Янка Журба "Пчолка"

Літаратурнае чытанне

2 клас

Тэма: Янка Журба “Пчолка”

Мэта: 1. Выпрацоўваць навык правільнага і выразнага чытання;

2. Фарміраваць уменні працы над творам;

3. Развіваць вуснае маўленне;

4. Выхоўваць любоў да прыроды.

Абсталяванне:

• Падручнік “Літаратурнае чытанне”.

• Карткі з малюнкамі пчалы.

• Склады (размінка).

• Фотаздымкі аграсядзібы.

• Партрэт Янкі Журбы

• Малюнак сонейка.

• Тэст.

• Мультымедыйная прэзентацыя

Ход урока

1. Арганізацыйны момант.

- Што пачулі вы?

• Званок.

• Гэта значыць?

• Пачынаецца ўрок.

• Вы гатовы працаваць, веды новыя пазнаць?

• Мы гатовы працаваць, веды новыя пазнаць.

• Значыць будзем працаваць і не будзем сумаваць.

1. Гукавая размінка.

па не сы ша ся ры

ня зу лі жа го це

ту да ца мі ва но

• Чытанне складоў па парадку;

• Чытанне складоў слупочкамі;

• Чытанне складоў наадварот;

• Чытанне складоў пад рытм.

• Спяванне складоў пад мелодыю “Ёлачка”.

(На дошку вывешваецца малюнак сонейка.)

• Сёння за нашай працай на ўроку будзе назіраць сонейка.

1. Праверка дамашняга задання

-Якое дамашняе заданне было зададзена?

-Чым па жанру з’яўляецца гэты твор? (Вершам)

• Чытанне вучнямі верша.

-Аб якой птушцы ідзе гаворка ў тэксце? (Шпаку)

- Якую пару года апісаў паэт у вершы? (Вясну) Знайдзіце ў вершы і зачытайце.

1. Моўная размінка (На дошцы запісаны верш)

На лужочку на зялёным

Дружна, дружна пчолкі звоняць!

З-з-з! Ж-ж-ж!

З-з-з! Ж-ж-ж!

Там, дзе кветкі, там, дзе зёлкі,

Мёд збірае рупна пчолка.

З-з-з! Ж-ж-ж!

З-з-з! Ж-ж-ж!

Тлумачэнне слова “рупна” - заботливо

• Чытанне верша настаўнікам.

-Аб кім ідзе гаворка ў вершы? (Аб пчолцы)

-Што яна рабіла ? (Збірала мёд)

-Як вы думаеце чаму яна пачала яго збіраць? (таму што пачалася вясна)

• Паўторнае чытанне верша вучнямі

• Чытанне ў выглядзе скарагаворкі

1. Аб’яўленне тэмы і мэты ўрока.

- А каб здагадацца аб кім сёння будзе наш твор я вам прапаную гульню. “Чацвёрты лішні"

1) Шпак, ластаўка, верабей, пчала

2) Драўляны дом, шматпавярховы дом, дом, вулей

3) Малінавае варэнне, вішнёвае варэнне, абрыкосавае варэнне, мёд

ВУЛЕЙ ПЧАЛА МЁД

- Як вы здагадаліся? Аб кім сёння будзе наш твор? (Аб пчолах)

• Што будзем сёння рабіць на ўроку? Выберыце менавіта тыя мэты, якія падыходяць да ўрока чытання. (дзеці выбіраюць мэты да ўроку і чытаюць хорам)

Чытаць

Бегаць 100 метраў

Слухаць

Разважаць

Прыгаць

Даказваць

Даследваць

• Вучні нашага класа падрыхтавалі паведамленні пра пчол. Калі ласка.

1. Паведамленні вучняў.

1. Пчолы – гэта насякомыя. Іх называюць так таму, што на іх целе можна заўважыць “насечкі”. Ва ўсіх насякомых ёсць характэрная прыкмета – шэсць ног. Жывуць у вуллі, які змайстраваў для іх чалавек. Пчолы - вельмі працавітыя жывёлы. Адна пчала за дзень збірае нектар прыкладна з 7 тысяч розных кветак.

