Հոգեվոր երաժշտություն

Հայ  հոգևոր երգերը իրենց մեղեդիների գեղեցկությամբ  և կառուցվածքի կատարելությամբ վկայում են միջնադարյան  Հայաստանում երաժշտական արվեստի բարձր զարգացման մասին։ 

Հոգևոր  երգերն իրենց ձևով ու բովանդակությամբ լինում են տարբեր՝ շարականներ,  տաղեր,  գանձեր  և այլն։ 

Հոգևոր երաժշտության հեղինակներ  են  եղել հայ եկեղեցու գործիչներ,  և միաժամանակ երաժիշտ-բանաստեղծներ Մեսրոպ Մաշտոցը,  Սահակ Պարթևը,  Մովսես  Խորենացին 

(V դար), Կոմիտաս  Աղձեցին (VII դար), Ստեփանոս  Սյունեցին (VIII դար), Գրիգոր  Նարեկացին  (X դար), Ներսես  Շնորհալին  (XII դար)  և ուրիշներ, որոնց ստեղծագործությունները դուրս գալով Հայաստանի սահմաններից, հարստացրել են համաշխարհային երաժշտական մշակույթի գանձարանը։