Інфармацыйная гадзіна

Тэма: Інфармацыйная гадзіна да Сусветнага дня чыстых рук “Гігіена рук і здароўе”

Мэта: Фарміраванне навыкаў здаровага ладу жыцця.

Задачы:

Нагадаць дзецям пра значымасць простага мыцця рук вадой з мылам.

Далучаць вучняў да сістэматычнага прымянення правіл гігіены, зрабіць мыццё рук звыклым дзеяннем, як дома, так і па-за ім.

Выхоўваць пазітыўнае стаўленне да культурна-гігіенічных навыкаў.

Абсталяванне: лагатып Сусветнага дня чыстых рук, карткі з заданнямі.

Форма правядзення: гутарка з элементамі гульні.

Ход інфармацыйнай гадзіны

1. Арганізацыйны этап

2. Знаёмства з тэмай інфармацыйнай гадзіны

• Што вы бачыце на малюнку? (Лагатып Сусветнага дня чыстых рук).

• Як узаемазвязаны гэтыя прадметы?

• Кожны год 15 кастрычніка свет адзначае незвычайнае свята - Сусветны дзень чыстых рук.

1. Уступнае слова настаўніка

Брудныя або дрэнна вымытыя рукі спрыяюць перадачы інфекцый, заражэнню шэрагам захворванняў.

Мыццё рук з мылам – гэта адзін з самых простых і эфектыўных спосабаў абараніць сябе ад вострых кішэчных інфекцый і іншых захворванняў. Пра гэта павінен памятаць кожны чалавек. Гэта адно з найважнейшых правіл асабістай гігіены.

1. Выкананне практыкаванняў

1. Калектыўнае складанне са слоў, якія надрукаваныя на асобных картках, асноўнага правіла гігіены:

Здароўе чалавека пачынаецца з чысціні рук!

• Растлумачце, калі ласка, як вы разумееце гэтае правіла.

1. Конкурс “Творчасць”

Дзеці павінны абвесці сваю руку і намаляваць на ёй радасную ўсмешку. Гэты малюнак з'яўляецца вынікам далучэння да правіл асабістай гігіены. Яго дзеці змогуць забраць дадому і расказаць бацькам аб інфармацыйнай гадзіне, а таксама зразумеюць, што ручкам радасна і весела, калі яны чыстыя!

1. Прагляд мультфільма «Смешарики: чистые руки»

• Пра што нам расказалі героі мультфільма?

• Чаму так важна мыць рукі?

1. Падвядзенне вынікаў

• Дзеці, вы ўважліва глядзелі мультфільм, цудоўна выканалі ўсе заданні.

• Скажыце мне, калі ласка, калі неабходна мыць рукі?

• Ці згодны вы са мною, што калі мы будзем рэгулярна сачыць за чысцінёю сваіх рук, то менш будзем хварэць.

1. Рэфлексія “Свабодны мікрафон”

• Сёння я даведаўся(лася)…