филиал муниципального бюджетного общеобразовательного учреждения «Мало-Лызинская средняя общеобразовательная школа» Балтасинского муниципального района Республики Татарстан –«Нижнеушминская начальная общеобразовательная школа»
«Юан-веран, тодон-валан»
(шудон)
Дасяз но ортчытӥз
Иванова Е.Д.
2016-2017 дышетскон ар
Шудонэ пырисько 2 командаос. Ужрад сӥземын шаерамы улӥсь пӧйшуръёслы, соин соосты пӧйшур нимъёсын нималом. Азьвыл ик командаос дасяло тодмет пусъёс, быръё капитанъёс.
Шудонлэн мынэмез:
Дышетӥсь: Туннэ асьмеос пӧйшур дуннее вуылом.Эскером, трос-а тӥ тодӥськоды пӧйшуръёсты, кызьы соосты тодмаськоды. Одӥг кылын вераса визьёсмес сыналом. Командаос асьсэ сярысь вольыт веранъёс дасяло.
Нырысетӥ команда: Чы-чы-чы,
Луд кузя ширтэ ӟичы.
Кыкетӥ команда: Ньы-ньы-ньы,
Вай вылын пуке коньы.
«Ӟичы» но «Коньы»командаос куспазы ӵошатскон ортчыто. Нырысетӥ уж. Букваос пӧлы пӧйшуръёс ватскиллям. Шедьтэ соосты.
Укреач (кеч) аксиопн (кион)
Кыкетӥ уж. Сётэм юанъёслы кыкез ик командаос шонер валэктонъёс сётыны кулэ. 1 команда: 1)Кыӵе пӧйшурлэн тужгес но золэсь бер пыдъёсыз? (лудкечлэн)
2)Кызьы валаськоды, лудкеч, пиямез бере, пиоссэ аналтэ шуэмез? Нош кызьы соос анайзытэк будо, мае сиё?
2 команда: 1) Кыӵе пӧйшурез, калыклэн верамезъя, пыдъёсыз сюдо?
2) Малы кионэз нюлэс санитар шуо?
Куинетӥ уж. Тодэ кыӵе пӧйшур со?
1.Тэльын улӥсь пӧйшур. Нуназе со турын пӧлын кӧлэ, уин кибыосты, нумыръёсты кутылэ. Тушмонъёсызлэсь утиське мугораз будӥсь ӵогыр-ӵогыр веньёсыныз. (Ӵушъял)
2.Та пӧйшур тусызъя пурысь, гуртысь парсьлы кельше, туж ӝог бызьылэ. Яратэ нюр интыосыз. Нош картофка бусые дышиз ке, вань картофкадэ быдтоз. (Кырпарсь)
1.Та сьӧсь пӧйшуръёс уйбыт калго бусыостӥ,тэльёстӥ, кутыло лудкечъёсты, койыкъёсты, озьы ик кесяло гурт пудоосты но. (Кион)
2.Куэз куренялэс, пужыё. Туж кален,шыпыт кыстӥське тэлетӥ. Куакъёс пӧлысь сое озьы гинэ уд адӟы.Нош ачиз со ваньзэ синйылтэ. Адӟе ке лудкечез- шып гинэ матаз вуыса тэтче но кутэ. (Балян)
Ньылетӥ уж.
Бумага вылысь суредъёсты учкыса тодмано, кыӵе пӧртэм пӧйшуръёслэн пытьыоссы суредамын татын? (Котькуд командалы листоке сётоно).
Витетӥ уж.
Кроссвордъёсты лэсьтоно.
Нырысетӥ командалы
1.Мӧйы пужым улын, 2.Пуштрес шуба нуисько,
Толзэ кӧлэ гуын. (гондыр) Писпу гыркын кӧласько.( коньы)
3.Кин-о кезьыт тол куазен нюлэскын сютэм калге, пиньёсыныз гизьыртэ? (кион)
4.Гурезе синтэм-пельтэм лобатэ, гурезь улэ погыли кадь погыля.(лудкеч)
5.Улэ милям сикамы, 6.Нырыз-пасё петак,
Ортчыт кильтро апаймы, быжыз кыӵесо культо.(кырпарсь)
Ӵужпыръем небыт гонэз,
Аслэсьтыз бадӟым быжыз. (ӟичы)
Кыкетӥ командалы:
1.Тушо ке но, пересь ӧвӧл,
Сюро ке но скал ӧвӧл. (кеч)
2. Кузь толэз изе гуын. Тулыс нош потэ калгыны. (гондыр)
3.Кыче тылобурдо уин кӧтсэ тыре, пеймытэз яратэ. (уйсы)
4.Кескич лушкаськись ас пытьызэ пуштрес «исьнерен) ӵуже. (ӟичы)
5.Пуштрес быжо горд апай кызысь ӵыжинэз утча.(коньы)
Куатетӥ уж. Та конкурслы пиналъёс дасясько доразы. Командаос пичияк дасям сценказэс возьмато.
Ӟичы пегӟиз
- Ӟичы, кытчы дыртӥськод?
Быждэ ма выретӥськод?
-Ӟазегъёсы пуксиллям,
Одӥгзэ куто киям – ням,ням,ням!
-Ӟичы, ми али адӟим –
Пыӵалэн васькиз Вадим…
-Ӟеч луэ, вунэтӥськем:
Пегӟисько, иське, сике!
Эк-ке-ке!
Аркадий Клабуков
Кызысь усем
Горд коньы кызысь ӵогӟем. Нош коньы
Жаг- силё пӧлы усем. Ӵуказеяз
Бӧрдыса пуке мискинь. Кызысь кызэ нош тэтчаз,
Кин солы юрттоз ай? Кин? Одӥг, кык, куинь…
Бӧрдӥсез кылэм лудкеч, Шурк, шурк, шурк!
Юлтошсэ чакла туж ӟеч: Ӵыжинэз лыдъяз –чотаз.
Кӧтурдэстэ, пе, шырӟем,
Ляконо шырбыж куарен. Лидия Чернова
Чакласькытэк лобанъяд
Нош эн усь, ява, мыдъят.
Я бен, ӟеч лу, юлтоше
Мынам трос али уже
Таин ӵошатсконмы йылпумъяськиз. Тау умой шудэмды понна. Пайдаё –а вал шудонмы? Маин кельшиз яке ӧз кельшы? Вормись командаез пусъён.