Гуржап Ванюшкеевич Очиров, Васильева Саяна

Гуржап Ванюшкеевич Очиров

Энэ сэдэб олон шалтагаануудаар тон шухала гэжэ бодоноб.

• Нэгэдэхеэр, жэл бүри Майн 9-дэ совет арадай Агууехэ дайнай жэлнүүдтэ Агууехэ илалтын hайндэр үнгэргэдэг.
• Хоердохеор, сагай үнгэрхэ бүри ветерануудай үсөөн болоходо, тэдээн тухай мэдээнүүдые суглуулжа, шэнжэлжэ, хадагалжа ябаха манай уялга.
• Гурбадахяяр, хүн бүхэн өөрынгөө уг гарбал, үбгэ эсэгэнэр тухай hайн мэдэжэ, ургажа ябаhан үетэндэ дамжуулха еhотой гэжэ hанадагби! Намда эсэгэнэр тухай ганса хэдэн фото зурагууд бэшэ, харин ондоо хүнүүдэй hанамжанууд болон документнүүдэй үндэhэн дээрэ суглуулагдаhан байха еhото й .

Миниии ажалай гол зорилго : нютагайнгаа Эсэгэ ороноо хамгаалгын Агууехэ дайнда хабаадагша Гуржап Ванюшкеевич Очировой намтар шудалалга болоно гэжэ хүсэл бэелүүлхын тула иимэ зорилгонууд табигдаа :

- Агууехэ дайнай үеын гэр бүлын данса шудалха;

- нютагайнгаа хүнэй дайшалхы зам тухай мэдээсэл бэдэрэлгэ;

- суута хүнэй дайнай hүүлээрхи, саашанхи хуби заяан тухай мэдэхэ;

- сүлжээ холбооной доторхи Агууехэ дайн тухай мэдээсэлнүүдые шүүмжэлхэ.

Шэнжэлгын зүйл : Очиров Гуржап Ванюшкеевичай намтар.

Шэнжэлгын арганууд :

- гэр бүлын данса шудалалга;

- түрэл гаралнуудтайнь уулзалга;

• дүнгүүдые согсололго
• абтаhан мэдээнүүд.

Очиров Гуржап Ванюшкеевич 1905 ондо Буряад АССР-эй Баргажанай аймагай Яаригта тосхондо үгытэй малшан, түмэршэ дархан Очиров Очир Ванюшкеевичай гэр бүлэдэ түрэhэн. Яаригта тосхондо эхин hургуули дүүргээд, 1927 ондо Улаан Армиин зэргэдэ абтаад, 1946 оной февраль болотор совет армида алба хээ.

Очиров Гуржап Ванюшкеевичай дайшалхы ябадал тухай

Наhа барахаhаа урда өөр тухайгаа иигэжэ бэшэhэн байдаг: «19 жэлэй туршада алба гарахадаа, юрын сэрэгшэhээ капитан нэрэ зэргэтэй батальонай командир болоhон байнаб. 1936 онhоо 1941 он болотор алба гарахадаа, өөрынгөө подразделениеэ дайшалхы ба политическэ hуралсал гараhанай түлөө полкын командованиин Забайкалиин сэрэгэй округой командалагша, БМАССР-эй правительствын зүгhөө нэгэнтэ бэшэ шагналнуудта хүртөөб. Агууехэ дайнай эхиндэ 480-дахи стрелково полкдо алба хээб. Манай полк Минск-Москва ба Смоленск-Орша харгые хамгаалжа байгаа. Июлиин байлдаанай түлөө Улаан тугай Орденоор шагнагдаа hэм.

1941 оной августын гурбанда 8-дахи ротын бүридэлдэ өөрынгөө дивизиие хамгаалха үедөө немецүүдтэ бүhэлэгдөө hэмди. Бишье ба бидэнэй олон сэрэгшэд хүнгөөр шархатаа. hүниин харанхые hамбаашалан, хэдыхэн сэрэгшэд бүhэлэлтэhөө гаража, Смоленскэ областиин Духовщино аймагай Гришково hуури хүрөөбди. Тэдэ Духовщино районай партиин комитедэй секретарь нүхэр П.Ф.Цурновтай хамта партизанска отряд ба партизанска бригада байгуулаабди, hүүлээрнь К.Е.Ворошиловой хүтэлбэри доро командалааб.

Манай отряд дайсадта ехэхэн гээлтэ, хороолто ушаруулаа. 1942 оной апрель hарада Каспля-Липка, Спас-Липка, Босино-Озерецкое ба Преображенски hууринуудта 230 немецүүдые хюудөөбди. Тиихэдэ 17 моритой ашаануудые, олон тоото буу зэбсэг hомонуудые, пулемедуудые, винтовконуудые, автомадуудые эзэмдээб. Энэ байлдаанай hүүлээр Ленинэй Орденоор шагнагдаа бэлэйб. Бидэнэр Батябска шэглэл руу Демидов-Велинск, Демидов-Духовщино, Смоленск-Каспля-Демидово, Смоленск-Орша, Демидов-Якович харгынуудаар олон немецүүдые хюдаабди.

Гуржап Очировай дайшалхы саг тухай Д.Хилтухин ба А.Бальбуров «Амиды ябахые захирнаб» гэhэн ном бэшэhэн. Энэ ном соо партизан байhан сагай дайшалхы замын тодорхойгоор хэлэгдэнэ.

Очиров Гуржап Ванюшкеевичэй шагналнууд :

- оборонын наркомай нэрлэжэ үгэhэн часы ба мүнгэн потсигар(1945);

- японецүүдэй ара талада дайшалхы даабари дүүргэhэнэй түлөө – оборонын наркомай нэрлэжэ үгэhэн часы (1939);

- Ленинэй орден (1942);

- Улаан Тугай орден (1943);

- Улаан Одоной орден (1945);

- Медаль «Германи илаhанай түлөө 1941-1945».  

2017 оной майн 7-до Хурумхаанай аймагта Гуржап Очировто хүшөө табигдаа hэн.

Жэл бүри Г.В.Очировто зорюулагдаhан бүхэ барилдаанай мүрысөөн Баргажанай аймагта болодог.

hайн даа!