Хабер ве онынъ ифаделиги. Хабернинъ чешитлери. (Способы выражения сказуемого. Виды сказуемого.)

10.11 Дерс №10. 8 сыныф ана тили

Мевзу: Хабер ве онынъ ифаделиги. Хабернинъ чешитлери.

Макъсат:

Шахсий нетиджелер: окъувгъа меракъ догъурмакъ, ана тилине урьмет ве севги ашламакъ;

Регулятив УУД: талебелернинъ оджа ярдымынен дерстеки арекетлернинъ макъсадыны тайинлемек, бирликте чалышувы, бераберлик муитини асыл этмек; сыныфта нутукъ медениетини юксек севиеге котермек ичюн ярыш муитини яратмакъ; нутукъ байлыкъларыны арттырув;

Мерифет УУД: хабер ве онынъ ифаделиги акъкъында малюмат берюв ве анълатув; хабернинъ чешитлерини бельгилев; оларны джумлелерде тапув ве чешитини бельгилемек;

Коммуникатив УУД: озь фикирлерини агъзавий ве язма шекильде ифаде этмек; динълемеге ве башкъаларнынъ айткъанларыны анъламакъ; озюнинъ ве башкъаларынынъ япкъан ишлерине къыймет кесмек; нетиджелер чыкъармакъ.

Дерс шекили: янъы мевзуны анълатув

Таминлев: китап (с. 42-44), джедвель.

Дерс кетишаты

1. Тешкелий момент. Талебелернен селямлашув.

2. Эв вазифесини тешкерюв. Суаллерге джевап берюв.

- Муптеда ненен ве насыл багълана?

- Муптеда насыл сёз чешитлеринен ифаделене биле?

- Мисаллер кетиринъиз.

III. Дерснинъ мотивациясы. Тахтадаки джумлелерге бакъып, дерснинъ мевзусыны тапмакъ, макъсатларыны тайинлемек.

IV. Янъы мевзуны анълатув.

1. Малюмат берюв.

Хабер – муптеданен багъланып, предмет не япа? не ола? кимдир? недир? насылдыр? суаллерине джевап бере.

Меселя: Осман мектепте яхшы окъуй.

Хабер

исим-хаберлер фииль-хаберлер

саде муреккеп саде муреккеп

Меселя: Той саиби бизни ачыкъ гонъюльнен къаршылады. (саде)

Анам тюневин базаргъа баргъан эди. (муреккеп)

Исим-хаберлер бойле сёз чешитлеринен ифаделенелер:

1. Исимнен. Бизлер окъувда етиштирген студентлермиз.

2. Сыфатнен. Акъылы къыскъанынъ тили – узун.

3. Замирнен. Эвде эркек киши – тек меним.

4. Зарфнен. О – мында, мен экинджи болюкте.

5. Сайынен. Джумерттен – бир, сарандан – эки. Эки кере эки – дёрт.

Фииль-хаберлер:

1. Икяе фииллернен. Биз йырламагъа севемиз.

2. Эмир фииллернен. Аркъадашлар, токътанъыз, эр кес озь ерине отурсын!

3. Керек фииллернен. Саба эрте турмалы.

4. Шарт фииллернен. Ишлесенъ – тишлерсинъ, ишлемесенъ – тишлемезсинъ.

5. Истек фииллернен. Бир салкъын ельчик эскейди, чокъ сыджакъ!

2. с. 42 (агъзавий шекильде), джедвельнен чалышув.

V. Пекитюв.

с.43 99-иш, хаберлерни талиль этмек.

VI. Рефлексия.

- Бугунь дерсте насыл мевзуны кечтик?

- Хабернинъ къач ве насыл чешитлери бар?

- Олар насыл сёз чешитлеринен ифаделене биле?

VII. Дерснинъ нетиджеси.

VIII. Баалар къоюв.

IX. Эв вазифеси: с. 44 102-иш, хаберлерни талиль этмек.