«Քիմիական տարրերի նշանները»

ՕՐԻՆԱԿԵԼԻ ԴԱՍԻ ՊԼԱՆ

ԴԱՍԱՐԱՆԸ ՝ 7 –րդ , ամիս , ամսաթիվ ----------------------------

ԴԱՍԻ ՏԵՎՈՂՈՒԹՅՈՒՆԸ ՝ 45 րոպե

ԴԱՍԻ ԹԵՄԱՆ « Քիմիական տարրերի նշանները» ( 2 .3 )

ՆՊԱՏԱԿՆԵՐԸ , ԱԿՆԿԱԼՎՈՂ ԱՐԴՅՈՒՆՔՆԵՐԸ.

ա ) ակադեմիական

Դասի արդյունքում սովորողները

1. կընկալեն քիմիական նշանը ՝ որպես քիմիական տարրի գրառման ձև,

2. կկարողանան անվանել , գրառել , կարդալ ,ճանաչել քիմիական տարրն ՝ըստ նշանի

3. կամրապնդեն պարզ և բարդ նյութերի մասին ունեցած գիտելիքները:

բ) սոցիալական

1. կզարգացնեն զույգով ,խմբով աշխատելու , ընկերոջը լսելու , քննարկելու , ինքնագնահատում կատարելու հմտությունները,

2. կցուցաբերեն ակտիվ մասնակցություն թեմայի ուսումնասիրության

գործընթացին :

Անհրաժեշտ ուսումնական նյութեր ՝ քիմիական տարրերի նշաններով քարտեր, քիմիական տարրերի հայերեն անուններով քարտեր , գունավոր գրիչներ:

Դասի ընթացքի նկարագրությունը: Խթանման կամ ակտիվացման փուլի նկարագրությունը և տևողությունը ( 10 րոպե)

1. Աշակերտներին բաժանել քիմիական տարրերի նշաններով և քիմիական տարրերի հայերեն անուններով քարտեր: Առաջարկել լուռ շրջել դասարանում ՝ բարձր պահած քարտը , գտնել զույգին և նստել նրա կողքին ( ուսուցիչը հետևում է աշակերտներին ,սխալի դեպքում ուղղորդում ):

Երբ բոլորն ընտրություն են կատարում , զույգերը հերթով կանգնում , դասարանին ցույց են տալիս քարտերը , բարձրաձայն ասում տարրի անվանումը և նշանի անվանումը և նշանի արտասանությոան ձևը:

1. Կատարել նախորդ դասի առանցքային հասկացությունների յուրացման ստուգում ՝« մտագրոհ» ՝հետևյալ հարցերով.

1. Քանի՞ խմբի են բաժանվում բնույան մեջ հանդիպող նյութերն ՝ ըստ բաղադրության:

2. Որո՞նք են դրանք :

3. Ո՞ր նյութերն են կոչվում պարզ նյութեր. բերել օրինակներ:

4. Ո՞ր նյութերն են կոչվում բարդ նյութեր. բերել օրինակներ:

Իմաստի ընկալման փուլի նկարագրությունը ( 25 րոպե )

1. Կատարել կարճ դասախոսություն ( 5 րոպե )՝ « Քիմիական տարրերի նշանները , քիմիայի լեզուն , նշանակությունը» թեմայով:

2. Այնուհետև հանձնարարել աշակերտներին գրել քիմիական թելադրություն: Թելադրված նշանները աշակերտները գրում են տողի սկզբում ՝ իրար տակ , որպեսզի ինքնուրույն աշխատանք կատարելիս կարողանան լրացնել պահանջվող տեղեկությունները:

3. Թելադրությունն ավարտելուց հետո հանձնարարել աշակերտներին ինքնուրույն գրել տարրի նշանի հայերեն և լատիներեն անվանումները:

4. Առաջարկել զույգերին հինգ րոպեի ընթացքում խորհրդակցել իրար հետ , ճշտել սխալները:

5. Ժամանակը լրանալուց հետո աշակերտների համար կարդալ նշանների անունները նույն հերթականությամբ , ինչ իր հերթականությամբ որ թելադրվել են , և առաջարկել աշակերտներին գունավոր գրիչներով ստուգել սեփական աշխատանքն ու կատարել ինքնագնահատում:

Կշռադատման փուլի նկարագրությունը ( 10 րոպե )

1. Խուսափել լավ աշխատող զույգերին գնահատել :

2. Առաջարկել աշակերտներին միանալ , կազմել չորսհոգանոց խմբեր : Խմբերին բաժանել առաջադրանքը հետևյալ քարտի տեսքով ( յուրաքանչյուր խումբ պատասխանում է մեկ հարցի ).

Հարցեր

1. Տետրում աղյուսակից դուրս գրել այն շարքը , որը կազմված է միայն պարզ նյութերից :

2. Տետրում աղյուսակից դուրս գտեք այն շարքը , որը կազմված է միայն բարդ նյութերից :

3. Գրեք բոլոր պարզ նյութերը՝ նշելով տարրերի հայերեն , լատիներեն անունները ,տարրի նշանի արտասանության ձևը:

4. Դասագրքից օգտվելով՝ գրեք բոլոր պարզ նյութերի հարաբերական ատոմային զանգվածները:

Ամփոփում և տնային հանձնարարություն

Հավաքել տետրերը ստուգելու համար :Կատարել անդրադարձ հետևյալ հարցերով.

1. Ի՞նչ սովորեցինք այսօր:

2. Ինչպե՞ս աշխատեց ձեր զույգը:

3. Ի՞նչ կբարելավեք ձեր խմբի աշխատանքում հաչորդ անգամ:

Հանձնարարել սովորելու 2.5 պարագրաֆը , կատարել էջ 36-ի վարժությունները: