Ինտերակիվ մեթոդներ

ԻՆՏԵՐԱՐԿՏԻՎ ՄԵԹՈԴՆԵՐ

Ինտերակտիվ դասավանդման մեթոդները բաժանվում են 2 խմբի՝ իմիտացիոն և ոչ իմիտացիոն: Իմիտացիոն տեխնոլոգիաների հիմքում ընկած է իրական իրավիճակների գործնեության խնդիրների վերարտադրումը ուսումնական պրոցեսի ընթացքում: Ոչ իմիտացիոն մեթոդները բնութագրվում են ուսումնասիրվող գործընթացի մոդելի բացակայությամբ, հարց-պատասխան հաղորդակցությամբ: Ոչ իմիտացիոն մեթոդներից են՝ դասախոսությունը, սեմինարը: Իմիտացիոն մեթոդները բաժանվում են խաղային և ոչ խաղային: Ինտերակտիվ մեթոդները կիրառվում են և´ դասախոսության, և´ գործնական պարապունքի ժամանակ: Դասախոսությունը, որպես կրթական գործընթացի առաջատար ձև ավանդաբար ունի իր առավելությունները. առաջին հերթին նյութի ընկալմանը մասնակցում են և´ տեսողությունը (երբ դասախոսությունը ուղեկցվում է ցուցադրմամբ) և´ լսողությունը: Դասախոսությունը, տալիս է թեմայի ամբողջական պատկերացում: Միևնույն ժամանակ լեկցիոն նյութի ավանդական ներկայացման դեպքում նշվում է ամենամեծ թերությունը՝ թույլ փոխադարձ կապ: Դասախոսը մատուցում է պատրաստի նյութը, որը ուսանողները պետք է հիշեն, շատ ժամանակ առանց լավ հասկանալու: Սա նվազեցնում է ուսանողների ինքնուրույնությունը, ակտիվությունը: Այդ պատճառով բարձրագույն կրթության պրակտիկայում ավելի ու ավելի տարածվում են դասախոսության ոչ ավանդական ինտերակտիվ ձևերը: Ակտիվ և ինտերակտիվ ուսուցման գաղափարը ուսանողի ուշադրության կրթական և ճանաչողական մտածելակերպի ակտիվացումն է: Հետևաբար ակտիվացման մեթոդների կիրառումը թույլ կտա ավանդական տիպի դասախոսությունը մոտեցնել ինտերակտիվ տարբերակին: Դասախոսության ընթացքում ուսանողների ակտիվ ճանաչողական գործունեության մոբիլիզացման համար, դասախոսությունը պետք է սկսվի հետաքրքիր ներածական մասից: Օրինակ կարելի է ներկայացնել թեմայի կարևորությունը ուսանողի ապագա մասնագիտական գործունեության համար, ցույց տալ դասախոսության թեմայի կապը նախորդ թեմայի հետ: Կարող են օգտագործվել տեսանյութեր, ուր կցուցադրվի տեսական նյութի կիրառումը գործնականում: Դասախոսության հետաքրքիր սկզբնամասից առաջացած ակտիվությունը պետք է պահպանվի ամբողջ դասախոսության ընթացքում, կարելի է կիրառել հետևյալ հնարքները՝

Ներկայացնել՝ տարբեր հետազոտությունների տեսանկյունները մեկ հարցի վերաբերյալ և այսօր գիտության մեջ ընդունված տեսանկյունը:

Դասախոսության ընթացքում պահպանել շփումը:

Ուշադրություն դարձնել հուզական ֆոնի, ուշադրության բարելավմանը մեծ գիտնականների բժիշկների կյանքից օրինակների բերման միջոցով:

Կարևորելով դասախոսության հիմնական դրույթները շեշտադրել կարևոր հարցերը «Այս հարցի բարդությունն ու առանձնահատկությունը...», «Ուշադրություն դարձրեք...» բերել դասախոսության հիմնական դրույթների հաստատումը կյանքից, պրակտիկայից: Ներկայացնենք ինտերակտիվ դասախոսությունների օրինակներ:

1