Հայոց լեզու 11

Ուսուցչուհի- Հովհաննիսյան Արմենուհի

Դպրոց- Մասիս քաղաքի Մեսրոպ Մաշտոցի անվան թիվ 1 հիմնական

Թեման- նախագիծ «Դարձվածք»

Առաջադրանքը- Կատարել հետազոտական աշխատանք «Դարձվածք» թեմայով:

Աշխատանքի փուլերը

Ստեղծել աշխատանքային խմբեր: Նախագիծը իրականացնել խմբերով: Ընտրել խմբերի ղեկավարներ, ովքեր կհամակարգեն խմբի անդամների աշխատանքը:

Կատարել աշխատանքի բաժանում:

Ձևավորել 3 խումբ (6-8 հոգուց բաղկացած խմբեր, ովքեր կարող են նաև զույգերով աշխատել):

I խումբ

1. Ուսումնասիրել «Բառակապակցություն» թեման, կատարել նշումներ, բերել օրինակներ:

2. Ուսումնասիրել «Դարձվածք» թեման, կատարել նշումներ՝ առանձնացնելով կարևոր մտքերն ու արտահայտությունները:

3. Առանձնացնել այնպիսի դարձվածքներ, որոնք կարող են հանդես գալ որպես ազատ կապակցություններ (օրինակ՝ ձեռքերը լվանալ): Աշխատել դարձվածաբանական բառարանով:

4. Ուսումնասիրել, փնտրել, գրել 1 տառի տարբերությամբ գործածվող դարձվածքներ, որոնք ունեն տարբեր նշանակություններ (հոգի տալ- անսահմանորեն նվիրված լինել մի բանի, հոգին տալ- հոգին ավանդել, մեռնել):

II խումբ

1. Գրական տարբեր ստեղծագործություններից առանձնացնել դարձվածքներ (օրինակ՝ Քաջ Նազարի բախտն ունենալ-հանգամանքների բերումով հաջողության հասնել):

2. Փնտրել, գտնել օրհնանք- մաղթանքներ, որտեղ գործածված լինեն դարձվածքներ (օրինակ՝ Աստված ուժ տա- ուժ և կարողություն ցանկանալ մեկին):

3. Փնտրել, գտնել անեծքներ, որտեղ գործածված լինեն դարձվածքներ (օրինակ՝ գրողի ծոցը մտնես- մահվան չարամաղթություն):

4. Դուրս գրել առած- ասացվածքներ, որտեղ գործածված լինեն դարձվածքներ (օրինակ՝ ճտերն աշնանն են հաշվում- գործի օգուտն ու վնասը հետագայում երևալ):

III խումբ

1. Մտածել, թե ինչ պատկերներով

կարելի է ներկայացնել դարձվածքները)

(20 նկար- դարձվածք):

1. Ը

   

   նտրել բառեր, ներկայացնել

նկարներով, դրանցով կազմել դարձ-

վածքներ, նշել բացատրությունները:

Հետազոտական աշխատանքն իրականացնելու համար հատկացնել որոշակի ժամանակահատված: Ներկայացնել աշխատանքները, ստացված արդյունքները: Կատարել աշխատանքի ընթացիկ քննարկումներ: Անդրադառնալ թերություններին, առաջարկություններ անել, կատարել համապատասխան փոփոխություններ:

Քննարկումների արդյունքում ստանալ նոր առաջադրանք.

I խումբ

Վենի դիագրամով ներկայացնել

բառակապակցությունն ու դարձվածքը՝

նշելով յուրաքանչյուրին բնորոշ առանձ-

նահատկություններն ու ընդհանրու-

թյունները:

II խումբ

Պատրաստել գրքույկ՝ ընդգրկելով հաջողված օրինակները.

Դարձվածքները- Առած- ասացվածքներում

• Գրական տարբեր ստեղծագործություններում

• Օրհնանք- մաղթանքներում

• Անեծքներում

III խումբ

Պատրաստել նկարազարդ գրքույկ՝ ընդգրկելով .

• Ընտրված բառերը (պատկեր), դրանցով կազմված դարձվածքները և բացատրությունները

• Հաջողված նկար- պատկերներով ստանալ դարձվածքներ (կարելի է ներկայացնել խմբում գուշակիր նկար –դարձվածքը պահանջով):

Գնահատում

Գնահատել .

• Յուրաքանչյուր սովորողին իր կատարած անհատական աշխատանքի համար

• Խմբին հաջողված նյութեր պատրաստելու, ուսումնասիրություններ կատարելու համար

Ակնկալվող արդյունք

Վերջնական աշխատանք- Պատրաստել սահիկահանդես՝ ընդգրկելով յուրաքանչյուր խմբի հետազոտությունը:

Խմբերը ակտիվ կհամագործակցեն իրար հետ: