Канпект урока па літаратурнаму чытанню на тэму "Б. Сачанка “Хлеб”"

Тэма: Б. Сачанка “Хлеб” (3 клас)

Мэты:

1. Арганізаваць дзейнасць вучняў па азнаямленні з ідэйным зместам апавядання Б. Сачанкі “Хлеб”;

2. Стварыць умовы для развіцця навыку свядомага чытання, для пашырэння слоўнікавага запасу вучняў;

3. Садзейнічаць выхаванню беражлівых адносін да хлебу.

План:

1. Арганізацыя пачатку ўрока;

2. Праверка дамашняга задання;

3. Паведамленне тэмы і мэт;

4. Уступная гутарка;

5. Першаснае ўспрыманне;

6. Слоўнікавая праца;

7. Праверка першаснага ўспрымання;

8. Другаснае чытанне твора вучнямі;

9. Аналіз твора;

10. Падвядзенне вынікаў;

11. Дамашняе заданне.

Ход урока

1. Арганізацыя пачатку ўрока

- Добры дзень, сядайце.

2. Праверка дамашняга задання

- Дома вам неабходна было навучыцца выразна чытаць апавяданне “На вайне і не такое бывае”.

3. Паведамленне тэмы і мэт

- Ці мог хлапчык зрабіць па-другому?

-Чаму ён зрабіў так?

- Падумайце, ці бываюць выпадкі, што можна зрабіць не вельмі добра і пры гэтым з'яўляцца нядрэнным чалавекам?

- Вам, мабыць, цяжка адказаць на гэта пытанне, але так сапраўды бывае. Аб гэтым мы прачытаем у апавяданні Барыса Сачанкі «Хлеб» (с. 86-89).

4. Уступная гутарка

- Зараз мы можам купіць любы хлеб: чорны, белы, здобны. Можна выбраць любы: круглы або фармавы, жытні або пшанічны, з кменам, макам, арэхамі. Мы так прывыклі да мірнага жыцця, што не разумеем сапраўднай каштоўнасці хлеба. А ў вайну ён быў святыняй, сімвалам будучыні. У час вайны і пасля яе людзі бераглі кожны кавалачак хлеба, каб выжыць. Таму давайце прачытаем апавяданне і даведаемся пра цяжкае пасляваеннае жыццё.

5. Першаснае ўспрыманне

6. Слоўнікавая праца

- Якія словы былі вам незразумелыя?

Бюро даведак:

борзда — хутка;

неахайна — неакуратна;

капаніца — прылада для працы на агародзе;

пракаўтнуў — праглынуў;

абрус — кавалак тканіны, якой засцілаюць стол;

спакуса — тое, што выклікае неадольнае жаданне;

мроіўся — бачыўся, уяўляўся ў думках, сніўся;

схамянуцца — раптам успомніць аб чым-небудзь.

7. Праверка першаснага ўспрымання

- Ці спадабалася вам апавяданне?

+

- Чаму?

-Што закранула вас пры праслухоўванні апавядання?

8. Другаснае чытанне твора вучнямі.

9. Аналіз твора

- Хто галоўны герой?

- Пра каго яшчэ гаворыцца ў апавяданні?

- Калі адбываюцца падзеі?

- Знайдзіце радкі, у якіх гаворыцца пра цяжкае жыццё сям’і.

- Чаму маці падзяліла хлеб на дзве, а не на тры часткі?

- Што зрабіў хлопчык?

- Чаму яга не пакаралі?

- Чаму ўчынак галоўнага героя хвалюе яго ўсё жыцце?

- З якой мэтай Б. Сачанка расказаў гэтую гісторыю?

10. Падвядзенне вынікаў

- Часу вучыць гэтае апавяданне?

- Якая яго асноная думка?

11. Дамашняе заданне

- Дома вам неабходна навучыцца чытаць апавяданне выразна і адказаць на пытанні.