Հոլովների վեճը

Հոլովների վեճը

Հոլովները վեճի բռնվեցին ։ՈՒղղականն սկսեց․

-Ես եմ առաջին հոլովը՝ուղիղ ձևով,առաջնային ․օրինակ՝Թագավորը ես

եմ։Ինձնից են կազմվում բոլոր հոլովները։Ճիշտ չէ՞ ,հարևա՛ն,-դիմեց նա Սեռականին։

-Ճիշտ է ,բայց միայն քեզնով գո՞րծ կլինի։Ես էլ խոսքում ի՛մ տեղն

ունեմ․անունս շատ հին է ,մի քիչ դժվար հասկանալի ,սակայն

պատկանելություն միայն ես եմ ցույց տալիս։Օրինակ՝Թագավորի թագը գլորվեց։

-Իսկ ես և՛ հին եմ ,և՛ շատ հասկանալի ,-միջամտեց Տրականը։-Խնդրեմ՝ տը-

րա-կան ․այսինքն՝ ցույց եմ տալիս հանձնում, հանգում

,մոտեցում,մատուցում․օրինակ՝Թագավորին մոտեցանք ու հանձնեցինք թագը։

-Կարելի՞ է ,-խոսեց Հայցական հոլովը,- ախր ես էլ հին անուն ունեմ ․հայցել

նշանակում է խնդրել,պահանջել, կրել ,այսինքն՝ ինձ վրա եմ կրում

ենթակայի կատարած գործողությունը ․նման եմ և՛ պարոն ՈՒղղականին , և՛

Տրականին․ օրինակ՝Թագավորը վերցրեց թագը , և ժողովուրդը

թագավորին գլորեց գահից։

ՈՒղղականը հոխորտաց ,բայց Բացառականը սաստեց նրան․

-Լռի՛ր, և՛ անունս է դյուրին ,և՛ իմաստս է հասկանալի , իսկ ձևս՝միշտ հիշելի՝

ից, ուց,բայց ես գլուխս չեմ գովում։Օրինակ՝ Թագավորից հեռացան բոլորը։

- Հարևա՛ն ,ես էլ քո օրին եմ ,- ասաց Գործիականը,- եթե դու ցույց ես տալիս

անջատում ,զատում ,պոկում ,ապա ես ՝ ուղեկցում ,այսինքն՝ ի՛մ միջոցով է

կատարվում գործողությունը։Օրինակ՝ Թագավորով հպարտանում է ողջ

ժողովուրդը։Թագավորի ձեռքով շատ ավերածություններ կատարվեցին։

-Մի րոպե,- տեղից կանգնեց Ներգոյականը ,-իմ դերը ինչո՞վ է պակաս ․ցույց

եմ տալիս այն տեղը ,որում կատարվում է գործողություն, վերջավորությունս

էլ՝ում․ես ատում եմ բոլոր անձանց,որովհետև նրանք չունեն ներգոյական

։Բայց ,ա՛յ, սիրում եմ բոլոր իրերը ,նրանք ազատ տեղ ունեն իմ

Հոլով մայրիկը , որ լսում էր այդ վեճը, ասաց․

-Ի՛մ խենթուկներ, ձեզնից ո՛չ մեկը միայնակ ոչինչ անել չի կարող։Խոսքում

դուք հավասար տեղ ունեք,և մարդը ամեն մեկիդ սիրում է հավասար

չափով։

Հոլովները հասկացան ու ծվարեցին իրենց մոր թևի տակ։