Етістік.3-сынып

(электронды нұсқадағы ашық сабақ)

Тақырыбы: ЕТІСТІК

Мақсаттары:

2сыныпта алған білімді кеңейту. Қимылды білдіретін сөз таптары жайлы білімді тереңдету.

Ой-өрістерін кеңейту.Сөздік қорды молайту.Сөз таптары жайлы білімді дамыту.

Ақылды,тәртіпті,ұйымшыл болуға тәрбиелеу.

Сабақтың түрі: жаңа сабақты түсіндіру сабағы.

Әдіс-тәсілдері:сұрақ-жауап,топтық,жеке.

Көрнекілігі: слайдтар,кесте(етістік)

Өту барысы:

І.Ұйымдастыру кезеңі:

Сабақ тақырыбын,мақсатын хабарлау.

-Сабақты ақын,ойшыл,аудармашы Шәкәрім Құдайбергенұлының мына сөздерімен бастайық.Осы сөздерден үлгі алуға тырысайық.(1,2,3- слайдтар)

Сен ғылымға болсаң ынтық,

Бұл сөзімді әбден ұқ.

Білгеніңнің жақсысын қыл,

Білмегенді біле бер.

Сабағымыздың ұраны: (хормен айтқызу:4-слайд)

Сабақтың ұраны:

Алда болып сабақтан,

Оқы,үйрен,талаптан!

ІІ.Дәптермен жұмыс: (5-слайд)

Көркем жазу минуты:

Н н әрпін жазу.

Сөздер жазу :Наурыз нан намыс немере

ІІІ.Өтілгенді пысықтау: (6- слайд)

Сұрақтар қою:

-Қандай сөз таптарын білеміз?

-Зат есім дегеніміз қандай сөз табы?Сұрақтары?

-Қандай з.е.кім?не?сұрағы қойылады?Көпше түрдегі з.е. сұрақтарын айт.

-Қандай сөйлем мүшесінің қызметін атқарады?

-Зат есім құрамына қарай нешеге бөлінеді?

-Зат есім қалай өзгереді?Тәуелдік жалғауы дегеніміз не?Мысал келтір.

Досжан: Баланы,ананы, Күллі Әлемде

Даланы,қаланы, Қандай зат бар,

Орманды,тоғайды, Қандай ат бар.

Торғайды,торайды... Қандай ұғым бар-

Қысқасы бар елде, Айтады барлығын-ЗАТ ЕСІМ.

ІҮ.Жаңа сабақ: (7,8- слайдтар)

Суреттер бойынша жұмыс жүргізу:

-Мына суреттегі заттардың аттарын атап,олардың қимылын білдіретін сөздер тауып айтыңдар.

-Сол сөздерге сұрақтар қойыңдар.

-Ереже тұжырымдау:

Заттың қимылын,іс-әрекетін білдіретін сөз табын етістік дейді.Етістіктер сөйлемде баяндауыштың қызметін атқарады.Не істеді?неғылды?қайтті?сұрақтарына жауап береді.

Ү.Оқулықпен,дәптермен жұмыс.Жаңа білімді пысықтау: (9,10,11,12- слайдтар)

«Ой қозғау» стратегиясы:

2-жаттығу.Жұмбақты оқып,шешуін табу.Сөйлемдердегі етістікті табу.

Етістіксіз айтып,оның сөйлем мағынасын толықтырып тұру үшін қажетті екенін айту.

Етістіктерді ғана теріп жазу:Қалақиды,үйілген,иілген,тарайды,қарайды.

«Топтастыру»стратегиясы:

3-жаттығу.Берілген сөздерге сұрақтар қою.

Олардың зат есімдер және етістіктер екенін ажырату.

Сөздерді 2 топқа бөліп жазу.

ҮІ.Сергіту сәті.(13-слайд)

ҮІІ.Өздік жұмысы: (14,15-слайдтар)

Пәнаралық байланыс орнату(дүниетану)

5-жаттығу.(Әр малдың қалай төлдейтінін жазу, тақта арқылы тексеру)

Бие құлындайды.Сиыр бұзаулайды.Қой қоздайды.Түйе боталайды.Ешкі лақтайды.ҮІІІ.Шығармашылық қабілетті дамыту: (16-слайд)

1-жаттығу. Сурет бойынша «Мектептегі табиғат мүйісі»тақырыбында әңгіме құрастырып жазу.

-Табиғат мүйісі деген не?Онда нелер тіршілік етеді?

-Оқушылар жануарлар мен құстарға қандай қамқорлық жасайды?

ІХ.Сабақты бекіту: (17,18,19-слайдтар)

Кестемен жұмыс жүргізу.(сөйлем құрастырып,іс-әрекетті білдіретін сөздерді табу,сұрақ қою)

Ережені еске түсіру.

17 18 19

Х.Қорытынды:Ережені хормен оқу,етістік туралы өлең тыңдау: (20-слайд)

Жанерке: Қуантады,күлдіреді, Әр шыңды бастырады,

Тұрғызады,жүргізеді, Жаңалық аштырады.

Шабытқа мінгізеді, Тынықтырады,шынықтырады,

Ойнатады,ойлатады, Жалқаулықты ұмыттырады. ЕТІСТІК

Еңбекке бойлатады,

ХІ.Бағалау.Үйге тапсырма: 4-жаттығу,ереже дәптермен жұмыс(ереже жазу)(164б) (21-слайд)