Հնագույն կերպարվեստ

   Թաղման ծեսերի հետ կապված առաջացել են դամբարանային կառուցվածքների նոր տիպեր՝ դամբարան (բլրակ-կուրգաններ), շրջանաձև օղակավոր կրոմլեխներ, սյունաձև մենաքար մենհիրներ՝ ձիերի և այլ կենդանիների, ինչպես և երկրաչափական ձևերի քանդակներով։ Զարգացել է մետաղագործության տեխնիկան, ծաղկում է ապրել գեղարվեստական մետաղագործությունը։ Ամենաբազմագան և բարձրարվեստ գեղարվեստական իրեր, առարկաներ, զարդեր պատրաստվել են կռելու, կաղապարներով ձուլելու, մետաղե կռածո բարակ թիթեղների վրա զարդեր դրվագելու, դրոշմելու, փորագիր ու գծագիր զարդեր անելու, ոսկյա զարդերի վրա անհամար մանրիկ հատիկներ փակցնելու և այլ եղանակներով։