Келгиле окуйбуз

Сабактын темасы: Үкүнүн табышмагы  (фрагмент сабак) “Келгиле окуйбуз” долбоору боюнча

Сабактын тиби: Билим жана билгичтиктерин өркүндөттүү

Сабактын методу: Окутуунун группалык ыкмасы

Сабактын жабдылышы: китеп, маскалар

Сабактын максаты:Конкреттүү (билим берүүчүлүк:) Окуучулар китептин аталышы менен таанышып,мукабадагы сүрөттөрдү көрүү аркылуу, чыгармада кандай окуялар болоорун божомолдошот. Каармандар менен таанышып,сыйкырдуу окуяга кызыгуулары артат.

Конструктивдүү ( өнүктүрүүчүлүк, тарбиялоочулук) Чыгармадагы каармандардын мүнөздөрүн айырмалап билүүгө үйрөнүшөт. Каармандардын образын ролдоштуруп аткарууга көнүгушөт. Бири-бири менен ынтымактуу, шайыр, көңүлдүү болууга тарбияланышат.

Сабактын мотивациясы: Бул сабак эмне берет? Окуучулар  фантазиялык чыгармаларды окууга, өздөрү да чыгарма жаратууга үйрөнүшөт.

Сабактын өбөлгөлөрү: Окуучунун априордук билими(мурунку билими) Сыйкырдуу чыгармалар жөнүндө билишет, шар, көркөм окуй алышат.

Убакыт: Чакыруу этабы: 5 мин. Түшүнүү этабы: 7-8мин.

Топторго бөлүштүрүү:  3 топто иштешет.

Сабактын жүрүшү:  Окуучуларды шыктандыруу. Жагымдуу маанай түзүү. Окуучулар бири-бирине каалоо, тилектерин  “Сыйкырдуу микрофоон” аркылуу айтышат.

- Балдар биз китеп окуганды жакшы көрөбүзбу?

- Кандай китептерди окудук эле?  -Окуучулар жооп беришет.

Окуганга чейин:  Чакыруу этабы:

 - Мугалим:- Китептин мукабасын көрсөтүп, бул сүрөттөрдү көрүп, китепте кандай окуялар болот деп божомолдойсуңар?

-Кайсы каармандар катышат, алар эмне тууралуу сүйлөшүшөт?

-Окуу учуру: Түшүнүү учуру:

-Чыгарманы бөлүк-бөлүк менен окутуу. Суроолор аркылуу окуянын жүрүшүн талкуулоо.

- Чыгарманы окугандан кийин силер ойлогон божомол туура чыктыбы?

-  Сага кайсы каарман өзгөчө жакты?

- Үкү жаныбарларга эмне үчүн белек бергиси келди?

-  Эгер сен үкунун ордүнда болсоң белекке эмне берет элең?                                                                       

– Чыгарманын картасы боюнча жыйынтыктоо.                                                                                                     –Үйгө тапшырма:  Ойлонуу этабы: Китептердин сериялары менен таанышып, окуп келүү, Окуя кандай уланарын айтып берүү.