Юбилеең белән, Тукай!

Юбилеең белән ,Тукай!

Җиктереп пар ат Казанга

Туп-туры киттем карап;

Чаптыра атларны кучер,

Суккалап та тарткалап,

Шулвакыт безнең каршыга

Килеп чыкты бер бүре...

Ике күзе ялт- йолт итә,

Чын -чынлап тәмуг күзе!

Әйттем шунда кучерга мин:

-Тукта! Чү! Өлгерерсең,

“ Ашыккан ашка пешкән”,-ди

Күрмәгәнең күрерсең.

Бераз карашып торгачтын

Күзне күзгә терәшеп,

Бүре абзаң хәл алгачтын

Телгә килде бервакыт:

-Урмандагы барча җанвар

Бәйрәмгә әзерләнә;

Әйтерсең лә бар бер мәхшәр

Шаккатарсың,Габдулла.

Азмы какканны- сукканны

Күтәргәнсең син ятим!

Шул кадәрле гыйбрәтледер

Язмышың, мин сиңа әйтим!

Бишек җырыңнан башлана

Тәрбия дәресләрең

“ Су анасы “, “ Шүрәле”ләр

Искиткеч әкиятләрең !

Мин-бүре ерткыч булсам да,

Хезмәтеңә баш иям

Юбилеең белән, диеп

Күрешергә кул бирәм.