Кичәл-наадн "Делгүрт"

Кичәлин төр: Кичәл-наадн «Делгүрт» .

Кичәлин күцл: Күүкдин медрл гүүдүлх, келлһ ɵргҗүлһнə кɵдлмш күцəх, хальмг келнə үгмүдин кɵрң байҗуллһна кɵдлмш давулх.

Кичәлин дөнцл: зургуд, карточкс, презентац, сигнальн карточкс, граф-схем, хальмг көгҗм, аудиофайл.

Кичәлин йовуд:

I. Оргмомент.

1. Мендлһн.

- Мендвт, күүкд! Мендвт, мана гиичнр! (1 мин)

- Тадн ямаран бəəнəт?

- Мадн гем уга, му биш, сəн бəəнəвидн!

- Йир сəн!

2. Фонозарядк:

- Күүкд, ода болхла мадн фонозарядк кехмн. Самбрт үгмүд бичәтә. Эн үгмүдиг мини ардас давттн.

алх альмн майг

көрә өдмг бүшмүд

күрз өндгн шалвр

хадасн шикр күлт

- Эндр бидн кичәлдән олн-зүсн көдлмш кехмн, шин үгмүдлә таньлдхмн. Кех көдлмш дала, көдлмшән эклий.

3. Кичәлд белдлһн.

- Күүкд, һаза ямаран җилин цаг? (2 мин)

- Чик. Эндр ямаран теңгрин бәәдл? - Эндр нарта өдр.

- Дулан өдр.

- Салькта өдр.

- Бүркг өдр.

- Сәәхн өдр.

- Ямаран хаврин сармуд меднәт?

4. Матриц «Хавр»

- Кен хаврин туск үлгүр меднә?

- Күүкд, тадн хаврин туск йөрәл дассн биләт? Кен келхәр бәәнә?

5. Физминутк.

Салькн, салькн үләнә,

Модд, модд нәәхлнә,

Салькн, салькн тогтнв, тогтнв,

Модд, модд өсв, өсв

II. Шин төр.

- Эндр бидн кичәлдән олн-зүсн көдлмш кехмн, шин үгмүдлә таньлдхмн. Кех көдлмш дала, көдлмшән эклий.

- Мана кичәлин төр тадн бийстн медҗ авхит.

- Ода самбрт хəлəтн. Юуна зургуд үзҗəнəт? (самбрт делгүрин зургуд)

- Тиигәд, мана кичәлин төр ямаран болх? Яһҗ санҗанат?

- Делгүрин тускар.

- Чик. Девтрән сәктн. Өдр саран, шин кичəлин тɵр девтртән бичәд авчктн. (2мин)

1. Үгин көдлмш:

- Күүкд, ода болхла мадн шин үгмүд дасхмн. Самбрт хәләтн. Мини ардас үгмүд давттн.

Деншг – копейка

Мөңгнә үлдлән - сдача

Үн – цена

Үнтә – дорогой

Үнтә биш – не дорогой

Үүрмг мөңгн - мелкие деньги, мелочь

Хулдач – продавец

Хулд кех – покупать

2. Багар көдлһн.

- Күүкд, ода невчкн наадхмн. Һурвн багд хувагдхмн. Би таднд карточкс өгнәв. Тадн эн өггдсн төрәр күүндвр тогтатн (тавн минут таднд өгчәнәв).

- Күүкд цаг давв. Нааран һарад тогтасн күүндврән келҗ өгтн.

- Йир сән!

- Ода болхла самбрт хәләтн. “Делгүрт” кергтә үгмүд шүүҗ автн.

- Ода мадн кроссворд тәәлҗ үзхмн. Һол үг олҗ автн.

III. Кичәлин ашлвр:

- Эндр кичәлдән юуна тускар келвидн?

- Мадн делгүрин туск келвидн.

- Чик. Ямаран шин үгмүд дасувидн?

- ...

IV.Рефлексия.

Тана ширә деер сигнальн карточкс бәәнә:

Сигнальн карточкс белдтн.

1. ноһан - кичәл таасгдсн болхла

2. улан – кичәл таасгдсн уга

3. шар – медҗәхшв.

Темдг тәвлһн:

V. Герин даалһвр: Шин үгмүд дастн.

Байрта харһий.