Қазақ тілі.Барыс септік

Берілген уақыт - 45 минут

Пәні: Қазақ тілі

Мерзімі: 12.12.2016

Сыныбы:

4 «А»

Сабақтың тақырыбы:

Барыс септік

Сабақтың реті:

2-сабақ

Жалпы сабақтың мақсаты:

Оқушылар барыс септігі жайлы мағлұмат беру, етістіктен болған мүше мен тікелей байланысын ұғындыру. Ойларын еркін жеткізе отырып тілдік қарым-қатынас жасау дағдылары дамиды. Ұжымда, шағын топта жұмыс жасауды, бір-бірін тыңдауға, сыйлауға, бағалауға үйренеді.

Оқу нәтижелері:

Пәндік: сөйлем ішінен ілік, барыс септіктегі сөздерді сөз құрамына талдап, оларды өздері байланысатын сөздермен теріп жазу арқылы олардың жалғауларын ажырата білу дағдыларын қалыптасады;

Тұлғалық: сабақ барысында түрлі тапсырмаларды орындату арқылы ойлау және есте сақтау қабілеттерін дамиды;

Жүйелік-әрекеттік:

- бірлесіп жұмыс жасай алады;

- бір-біріне сыйластық көзқараспен қарайды;

- бірін-бірі тыңдайды;

- шығармашылық тұрғыда жұмылып жұмыс жасай алады.

Сабақтың типі:

Білім және іс-әрекет тәсілдерін кешенді қолдану

Сабақты ұйымдастыру түрі:

Тренинг-әңгіме

Белсенді оқытуда қолданылатын әдіс-тәсілдер:

Ойлан, Бірік, Бөліс, Ойлан, жауап бер, болжау, бағдаршам, ыстық орындық ,көбелекке көмектес,+ - әдісі.

Жұмыс түрлері:

Ұжымдық, жеке жұмыс, жұптық жұмыс, топтық жұмыс

Сабақтың дидактикалық қамтамасыз етілуі яғни дереккөздер:

ақ парақшалар, флипчарт, маркерлер, стикерлер, таратпа қағаздар

І Қызығушылығын оятукезеңі:

Мұғалімнің әрекеті

Оқушының әрекеті

1-әрекет . Ұжымдық жұмыс: Сыныптағы ынтымақтастық атмосферасын құру.

Оқушылар бір-біріне сәттілік тілейді. «Күннің нұры » әдісі арқылы

Балалар, бір шеңбердің бойына тұрып күннің жылуын сезіну арқылы бір-бірімізге сәттілік тілейікші.

Сендерге шаттық шеңбері өте ұнағанын мен байқап қалдым, біздің әр сабағымыз

осылай басталады.

Күлкімізбен, жақсылықпен бөлісуді үйренейік!

Біздің күлкіміз көңілді, 

Жеткізсін жылу мен шаттықты. 

Бөліскен жақсы ғой өмірде,

Қуаныш, мейірім, бақытты. 

Оқушылар бір­-біріне сәттілік тілейді.

(қолдарын еріндерінің шетіне

жақындатады)

(қолдарын жүректерінің

тұсына қояды)

(қолдарын алға созады,

саусақтары күн сияқты)

(қолдарын екі жаққа созады).

2-әрекет. Ұжымдық жұмыс:

Бүгінгі сабағымызда жаңа топ құру үшін зат есімнің септіктеріне байланысты бөлінуді жөн көрдім. Партаның үстінде жатқан парақшаны таңдап, өз топтарыңды анықтыңдар. (Атау, ілік, барыс, табыс септіктері)

Топ басшысын сайлап алу. Топ ережесін сақтап отыруды тапсыру.

Өзін-өзі бағалау парағымен таныстыру.

Партаның үстіндегі парақшаларды алып өз топтарын анықтайды.

Топ басшысын сайлайды.

Өзін-өзі бағалау парақшасымен танысады.

3-әрекет. Ұжымдық жұмыс: Бүгінгі сабақта ең белсенді оқушыға сыйлық бар екенін және ыстық орындығы деп аталатын орындыққа ең белсенді қатысушы отыратынын ескерту.

Оқушылар алдағы тапсырмаларды бар ынтасы мен қызығушылықтарымен орындайтынын айтады, ниеттерін білдіреді.

4-әрекет. Ұжымдық жұмыс:Үй тапсырмасын тексеру.6- жаттығу.Ілік септігі.

«Бағдаршам» әдісі арқылы оқушылардың жаңа ұғым атауларын түсіну дәрежесін анықтау.

Егер түсінбесе «қызыл», көмек керек болса «сары», барлығын түсінсе «жасыл» түс көтереді.

ІІ Мағынаны ажырату кезеңі:

5-әрекет. Ұжымдық жұмыс:

Ұшып жүрген көбелектер, әрқайсысында септіктің сұрақтары бар өлең жолдары сол көбелектерді өзіне тиісті гүлді септікті тауып қондыру керек.

