишлеу

• Гуртуланы Эльдар хапарчыкъда къаллай жетишимлени юслеринден айтады?
• Жазыучу сизге къаллайла болугъуз дейди?
• «Намыс» деген сёзню магъанасын сиз къалай ангылайсыз?
• Сиз а уллу болсагъыз ким болуп ишлериксиз?

Сабийлеге белгиле салыу.

Юйге иш бериу:

хапарчыкъны иги окъургъа; соруулагъа жууап эте билирге; жангы жылны суратын ишлерге.

ЖАНГЫ ЖЫЛЫГЪЫЗ КЪУУАНЧ БЛА КЕЛСИН, ОГЪУРЛУ БОЛСУН!