Խաղեր տարածության մեջ կողմնորոշվելու վերաբերյալ

Խաղեր տարածության մեջ կողմնորոշվելու վերաբերյալ

Երբ երեխան դեռ կարդալ չգիտի, ապա կարելի է խաղալ այսպիսի խաղ:

Սենյակի յուրաքանչյուր առարկա նշանակում  ենք  որևէ նշանով, որը նման լինի առարկայի ձևին: Օրինակ` բազմոցը՝ դեղին ուղղանկյունի, աթոռը՝ սև քառակուսի, սեղանը՝ կապույտ շրջան և այլն: Այնուհետև երեխային տալիս ենք առաջին նշանը, որում, օրինակ, պատկերված է աթոռինշանը, երեխան վազում է աթոռի մոտ և  այնտեղ փնտրումհաջորդ նշանը, այնուհետև գտնելով բազմոցի նշանը՝ վազում է դեպի բազմոցը ուայնտեղ գտնում  սեղանի նշանը և այսպես շարունակ: Խաղի վերջում նա գտնում  է կա՛մ  իր  խաղալիքը,  կա՛մ կոնֆետը: Կարելի է հորինել շատ-շատ տարբեր նշաններ՝թեյնիկի, հացամանի,թավայի, գորգի, կոշիկի համար, ամեն ինչ կարող ենք կոդավորել: Պարզապես խաղից առաջ երեխայի հետ պետք է պայմանավորվոլ, թե որ առարկան ինչ նշան ունի կամ օգտագործում ենք հենց նկարը:

Եթե երեխան մեծ է, ապա խաղից առաջ, երբ դուք նկարում եք նշանները, նա կարող է կռահել, թե որ նշանը ինչ է նշանակում:  Միանգամից  չասե՛ք, այլ  հարցրե՛ք  «նայի՛ր, սա կլոր  է, ի՞նչն է սենյակում կլոր»  կամ  «նայի՛ր,  սրանից  գոլորշի  է բարձրանում, ի՞նչ ես կարծում, տանը  ինչի՞ց  կարող  է  գոլորշի  բարձրանալ»: