Իմ պատկերացրած լավագույն դպրոցը

Իմ պատկերացրած լավագույն դպրոցի նախագիծը

Նպատակը – Ստեղծել ներդաշնակ զարգացող դպրոց, որն ընդունակ է բավարարելու արդի ժամանակներին, ձևավորելով դաստիարակված և կրթված համակողմանի անձ: Շրջանավորտը կարողանա հարմարվել շրջապատին, բարձրագույն բուհական համակարգին, ամենակարևորը, կարողանա ընդգրկվել հասարակության մեջ և լինի նրա միմասնիկը:

• Դպրոցը կառուցված լինի բազմաթիվ մասնաշենքերից՝ տարրական օղակ, ավագ, սպորտ և բեմական դահլիճներ, հանգստի գոտիներ, ճաշարաններ, բացօդյա խաղահրապարակներ,: Դասասենյակները լինեն վերանորոգված:

• Կրթությունը լինի տասամյա:

• Դպրոցի նյութատեխնիկական բազան պետք է ծառայի երեխային և ուսուցիչներին: Զինված լինի տեսադասերով, դիդակտիկ նյութերով, որից ուսուցիչը կկարողանա օգտվել դասերի ժամանակ:

• Դպրոցը ունենա հարուստ գրականությամբ գրադարան, լաբորատորիաներ, սպորտ դահլիճ իր գույքով և միջոցառումների դահլիճ, դասասենյակները ապահովված լինեն համակարգիչներով:

• Դպրոցը պետք է ապահովի բարոյահոգեբանական մթնոլորտ, որն աշակերտներին հնարավորություն կտա ինքնավարության:

• Ունենա բարձրակարգ մանկավարժական կոլեկտիվ, ովքեր կունենան այնպիսի գիտելիքներ, կարողություններ և հմտություններ, որպեսզի կարողանան կազմակերպել աշակերտակենտրոն ուսուցում: Մանկավարժական կոլեկտիվը համախոհների կոլեկտիվ է, որոնք ընդունում են բարձրարժեքության, ազատության, ինքնավստահության, ինքնուրույնության, ստեղծագործականության գաղափարները:

• Դպրոցը երեխաներինն է: Երեխայակենտրոն ուսումնական հաստատություն ունենալու գործում մեծ դեր ունի դպրոցի ղեկավարը, ծնողը և համայնքը:

• Դպրոցի ղեկավարը ևս պետք է իմանա իր դերը, և պետք է ունենա բոլոր գաղափարները հումանիստական ուսուցում ապահովելու համար իր դպրոցում:

• Դպրոցում պաշտպանված լինեն աշակերտների իրավունքները:

• Դպրոցում ապահովել աշակերտների ազատությունը, այսինքն աշակերտները կարողնան ազատ արտահայտվել, իրենց վերաբերող որոշակի հարցերում ընտրություն կարողանան կատարել:

• Դպրոցում ունենան ընտրելու հնարավորություն:

• Դպրոցը կազմակերպի միջոցառումներ, որոնց ընթացքում աշակերտները կկարողանան ազատ արտահայտել իրենց մտքերը, հնարավորություն ունենան ստեղծագործելու, կազմակերպեն ինտելեկտուալ խաղեր: Կազմակերպեն սպորտ-մրցումներ դասարանների, ինչպես նաև այլ դպրոցների միջև:

• Դպրոցը ապահովի աշակերտների անվտանգությունը:

• Դպրոցը ապահովի աշակերտներին առողջ սնունդով:

• Ուսուցիչը հանդես գա ոչ ավտորիտար ոչով, լինի դեմոկրատական, ընդունի յուրաքանչյուր աշակերտի գաղափարները և լինի աշակերտի ընկերը, ուղեկցի ճիշտ ճանապարհով: Ուսուցիչը լինի աշակերտի համար և ընկեր, և ուսուցիչ, և ուղղորդիչ:

• Ուսուցիչներին հաճախ ուղղարկեն վերապատրաստման, որտեղ կկատարվի փորձի փոխանակում:

• Աշակերտը տեսնի և օգտվի իր համար ստեղծված հավասար պայմաններից, այսինքն բոլոր երեխաների համար պետք է ստեղծվի հավասար պայմաններ:

• Աշակերտը պետք է զգա, գիտակցի, որ պաշտպանված է:

• Աշակերտը գիտակցի, որ ինքը մարդ է, որ իր խոսքը լսելի է, որ նա ազատ է և կարող է ազատ, անկաշկանդ արտահայտել իր մտքերը:

• Աշակերտը պետք է ունենա իր իրավունքները և պարտականությունները:

• Կարողանա իր իրավունքներն ու պարտականությունները զուգորդել իրար հետ:

• Աշակերտը պետք է ունենա ինքնավարություն ` բարոյահոգեբանական մթնոլորտի ապահովումը, որը պետք է հնարավորություն տա ինքնավարություն ապահովելու:

4