Қазақ тілі 2 сынып "Сын есімнің зат есіммен байланысы"

Мерзімі: 14.03           Пән: қазақ тілі                      Сынып: 2а

Сабақтың тақырыбы: Сын есімнің зат есіммен байланысы. 412-416 жат. Сөздік диктант.

Сабақтың мақсаты: Барлығы: Сын есім және сұрақтары туралы жалпы түсінік айта алады.

Көпшілігі: Сөйлемнен, мәтіннен сын есімді таба алады.

Кейбіреуі: Сын есімнің зат есіммен байланысын анықтай алады.

Ресурстар: жеке сюжетті суреттер, тірек-сызба, ребус,

Әдісі: сұрақ-жауап, талдау, іздендіру.

Сабақтың барысы. І.Ұйымдастыру кезеңі. Психологиялық дайындық

ІІ.Үй тапсырмасын тексеру

403-жатығу

ІІІ.Жаңа сабақ Сын есімнің зат есіммен байланысы. 412-416 жат.

Сөздік диктант №7

А) Сөздік диктант

Елтаңба, салқын, дымқыл, ырым, терең, тар, жасыл, әдеп, етістік, сабырлы, жұмсақ, шекара, аспан, күрең, таза, тентек, қымыз, ай, сұр, демалыс, ұзын.

Тапсырма.

1.Сын есімдерді тауып астын сыз. (салқын, дымқыл, терең, тар, жасыл, сабырлы, жұмсақ, күрең, таза, тентек, сұр, ұзын)

2.демалыс сөзіне дыбыстық талдау жаса.

Д- ұяң

Е-жіңішке

М-үнді

А-жуан

Л-үнді

Ы-жуан

С-қатаң

7 әріп, 7 дыбыс, 3 дауысты дыбыс, 4 дауыссыз дыбыс, 3 буын

Ә)КІТАППЕН ЖҰМЫС: 147-148-беттер

421-жаттығу (мәтінді оқып, сын есімді табу)

МҮЙІЗТҰМСЫҚ

Мүйізтұмсық-ірі жануар. Оның мүйізі жіңішке талшықтардан құралған. Алайда мүйізтұмсықтың мүйізі өте қауіпті. Күндіз мүйізтұмсық аяқтарын айқастыра сұлап жатады да, айбарлы дыбыс шығарады. Ал түнде жайылымға шығады.

413-жаттығу (бір зат есімге қатысты бірнеше сын есім тауып жазу)

Тақтай-жалпақ, қалың, тегіс. Көше-кең, ұзын, әдемі. Көл-терең, көгілдір, ащы. Жылқы-жуас, жүйрік, ақылды. Кесе-кішкентай, әдемі, аппақ.

414-жаттығу (ЗАТТАРДЫ СИПАТТА)

Мынау не?- Алма.

- Түсі қандай?- Қызыл.

- Көлемі қандай?- Үлкен алма.

- Дәмі қандай?- Тәтті.

- Иісі қандай?- Жұпар иісті, жағымды.

- Жеп болғаннан кейін қандай баға бересіңдер?

- Жақсы, піскен алма.

- Оны сапа дейді.

«Жұмбақ зат» ойыны

Бұл ойынның шарты бойынша көрсетілген затты сыныптағы оқушылар түрлі сөз таптарымен сипаттайды. Тақтаға шыққан бала жасырылған затты табуы тиіс. Алғашқы үш сөйлемге дейін тапқан бала жеңімпаз атанады.

Мысалы, шахмат тақтасы туралы оқушылардың берген сипаттамасы мынадай болды.

- Онда ақ, қара фигуралар бар. Ол төртбұрышты. Онда 64 тор көз бар.

Терезе, дөңгелек, жол белгісі, орамал жасырылды.

ТҮСІ ҚАНДАЙ?

НЕДЕН ЖАСАЛҒАН?

КӨЛЕМІ ҚАНДАЙ?

КІМДІКІ?

Қорытындылау

КЕСТЕНІ ТОЛЫҚТЫР!!

ҚАНДАЙ?

НЕ?

ҚАЙТТІ?

....................

қант

еріді

...................

алма

пісті

415-жаттығу (ребусты шешіп, сөйлем құрау)

ТҮЗУ Балалар түзу етіп, ағаштарды отырғызды.

Сын есім туралы не білеміз?

- Сын есім заттың түрін - түсін, сапасын білдіреді.

- Сын есімдерге қандай, қай деген сұрақтар қойылады.

- Сын есім сөйлемде зат есіммен байланысады.

БАҒАЛАУ

ҮЙГЕ ТАПСЫРМА: 416-жаттығу

«Ат жарысы»

(тақырыпқа сай әңгіме құрап жазу)