Карылар уйдун куту

Тарбия сааты:  4-класс        1-октябрь                                                                                  Мугалими:  ____________________________                                                               Сабактын темасы: Карылар үйдүн  куту. 1-октябрь Карылар күнү Сабактын  максаты:                                                                                                                                 Билим берүүчүлүк:                                                                                                                        Окуучулар кары адамдардын жашоодогу орду жөнүндө толук маалымат алышат.                                                                                                                          Өнүктурүүчүлук: Кары адамдарды сыйло-урматтоо-элибиздин салты экендигин түшүнүп,  аларга ар дайым сылык мамиле, камкордук көрүү милдети экенин түшүнүп, билишет.                                                                                                                                           Тарбия берүүчүлук: Кары адамдардын эмгектери менен таанышып, аларды сыйлоого үйрөнүшөт.                                                                                                                                                                   Сабактын тиби: Билим, билгичтиктерин өркүндөтүү.                                                                             Сабактын формасы: Аралаш сабак.                                                                                                           Сабактын жабдылышы:  Макалдар, ырлар. Слайд көрсөтүү.                                                                         Сабактын жүрүшү: Мугалимдин сөзү:  Балдар,  кыргыз эли эзелтеден карыларга урмат- сый менен мамиле жасап келишкен. “Карыны сыйлоо – элдик салт”. Карылар биздин үйүбүздун – куту, “Жаш келсе ишке кой, кары келсе ашка кой”, “Карынын орду төр”, “Карысы бардын, ырысы бар”, “Карынын кебин капка сал”-деген накыл сөздөр –карыларга көрсөтүлгөн урмат-сыйыбыздын белгиси. Эң жакшы каада-салттарыбыз улуу ата-бабаларыбыздан мурас болуп калган жана уланууда.-

-Балдар бүгун мен силерге “Карылар үйдун куту” деген  кичинекей дил баянды окуп берейин, силер жакшылап угуп,  ой – жүгүртүп көргүло;                          -    -Чоң атам чайдан ууртап коюп, ак сакалын жайкалтып, акыл-насаатын айтат. Кээде ал бизге куш таптаган – мүнүшкөрлүгү, күлук таптаган – саяпкерлиги жөнүндө да аңгеме куруп берет. Анан чоң апамдын сөзун тыңшайбыз. Ал бизге жомок айтып, ала кийизди кантип жасаганды, шырдакты кантип ойгонду үйрөтөт. Кээде ооз комузун оозуна салып, черте баштайт. Биз аны тыңшап отуруп, муюп калабыз. Анткени ооз комуздун күүсү абдан кооз. Ошентип чоң атам менен чоң апам келгенде биздин үй майрамга айланат! “Карылар үйдүн куту” деген ушу !-дейт, атам менен апам аларга сыймыктана карап.

Үйдүн куту – карылар

Ак сакалын сылаган,

Сөздү сөзгө кынаган.

Үйдүн куту  - карылар!

Акыл жолун улаган.

Ойлору кенч-казына,

Орду төрдө карынын.

Чоң ата, чоң энебиз –

Үйүбүздүн жарыгы.

Жомок айтса угабыз,

Дагы – дагы айтса деп.

Чоң ата, чоң энебизге,

Сонун ырлар арнайбыз..                                                                                                           Жыйынтыктоо:–  Суроо-жооп иретинде бышыктоо:                                                  Балдар “Карылар үйдүн –куту”- деп эмне үчүн айтат экенбиз?                                                                                                                                          - Силер чоң ата, чоң энелериңерге  кандай камкордуктарды көрөсүңөр?               - Улуу адамдарга кантип жардам берүү керек?                                                            -“Карылар күнү “- кайсы күнү майрамдалат экен?                                                      - Ким карыларга, чоң ата, чоң энелерге,тайата-тайэнелерге арнаган ырларынан айтып берет?