Атау айтты: Кім бұзған ережені?

Кім соққан терезені?

Ілік ілді:

Кімнің ісі дүрліктірген?

Кімнің буы желіктірген?

Барыс білмек:

Кімге сотқар ерегесті?

Кімге істеді дөрекі істі?

Табыс таппақ:

Кімді бұның басынғаны?

Кімді көздеп тасынғаны?

Оқушылар көбелектерге гүлге қонуға көмек береді.

6-әрекет. Ұжыммен жұмыс: Оқулықтағы тапсырмаларды орындау

1 жаттығу. Өлеңді мәнерлер оқы, қарамен жазылған сөздердің түбірі мен қосымшасын тап.

Аспанға, сөздің түбірі аспан, - ға- қосымшасы. Бұл сөздің қай сөзбен байланысып тұрғанын анықталады. Мысалы: аспанға құмарсың. Асқарға ұшқалы тұрған шығарсың. Көктемге ұқсайсың. Яғни барыс септігіндегі сөздер етістіктен болған мүшемен тікелей байланысатыны көрсетіледі. Және де барыс септігіндегі сөздер сөйлемнің тұрлаусыз мүшелері болатындығы айтылады. Осындай талдау жұмысынан кейін барыс септігінің сұрақтары мен жалғауларын өздері табады.

Барыс септіктің сұрақтары: кімге?неге?кімдерге? нелерге?қайда?

Барыс септіктің жалғаулары:-ға,-ге,-қа,-ке.

Яғни барыс септігіндегі сөздер етістіктен болған мүшемен тікелей байланысатыны көрсетіледі. Және де барыс септігіндегі сөздер сөйлемнің тұрлаусыз мүшелері болатындығы айтылады. Осындай талдау жұмысынан кейін барыс септігінің сұрақтары мен жалғауларын өздері табады.

Барыс септіктің сұрақтары: кімге?неге?кімдерге? нелерге?қайда?

Барыс септіктің жалғаулары:-ға,-ге,-қа,-ке.

7-әрекет. Ұжымдық жұмыс.

Ұжымдық жұмыс: Ойсергек. Сергітуге билету.

Интерактивті тақтадан бейнебаяндағы қимылдарға қарап қайталап, қимылдар жасайды.

8-әрекет. Жеке жұмыс.

2 жаттығу. Тақтамен жұмыс Мәтінді оқы, мәтіннен ілік, барыс септігі сөздерді өздері байланысатын сөздермен теріп жаз.

Есіл өзенінің, сауысқанның балапанын, үйге келді, балапанға берді, нанның үгіндісін, тауыққораға орналастырды, балапанға үйретті, басқа балапанды, сауысқанға жіберді.

9-әрекет. Жеке жұмыс.

4 -жаттығу. Мақалдарды көшіріп жаз, барыс септігіндегі сөздерді тауып, қосымшасын белгіле.

Жақсыға, мұратқа, жаманға, ұятқа, мұзға, жауға.

10-әрекет.Жұптық жұмыс

Берілген сөздерді сәйкесінше әр септіктің тұсына «+» белгісін қой.

Сөздерді сәйкесінше әр септіктің тұсына + белгісін қояды

ІІІ Ой толғаныс кезеңі:

11-әрекет. Жеке жұмыс: «Шөлге төзімді,45 –күн су ішпей –ақ өмір сүре алатын жануарды білесіңдер ме?»

5-жаттығу орындалады.

Оқушылар жануардың атын жариялайды.

12-әрекет. Ұжымдық жұмыс: Ойсергек Перизат кимге көмектесті?

Дінмұхаммед кімге жауап бердің?

Әділ қайда барды?

Алмаз балалар өзенге неге кетті?

Мұхаммед кімге хат жазды?

Перизат Асланға көмектесті.

Мұғалімге жауап берді.

Мектепке барды.

Шомылуға кетті.

Перизатқа хат жазды.

13-әрекет. Ұжымдық жұмыс:

Ең белсенді оқушыны сынып болып анықтауды тапсыру.

Оқушылар ең белсенді болған оқушыны ортаға шығарып ыстық орындығына отырғызады.

14-әрекет. Ыстық орындыққа отырған оқушыға сыйлық тапсыру және бүгінгі сабақтан не үйренгенін, не ұнағанын, не үшін белсенді болғанын білу үшін кері байланыс жасау.

Ал қалған оқушылар ең белсенді сабаққа қатысушыға өз сауалдарын қояды.

15-әрекет.Ұжыммен жұмыс: Мұғалім баға қояды.

Өзін-өзі бағалау парағы бойынша топ басшы топ мүшелерін бағалайды.

16-әрекет.Үйге тапсырма беру.

Күнделіктеріне үй тапсырмасын жазып алады.

17-әрекет. Жеке жұмыс: Кері байланыс: «Күлегештер» әдісі бойынша

Смайликтерді өзі қалаған нұсқаға жабыстырады

Мұғалім

Алибекова Салтанат