К1оанолгаш,оаламаш. 6 класс.

Урок № 4.

Тема: Шира дувцараши,кицаши,к1оанолгаши.

Лоарх1ам: цу багахбувцама жанрех бола кхетам балар дешархошта;къаман эздел,дика г1улакхаш довзийтар; нийса дешара навыкаш дег1айоалаяр .

Гойтара г1ирс: « Г1алг1ай багахбувцам »,бераш дехка сурташ .

Урока никъ :

1. Кийчо ю ха.

1. Ц1аг1ара болх тахкар :

1) "Аьгий-Кхала йилла лаьтта мишта ийцад" яха оалам хьабувцийт дешархошка.

2) Ролях хьадувцийт массехк дешархочунга.

3) Легендахи мифахи йола теоретически материал кердайоаккх.

4) Боккхийча наха дийцачунга ладувг1.(Видеоматериал)

III. Урока темацара болх :

1) Хьехархочун хоам:

Ширача дувцараша(преданеша) хоам бу вайга къам хьадаларах,ц1ихезача къонахаша леладаьча х1амаех,моастаг1ашта духьала вай халкъ майра духьала отташ хинначох,дуккха кхычох а.Уж шоай гаьннара исторически лард а йолаш хьадоаг1аш да.Наьха вахарца,уйлашца,царна дага хиннарашца дувзаденна да цар ма1ан а чулоацам а.Ширача дувцараша хьагойт наьха эздел,хьаькъал,денал,...

Х1анз ладувг1алаш шун новкъосташа вайна дувцаргдолча легендашка

IV. Шира дувцараш дувц дешархоша: 1." Хила дехьа балар".

Цагалги Г1уви яхаш ши во1 а волаш саг хиннай.Лоамара яьнна ара яха хайнай из ший нах болча. Кхийнача къонгаша наьнага каст-каста хоатташ хиннад:" Мичав тха да? Малав из? " Нанас жоп луш хиннадац.Т1аккха шоай наьна вежарий говраш чура а яьха,байддаб уж.Оарц т1ехьадаьлча,1ододача хила дехьа баьннаб к1аьнкаш,т1ехьабаьннараш хила дехьа бала а ца могаш,юхабийрзаб.Цу шин к1аьнках д1адоладеннача фух - тайпах Хиладехьархой аьннад,йоах.

2." Лаьтта доаккхаш валар".

Гаркхой бекъалуш ба диъ тайпанна.Ялх вешех д1адоладеннад уж тайпаш.Уж ялххе а Гаркха баха хайшача,цар лаьтташ декъа доладабд.Боккха кхера ги а белла,царех х1аравар д1аволавалла везаш хиннав.Из кхера гира 1обожжалца чудерзадаь лаьтта доал дерзадеш хиннад.Царех ца1 са а хаьда веннав.Цун т1ехьенах х1анза а т1ехьа оалаш да:" Ги белла кхера кхихьараш ".

V. Хьехархо: Баркал,хоза дийцар оаш уж шира дувцараш.Х1анз хьожаргда вай мишта хов шоана кицаш,цар къайлаг1ара ма1ан довзий шоана Хьан дувцаргда вайна кицаш,цар ма1ан хьа а оалаш

VI. Дешархоша кицаш дувц,цар ма1ан хьа а оалаш.

VII. Хьехархо: Кицаш ховш хиннад шоана.Баркал дийцачарна. Х1анз хьожаргда вай шоана к1оанол-гаш довзий.Хьан дувца безам ба ?

VIII. Хьалххе а кийчо яьча дешархоша дувц шоашта дезаденна к1оанолгаш а цар вайна бу хьехам белгал а беш.

IX. Урока корта бар.

X. Ц1аг1а : деша, О. 8 – 9; 2-3 кица ха, 1 к1оанолг а ха ( чулоацам ) .