ІІ кіші «Көгершін» тобындағы ұйымдастырылған оқу қызметінің конспектісі Тақырыбы: Нан қайдан келеді?

ІІ кіші «Көгершін» тобындағы ұйымдастырылған оқу қызметінің конспектісі

Өткізу күні: 04.04.18

Тәрбиеші: Жәкіш Г.А

Білім беру саласы: Қатынас

Пән: Тіл дамыту

Өтпелі тақырып: Ас атасы- нан

Тақырыбы: Нан қайдан келеді

Мақсаттары:

1.Тәрбиелік: Нанның дастарғанға қалай келетінін әңгімелеп, үлкендедің еңбегін құрметтеуге тәрбиелеу.

2.Дамытушылық: Нан туралы мақал- мәтелдерді, тыйым сөздерді, тақпақты оқу және қайталату, балалардың сөздік қорын жетілдіріп, тілін дамыту.

3.Оқыту: Балаларға нанды басқа тағамдарға қарағанда көбірек қолданатынымыз жөнінде түсінік беру. Нанның қасиетімен таныстырып, нанның қиқымын жерге тастамай, оны қастерлей білуге баулу.

Педагогикалық технологиялар: ойын технологиясы

Ресурстармен қамтамасыз ету: егістік, трактор, наубайхана, ұн, нан суреттері

Билингвалдық компонент: нан- хлеб

Ұйымдастырылған оқу қызметінің барысы

І.Ұйымдастырушылық кезеңі (2 мин)

-Біз бүгін нанның дастарханға қалай келетінін әңгімелейміз.

Нанның қандай түрлері бар екен? Айтындаршы?

ІІ. Негізі бөлімі

1.Әңгіме жүргізу.

-Дұрыс, балалар, нан ақ нан, қара нан, батон нан, қара нан, бөлке, бауырсақ, немесе тәтті бөлкелер, тоқаштар болып бөлінеді екен.

Нанның неден пісіретінін білесіңдер ме?

-Әрине, ұннан пісіреді. Ал ұнды қайдан алады?

-Адамдар алдымен жерді трактормен жыртады, кейін тұқым себеді. Оны суарады. Күзде егін піседі оны комбайынмен жинайды. Диірменге апарады, бидайдан ұн дайындалады. Енді ұнды қайда апарады деп ойлайсындар?

-Наубайханаға апарады, наубайыншылар ұннан неше түрлі нанды дүкенге жібереді.

2.Сергіту сәті

Нан қиқымын шашпандар,

Жерде жатса баспандар.

Теріп алып қастерлеп,

Торғайларға тастандар.

3. Сөздік жұмыс

Наубайхана- тағам өнімдерінің ішіндегі көш басшыларының бірі болып нан пісіру саласы болып саналады.

4.Үлестірмелі материалмен жұмыс

Суретте берілген батон нанның бір бөлігін бояу.

5.Тыйым сөздермен таныстыру.

-Балалар, нан бізге оңай жолмен келмейді екен, сол себепті нанды қастерлеуіміз керек.

Нан қиқымын шашпа, қалдығын тастама. Нанды бір қолмен үзбе. Нанды тауысып жеу керек.

ІІІ. Қорытынды (2 мин)

Сұрақтар:

1.Балалар нан дастарханға қалай келеді?

2.Нанның қандай түрлері бар?

Балаларды мадақтау.