ІІ кіші «Көгершін» тобындағы ұйымдастырылған оқу қызметінің конспектісі Тақырыбы: Наурыз келді

ІІ кіші «Көгершін» тобындағы ұйымдастырылған оқу қызметінің конспектісі

Өткізу күні: 15.03.18

Тәрбиеші: Жәкіш Г.А

Білім беру саласы: Таным

Пән: Жаратылыстану

Өтпелі тақырып: Өнер- көзі халықта

Тақырыбы: Наурыз келді

Мақсаттары:

1.Тәрбиелік: Балаларды халқымыздың салт- дәстүрін қадірлей білуге тәрбиелеу.

2.Дамытушылық: Наурыз мерекесінің басқа мерекелерден ерешеліктері туралы түсініктерін дамыту.

3.Оқыту: Мерекелік тілектер, дәстүрлер туралы түсінік беру.

Педагогикалық технологиялар: ойын технологиясы

Ресурстармен қамтамасыз ету: наурыз көже, наурыз мейрамының суреттері

Билингвалдық компонент: мейрам- праздник

Ұйымдастырылған оқу қызметінің барысы

І.Ұйымдастырушылық кезеңі (2 мин)

Наурызға арналған тілектер айту.

Балалар тәрбиешінің көмегімен бірге тілектерін білдіреді.

-Наурыз құтты болсын!

-Ақ көп болсын!

-Жақсылық мол болсын!

-Аспанымыз ашық болсын!

ІІ. Негізі бөлімі

1.Әңгіме жүргізу.

-Наурыз-көктемдегі адамдардың асыға күтетін мерекелерінің бірі.Наурыз жыл басы деп аталады. Бұл күні барлық адамдар бір-біріне жылы лебіздерін білдіреді.Бір-біріне «Ұлыс оң болсын,Ақ мол болсын»деген тілектер айтады.

2.Суретпен жұмыс.

-Адамдар Наурыз мерекесін қарсы алып жатыр.

«Наурыз мерекесінде үйге қаншама адамдар келіп,наурыз көжеден дәм татса,үй йесіне соншама жақсылық келеді,бақыт қонады»деген ниетпен адамдар бір-біріне қонаққа шақырады.

Наурыз күні не пісіріледі?

-Наурыз мерекесінде қазақ халқының ұлттық тағамының бірі-Наурыз көже пісіріледі. Балалар наурыз көжені 7 түрлі тағамнан дайындайды. Наурыз мерекесінде ұлттық ойындар ойналады.

3. Сергіту сәті

Орнымыздан тұрайық,

Қолды белге қояйық.

Жоғары, төмен қарайық,

Қос аяқтап секіріп,

Бойымызды жазайық.

4. Ойын: «Қуыр-қуыр-қуырмаш»

Қуыр-қуыр-қуырмаш,

Балапанға бидай шаш.

Тауықтарға тары шаш,

Әжең келсе,есік аш.

Балалар қолдарын ашып,бас бармақтан бастап,шынашаққа дейін саусақтардың атын түгел атап береді:бас бармақ,балаң үйрек,ортан терек,шылдыр шүмек,кішкентай бөбек.

5. Сөздік жұмысы

Наурыз көже- 7 түрлі тағамнан дайындалады. Олар: бидай, ұн, мейіз, су, күріш, ет, құрт. Наурыз көже қазақ халықының ұлттық тағамы.

ІІІ. Қорытынды (2 мин)

Балалар кубикті лақтырып, шыққан сурет бойынша сұраққа жауап береді.

Балалар берілген сұраққа жауап береді.