Келлһ өргҗүллһнә кичәл «Үвл»

Келлһ өргҗүллһнә кичәл

Кичәлин төр: Үвл

Кичәлин күсл: «Үвл» гидг төрәр дассн үгмүдинь, медрлинь сергәҗ давтх. Сурһульч эврән келҗ чаддгин дамшлтыг өргҗүллһн

Үзмр дөӊцл: компьютер, проектор, экран, интерактивн самбр, карточкс

Кичәлин йовуд:

I.Багшин үг.

-Мендвт, күүкд! Суутн!

-Күүкд, эндр өдрин то ямаран? (Туула сарин хөрн һурвн)

-Долан хонгин ямаран өдр? (Пюрвә өдр)

-Чик! Эндр теӊгрин бәәдл ямаран? (Эндр бүркг, будта өдр. Һаза киитн.)

-Күүкд, девтрән секәд, өдрин то бичҗ автн. Мана кичәлин төр «Үвл». Эндр кичәлдән бидн үвлин тускар медсән сергәһәд көдлхвидн.

-Күүкд, оньган өгтн, самбрур хәләтн. Тана оньгт үвлин өдр гидг үгин ниицлһн өггдҗәнә. Үвлин өдр ямаран болна? (Киитн, цаста, шуурһта, салькта)

Неҗәдәр һарад, эн үгмүдиг самбрт һарад бичхмн.(Күүкд самбрт һарад бичнә)

-Чик, йир сән!

-Күүкд ода оньган өгәд мини даалһвр күцәтн. Ямаран җилин цагт эн болна? гидг сурврт хәрү өгтн.(интерактивн самбр олзлгдҗана, чик хәрүнь инстумент «шторкар» хаалһата)

Даалһвр: Кезә эн болна? Әмтн теӊгст, һолд өөмнә.(Эн зуна цагт болна) әмтн теңгст, һолд өөмнә;бамб цецгүд урһна; шовуд дулан һазрур ниснә; цасн орна; өдр ахрдна, сө утдна; халун болна; һолын нуурин усн көрнә; бичкдүд цанар, лыжар дошна; хамтхасд шарлад унна; цасн хәәлнә; нарн икәр халулна; шуурһн шуурна; шовуд дулан һазрас нисч ирнә.

Сурһульчнр җилин цаг болһнд ирлцҗәх зәӊг олад, кергтә багд орулад бичнә.

Даалһвр шалһлһн.

-Күүкд, ода ямаран җилин цаг? (Үвл)

-Үвлин сармуд ямаран? (бар, туула, лу) (6-гч слайд үзүлх)

-Күүкд , ода цуһар босад амрхм.(физминутк 7-гч слайд)

-Күүкд, оньган самбрур өгтн. Таднд үгмүд өггдҗәнә. Эн үгмүд олзлад, зәңгс тогтатн.Оньгтаһар хәләһәд, ямаран эндү бәәхинь олад чиклтн. Олҗ авсн эндү ямаран зокалла ирлцнә?(эгшгин таарлт)

- Күүкд, оньган самбрур өгтн. Эн зургт ямаран җилин цаг үзүлгдҗәнә? Ю үзҗәнәт?

(зургудар көдллһн.зәӊгс тогталһн.зәӊгсән олзлад келвр тогтах.)

2-3 сурһульчнри келвр соӊсх.

-Күүкд, тана өмн кроссворд бәәнә. Ода оньгтаһар хәләһәд, үвллә залһлдата үгмүд олад, девтртән бичҗ автн. Цуһараһаснь дала үг олҗ авсн күн диилвр бәрх. (2 агчм өггдҗәнә).

Цаг давсна хөөн даалһвринь шалһлһн.

-Күүкд, би таднд тәәлвртә тууль умшҗ өгнәв, тадн болхла, тәәлвринь олҗ үзтн.

Тәәлвртә туульмуд

1.Цаһан кевс тег бүркҗ.

2.Һалд шатдго, уснд чивдго.

3.Нүдн һар уга зурач.

-Чик! Цуг хәрүһинь олҗ аввт.Йир сән!

-Күүкд, шүлгүдин тасрха соӊстн. Ямаран җилин цагин цускар келгдҗәхинь келтн.

Җилин цагмуд

Цасн хәәләд

Цандгт хүврнә,

Ноһан шавшад

Нүд байрлулна.

( )

Сүүлән өргәд

Үкрмүд шоодрална,

Сүүдр хәәҗ

Үргҗ гүүлднә.

(____________)

Көк модд

Кеерч шарлна,

Көөлдәд хамтхасд

Көл дахна.

(____________)

Һолыг мөсн бүрнә,

Һазриг цасн бүркнә.

Цанан белдсн бичкдүд

Цасн уулас дошна.

( )

-Йир сән!

Кичәлин ашлвр: Мана кичәл төгсҗ йовна. Эндр кичәлдән бидн ямаран төрәр күүндвидн? Эн кичәлд юн таасгдв?

Герин даалһвр: «Үвл» гидг төрәр бичсн келврән амн үгәр келтн. Кроссворд эс гиҗ шүлг тогтаһад, «Байр» гидг седкүлд илгәтн.

Темдг тәвлһн.