2. Меданосныя пчолы жывуць вялікімі семьямі ў вуллях. Адна пчаліная сямья – гэта пчаліная матка, некалькі трутняў і некалькі дзесяткаў тысяч працоўных пчол. Яны ўсё жыццё праводзяць у вельмі карыснай для чалавека працы.

1. У вуллях ёсць пчолы – стражніцы, пчолы – зборшчыцы мёду, пчолы прыёмшчыцы, ёсць нават пчолы – разведчыцы. Яны першымі даведваюцца, якія духмяныя меданосныя кветкі ўжо зацвілі. Калі пчолка – разведчыца вяртаецца ў вуллей з нектарам, яна быццам танцуе на сотах і расказвае астатнім пра новыя духмяныя кветкі.

1. А вы ведаеце, што даўным - даўно пчол называлі “божымі дагаджальніцамі”, што яны даюць не толькі духмяны і гаючы мёд, але і воск, з якога робяць царкоўныя свечкі.

1. Знаёмства з вершам.

- Сёння пазнаёмімся з творам Я. Журбы “Пчолка”.

- З творамі гэтага аўтара мы знаёміліся на папярэдніх уроках.

- Ён вельмі шмат напісаў твораў для дзяцей. Яго іменем названая дзіцячая бібліятэка ў Полацку.(паказваю фотаздымак пісьменніка).

- Прачытайце, як называецца верш?

- Аб кім на вашу думку пойдзе гаворка ў вершы?

- Паслухайце верш і адкажыце на пытанне: “Аб якой пары года ідзе гаворка ў вершы?” (чытаю, задаю паўторны раз пытанне) (Вясне)

- Паглядзіце на дошку, што вы бачыце? (Малюнкі з рознымі порамі года)

- Ці правільна яны размешчаныя?

- Размясціце поры года па парадку, пачынаючы з вясны.

• Чытанне верша рэхам.

• Адказы на пытанні.

• У вершы сустрэліся такія словы: раздолле, шчырай, змярканне. Як вы іх разумееце?

• Чаму пчолка выляцела ў поле?( таму што настала вясна і яна прачнулася ад зімовага сна).

• Чытанне ланцужком.

• Што збірала пчолка?

• А на самай справе пчолкі збіраюць нектар. А потым з яго вырабляюць мёд.

• Слоўнік: нектар – гэта салокі сок.

• Якія віды мёду вам вядомы?

1. Фізкультмінутка (дзеці выконваюць рухі пад музыку)

1. Гульня “Віды мёду”

(на дошцы вісяць малюнкі раслін,на якіх пчолы збіраюць мёд. А вучні павінны ўтварыць назву мёду)

Ліпа – ліпавы мёд

Грэчка – грэчкавы мёд

Кветкі – кветкавы мёд

1. Паўторнае чытанне верша

• Самастойнае чытанне.

- Якой паказана пчолка ў вершы? (працавітай)

- Знайдзіце ў вершы і зачытайце зчым параўноваецца пчолка?

- Давайце знойдзем і зачытаем у вершы радкі, якія характарызуюць пчолку?

На дошцы малюнак пчолкі.

• Выберыце словы, якія характэрызуюць пчолку.

Лянівая

Працавітая

Сумная

Шчырая

Зялёная

Залатая

Паласатая

• Калі яна пачынала працаваць?

• Для кого яна збірала мёд?

• Які настрой у вершы?

• Праверка чытання.

1. Гульня “Ажыві малюнак”

Паглядзіце на малюнак у падручніку, што вы там бачыце?

(Пчолак, траўку, кветкі, матылькоў г. д. )

-Якія гукі яны падаюць?

-Першы рад падае гукі пчолкі (ж-ж-ж).

-Другі – як лётаюць матылькі ( фью – фью – фью).

