Հեքիաթի քննարկում /Մատնաչափիկը/

Պլան- սեղմագիր

Ամիս, ամսաթիվ – 20. 02. 2021թ.

Դասարան – Երրորդ

Ուսուցիչ - Ս. Ա. Գրիգորյան

Առարկան – Ինքնուրույն ընթերցանություն

Տիպը – Դաս – քննարկում

Թեման – «Մատնաչափիկը»

Նպատակները – ա) Ժողովրդական բանահյուսության վերաբերյալ ստացած գիտելիքների

ամրապնդում:

բ) Զարգացնել աշակերտների իրականության հանդեպ փաստերն ու

երևույթները ճիշտ ընկալելու և իրենց վերաբերմունքն արտահայտելու

կարողություն:

գ) Խոսքն օգտագործել որպես մտածողության ակտիվացման միջոց:

դ) Ամրակայել բնագրի հերոսներին համեմատելու և հակադրելու

կարողությունը:

ե) Կարողանալ բնութագրել գործող անձանց կերպարները, կհամեմատեն

և կգնահատեն նրանց արարքները:

զ) Բանավար խոսքի զարգացում, բառապաշարի հարստացում:

Անհրաժեշտ պարագաներ – Մեր իրավունքները խորագրով պաստառ, «Հեքիաթ»

խորագրով ուսումնական պաստառ, կպչուն թղթեր, նկարներ:

Կիրառվող մեթոդներ – «Խմբավորում», «Մտագրոհ», «X-եր և 0-ներ խաղ», «Զրույց», «T-աձև

աղյուսակ»:

Ընթացքը – 1. Կազմակերպչական մաս

Խթանման փուլ 2. Հարցերի տարափ

Դասը սկսել Սուրեն Մուրադյանի հետևյալ քառատողի բովանդակության

քննարկմամբ.

Հեքիաթները խելոք են միշտ,

Թեկուզ խառն են՝ և սուտ, և ճիշտ,

Սուտը խելքի մաղով մաղեք,

Ճշտից խրատ ու խելք քաղեք:

Զրույցի միջոցով աշակերտները պետք է գան այն մտքին, որ յուրաքանչյուր հեքիաթ իր մեջ խրատ է պարունակում:

Հեքիաթը ժողովրդական բանահյուսության մեր ամենասիրելի ժանրերից է: Հիմա եկեք վերհիշենք այն, ինչ գիտենք հեքիաթի մասին.

• Ի՞նչ խմբերի են բաժանվում հեքիաթները:

• Եկեք հիշենք այդպիսի հեքիաթներ /իրապատում, հրաշապատում, կենդանական/:

• Ըստ իրենց ձևի հեքիաթներն ի՞նչ խմբերի են բաժանվում:

• Այդպիսի /արձակ, չափածո/ ի՞նչ հեքիաթներ գիտեք:

• Ո՞վ է ձեր ամենասիրելի հեքիաթագիրը:

• Այս ընթացքում ի՞նչ հեքիաթներ եք ընթերցել:

• Ո՞ր հեքիաթն է ձեզ ամենից շատ դուր եկել:

• Ո՞րն էր ամենազվարճալի հեքիաթը:

• Ո՞ր հեքիաթի հերոսին կցանկանայիք նմանվել:

• Հիմնականում ինչպե՞ս են սկսվում հեքիաթները:

• Ինչպե՞ս են ավարտվում հեքիաթները:

Իմաստի 3. «Մատնաչափիկը» հեքիաթի քննարկում

ընկալում

Սիրելի աշակերտներ, այս ընթացքում դուք հասցրել եք ընթերցել տարբեր հեքիաթներ: Բայց բոլորս պետք է ընթերցեինք Հ. Ք. Անդերսենի «Մատնաչափիկը» հեքիաթը: Իսկ թե ինչու եմ հենց այս հեքիաթն ընտրել, կասեմ դասաժամի վերջում:

Հիմա եկեք տեսնենք, թե ինչ եք հիշում հեքիաթից.

• Ինչպե՞ս լույս աշխարհ եկավ Մատնաչափիկը:

• Մատնաչափիկն ինչպ՞ես հայտնվեց ջրաշուշանի տերևի վրա:

• Ձկնիկներն ինչո՞ւ խղճացին աղջնակին:

• Ինչպե՞ս վարվեցին մայիսյան բզեզները աղջկա հետ:

• Մատնաչափիկն ինչպե՞ս դիմակայեց անտառում:

• Դաշտամուկն ինչպե՞ս ընդունեց աղջկան:

• Ինչպե՞ս էին անցնում մատնաչափիկի, դաշտամկան և խլուրդի օրերը:

• Ինչպե՞ս ընկերացան ծիծեռնակն ու Մատնաչափիկը:

• Մատնաչափիկն ինչո՞ւ չէր ուզում ամուսնանալ խլուրդի հետ:

• Ի՞նչ պատահեց, երբ նա վերջին անգամ դուրս եկավ արևին հրաժեշտ տալու:

• Ինչպիսի՞ն էր ծիծեռնակի երկիրը:

• Ո՞ւմ հանդիպեց Մատնաչափիկը:

• Ինչպե՞ս ավարտվեց հեքիաթը:

Կիրառելով «T-աձև աղյուսակ» մեթոդը, աշակերտները կառանձնացնեն դրական և բացասական հերոսներին և կլրացնեն համապատասխան սյունականերում:

դրական բացասական

Այնուհետև հնարավորություն տալ աշակերտներին արտահայտել իրենց մտքերը, թե ինչ է սովորեցնում հեքիաթը, ինչ հասկացան հեքիաթից:

Խաղալ «X-եր և 0-ներ» խաղը: Դասարանը բաժանել երկու խմբի: Յուրաքանչյուր խումբ ընտրում է իր հեքիաթագետին և սկսում են խաղը:

Կշռադատում 4. Ամփոփում

Այսպիսով, «Մատնաչափիկը» հեքիաթը սովորեցնում է լինել բարի, օգնել կարիքավորներին, երբեք չտարվել հարստությամբ, չմոռանալ լավությունը:

Դե ինչ, եկավ պահը, երբ պիտի բացեմ գաղտնիքը, թե ինչու եմ ընտրել հենց այս հեքիաթը:

Մենք բոլորս գիտենք, որ վերջին ժամանակահատվածում հայ ժողովուրդն անցավ ևս մեկ դժվար փորձության միջով և ոտնահարվեց մեր բոլորի իրավունքները: Այդ պատճառով, որպեսզի հետագայում էլ թույլ չտանք նման բան, մենք պետք է լավ իմանանք մեր իրավունքները: Եվ ես պատրաստել եմ պաստառ, որի մեջ հեքիաթի դրվագներին համապատասխան առաձնացրել եմ մեր իրավունքները: Եկեք միասին քննարկենք: