Հույզեր /դասղեկական պլան/

ՀՈՒՅԶԵՐ

Նպատակը-Զարգացնել բանավոր խոսքը, նպաստել զգացմունքների արտահայտմանը, ինքնաբացահայտմանը, դասարանում փոխադարձ վստահության մթնոլորտի առաջացմանը։

Պարագաները- Անավարտ նախադասություններով քարտերի փաթեթներ՝ խմբերի թվով։

Ընթացքը- Դասարանը բաժանվում է 5-6 հոգանոց խմբերի։Յուրաքնչյուր խմբի տրվում է անավարտ նախադասություններով քարտերի մեկական փաթեթ։Խմբերը տեղավորվում են առանձին սեղանների շուրջ։Քարտերը շրջված /որպեսզի գրվածը չերևա / դրվում են սեղանի կենտրոնում։Խմբերում աշակերտներից մեկը քարտ է վերցնում ,բարձրաձայն ընթերցում և փորձում է ավարտել նախադասությունը։Ապա քարտը փոխանցում է կողքինին , որը նույնպես նախադասությունն ավարտում է և փոխանցում հաջորդին։Այս կերպ շարունակում են ,մինչև որ սեղանի քարտերը սպառվեն։

Դասարանական քննարկում ․

Ի՞նչ էիք զգում վարժությունը կատարելիս։

Արդյոք նոր բան իմացա՞ք միմյանց մասին։

Ի՞նչ ազդեցություն ունեցավ վարժությունը ՝ միմյանց հանդեպ ունեցած վերաբերմունքի վրա։

Անավարտ նախադասություններ

1. Ես հուզվում եմ ,երբ․․․

2. Ես վշտանում եմ ,երբ․․․

3. Անչափ լավ է ապրել ,երբ․․․

4. Ես նվաստացած եմ զգում ,երբ․․․

5. Ինձ համար հաճելի է․․․

6. Երբ ես սխալվում եմ․․․

7. Ես զայրանում եմ ,երբ․․․

8. Ես գոհ եմ ,երբ․․․

9. Երբ ես անորոշության մեջ եմ․․․

10. Ես միայանակ եմ զգում ,երբ․․․