-Трэці – як шумяць лісточкі (ш-ш-ш).

- Першы і другі.

- Другі і трэці.

-А зараз усе разам.

1. Хвілінка для цікаўных.

14 жніўня, у першы дзень Успенскага посту - Мядовы Спас. Па старажытным звычаю вернікі прыносяць у храмы мёд для асвячэння. Традыцыя гэтая звязана са старажытным усталяваннем - першы ўраджай прыносіць Богу і толькі пасля гэтага спажываць самім. Як добрыя гаспадары, накрыўшы святочны стол, чакаюць прыходу гасцей, так і вернікі чакаюць царкоўнага блаславення на смакаванне мёду, тым больш, што мёд - адзін з самых смачных і карысных посных прадуктаў. Ён вельмі карысны для здароўя: нармалізуе працу шматлікіх унутраных органаў, паляпшае склад крыві, павышае імунітэт.

У гэты дзень у аграсядзібе “У залатой пчолкі”, што знаходзіцца ў вёсцы Старае Высокае, гулянне, свецяць мёд, гучаць песні, а гасцей частуюць мёдам.

1. Дэгустацыя мёду.

• А вы ведаеце, што такое дэгустацыя?

Дэгустацыя - апрабаванне, ацэнка якасці ежы ці харчовага прадукту пры дапамозе густу (на колер, знешняй выгляд, пах).

• Зараз і мы з вамі правядзём дэгустацыю мёду.

Дзецям прапануюцца мёд:

1. Група – грэчкавы;

2. Група – ліпавы;

• Кожная група павінна паспрабаваць на смак і адказаць на пытанне: З якой расліны мёд?

• Малайцы!

1. Праца над прыказкамі.

-Прачытайце,калі ласка прыказкі. Але вось не задача ў іх забраліся пчолкі.

-Як вы разумееце іх змест. Якія падыходзяць да нашага ўрока, а якія не?

1. Працавіты як пчолка.

2. Лянівая пчала.

3. Старанны як пчала.

4. Малая пчолка, але і тая працуе.

5. Пчолка маленькая, а мёду колькі наносіць.

• Як вы думаеце, якая прыказка выказвае галоўную думку твора?

1. Замацаванне ўрока

Тэст

У вершы “Пчолка” Я. Журба ідзе гаворка аб пары года:

• Вясне

• Восені

• Зіме

Пчолка жыве ў :

• Кватэры

• Шпакоўні

• Вуллі

Пчала – гэта насякомае?

• Да

• Не

Гульня “Рэпарцёр”

Карэспандэнт класнай газеты “Сонейка” – Алісейка Дар’я і фотакарэспандэнт Флёрка Уладзімір хацелі б узяць інтэв’ю, калі ласка.

• Чым па жанру з’яўляецца гэты твор? (вершам)

• Як ён назваецца ?(“Пчолкі”)

• Як называецца царкоўнае свята, калі свецяць мёд у царкве? ( пытанне для гасцей)

• Для чаго можна выкарыстаць мёд?( для лячэння).

• Што такое дэгустацыя? ( пытанне для гасцей)

• Як назваецца аграсядзіба, якая знаходзіцца ў нашым раёне ?(“ У ЗАЛАТОЙ ПЧОЛКІ”).

• Якая прыказка выказвае галоўную думку твора?

• Які бывае мёд? ( пытанне для гасцей)

• Аб чым раскажаце бацькам?

1. Дамашняе заданне

с. 60, падрыхтавацца да выразнага чытання.

17. Рэфлексія

- Паглядзіце, які цудоўны лужок з кветкамі. Чаго на ім не хапае? Давайце ажывім кветачкі пчолкамі.

- Мне вельмі спадабалася ваша праца на ўроку. Усім вам стаўлю высокія адзнакі.

А каб у нашых гасцей застаўся добры ўспамін пра нас, давайце падарым ім прыгажуняк пчолак.