Համակարգչի շահագործման կարգը

ՀԱՄԱԿԱՐԳՉԻ ՇԱՀԱԳՈՐԾՄԱՆ ԿԱՐԳԸ

Համակարգչի գործարկումից առաջ անհրաժեշտ է համոզվել, ար այն պատրաստ է աշխատանքի.

1. համակարգային բլոկը համապատասխան կաբելների միջոցով միացված է տեսատիպի, ստեղնաշարի և այլ անհրաժեշտ սարքերի հետ,

2. համակարգային բլոկը և համակարգչի մոնիտորը միացված են էլեկտրոցանցին:

Այնուհետև, եթե համակարգիչը միացված է էլեկտրոցանցին` էլեկտրասնուցումը կարգավորող (UPS) սարքի միջոցով, ապա պետք է ապահովել այդ սարքի համապա տասխան աշխատակարգը:

Համակարգիչը շահագորշելու համար այն պետք է նախապատրաստել աշխատանքի: Դրա համար նախ անհրաժեշտ է միացնել համակարգիչը` կատարելով համապատասխան գործողություններ, միացնել բոլոր արտաքին սարքերը` համակարգային բլոկին, և համակարգային բլոկը` էլեկտրասնուցմանը: Սկզբնական բեռնավորումը սկսվում է մշտական հիշողությունում գտնվող սարքավորումների ստուգման ծրագրերի ավտոմատ թողարկումով: Եթե այդ ծրագրերը նկատում են որևէ անսարքություն, ապա էկրանի վրա դուրս է բերվում համապատասխան հաղորդագրություն կամ անսարքությանը համապատասխանող սխալի կոդը:

Սկզբնական բեռնավորումն ընթանում է հետևյալ փուլերով.

1. սարքավորումների ստուգման ծրագրերի կատարում,

2. փոխդասավորության ծրագրերի կատարում,

3. օպերացիոն համակարգի բեռնավորիչի որոնում,

4. օպերացիոն համակարգի բեռնավորում:

Նորմալ ընթացքի դեպքում բեռնավորիչ ծրագրի միջոցով օպերացիոն համակարգը բեռնավորվում է համակարգչի օպերատիվ հիշողության մեջ և կառավարումը փոխանցվում է դրան: Օրինակ` Ms Windows օպերացիոն համակարգի բեռնավորման ժամանակ էկրանին դուրս է բերվում հաղորդագրություն` Starting Windows …, Windows – ի հիմնական ֆայլերը հայտնվում են հիշողության մեջ: Վերջում էկրանին արտապատկերվում է Windows – ի աշխատանքային սեղանը (Desktop):

Բեռնավորման փուլերի աշխատանքը արտացոլվում է էկրանի վրա, ինչը հնարավորություն է տալիս հետևել դրանց կատարման ընթացքին:

Համակարգիչը գործարկելու համար անհրաժեշտ է

1. միացնել մոնիտորը,

2. միացնել համակարգային բլոկը` փոխարկիչի միջոցով,

3. միացնել մյուս անհրաժեշտ սարքերը:

Դրանից հետո մոնիտորի էկրանին կհայտնվեվ հաղորդագրություններ` համակրգչի սարքավորումների ստուգման և օպերացիոն համակարգի սկզբնական բեռնավորման ծրագրերի աշխատանքի ընթացքի մասին: Այդ գործընթացն անվանում են սկզբնական բեռնավորում:

Համակարգչի վերաթողարկումը կարելի է կատարել նաև «Reset» ստեղնի միջոցով, ինչպես նաև Ctrl+Alt+Delete ստեղների միջոցով, իսկ Windows-ում աշխատելիս` օպերացիոն համակարգի հրամանացանկի համապատասխան կետը ընտրելով (Start - Shut down - Restart):

Համակարգչի անջատման համար անհրաժեշտ է.

1. ավարտել աշխատող ծրագրերը, փակել բոլոր բաց պատուհանները,

2. եթե օպերացիոն համակարգը պարունակում է նրանից դուրս գալու ընթացակարգ, ապա կատարել այն: Օրինակ, Windows-ու ընտրել` Start - Sut Down կետը,

3. փոխարկիչի միջոցով անջատել համակարգիչը,

4. անջատել տպիչը և այլ արտաքին սարքերը,

5. անջատել տեսատիպը: