Իմացական զարգացման ոլորտ

ԻՄԱՑԱԿԱՆ ՈԼՈՐՏ

Մտածողություն և տրամաբանություն

Չափորոշիչ

Ցուցիչ

1. Երեխան հետազոտում և համեմատում է առարկաները:

1) Ճանաչում է աշխարհը աչքերի, բերանի, ձեռքերի միջոցով:

2) Փնտրում է տեսադաշտից անհետացած առարկան:

3) Կենցաղային իրերն օգտագործում է ըստ նշանակության:

4) Հետազոտում է շրջապատող առարկաները` դրանց հետ տարբեր գործողություններ կատարելով:

5) Կրկնօրինակում է պարզ գործողություններ:

2. Երեխան հասկանում է իրադարձությունների հաջորդականությունը և պարզ պատճառահետևանքային կապերը:

1) Երկարացնում է իրեն հետաքրքրող տպավորությունները:

2) Մի քանի անգամ կրկնում է միևնույն գործողությունը` իր ուզածին հասնելու համար:

3) Գտնում է կապը առարկայի և երևույթների միջև:

Ուշադրություն, հիշողություն

3. Երեխան դրսևորում է ուշադրության կենտրոնացում և պահպանում:

1) Հայացքը 3-5 րոպե պահում է ձայն հանող առարկայի վրա:

2) Լսում է երգ կամ փոքրիկ հեքիաթը (դեռևս չհասկանալով դրա բովանդակությունը):

4. Երեխան մտապահում և վերարտադրում է որոշակի ինֆորմացիա:

1) Ճանաչում է ծանոթ դեմքեր, առարկաներ:

Երևակայություն և ստեղծագործական մտածողություն

5. Երեխան դրսևորում է երևակայության պարզագույն տարրեր:

1) Կատարում է գործողություններ տարբեր առարկաների/նյութերի հետ:

2) Կրկնօրինակում է մեծահասակների շարժումները:

Կողմնորոշում տարածության և ժամանակի մեջ

6. Երեխան կողմնորոշվում է տարածության մեջ:

1) Տան մեջ տեղաշարժվում է որոշակի նպատակով:

2)Իրեն ծանոթ միջավայրում գիտի որոշ առարկաների տեղը:

Սոցիալ-մշակութային և կենցաղային կողմնորոշում

7. Երեխան ունի տեղեկացվածություն/ գիտելիքներ իր և իր ընտանիքի մասին:

1) Ճանաչում է մոր և այլ մտերիմ մեծահասակների դեմքերը:

8. Երեխան ճանաչում և կատարում է մանկական ստեղծագործություններ:

1) Մեծահասակների ասելուց հետո երեխան կրկնում է մեկ կամ երկու բառ որևէ բանաստեղծությունից կամ երգից:

2) Ակտիվ արձագանքում է, երբ լսում է ծանոթ մանկական երգ: