Кинигэ суолтата

Үйэлэргэ дьон муспут өйүн санаатын кинигэ көлүөнэҕэ тиэрдэр билии төрдө буолар. Былыргы Греция, Рим улуу учуонайдарын үлэлэрэ, саха норуотун олонхото кинигэ көмөтүнэн ааҕааччы киэҥ араҥатыгар тиэрдиллэллэр. Кинигэ олох аргыһа, сүбэһитэ.

Ааҕыы культурата бастатан туран дьиэ кэргэҥтэн саҕаланар. Кыра сааһыттан оҕону кинигэ эйгэтигэр төрөппүттэрэ угуйуохтаахтар. Итинтэн саҕалаан ааҕыыга интэриэс үөскүүр.Кинигэни ааҕан киһи үгүһү билэр. Ол курдук олохпут устата кинигэни хаһыаты, сурунаалы ааҕабыт.Онон ааҕыы биһигини олохпут тухары арыаллыыр.

Мэҥэ Хаҥалас улууһун М.П.Габышев аатынан Балыктаах орто оскуолатын интернатын иитиллээчилэрин кинигэ туһунан санааларын быһа тардан билиһиннэрэбит.

Мин кинигэни ааҕарбын олус сөбүлүүбүн. Оскуола библиотекатыгар сылдьан кинигэ ааҕааччыбын. Кинигэ ааҕар киһи словарнай саппааһа элбиир.Эһэм хаһыат ааҕарын сөбүлүүр.Мин сөбүлүүр кинигэм Детская энциклопедия. Сережа.

Кинигэ киһини элбэххэ үөрэтэр . Холобур остуоруйа сымыйа да буоллар куһаҕан санааттан киһини үчүгэй буоларга үөрэтэр.Паулина.

Мин урут кыра сылдьан уруһуйа суох кинигэ интириэһинэйэ суох дии саныыр этим.Онтон билигин төһөнөн алдьаммыт кырдьаҕас кинигэ буоллаҕына интэриэһинэй буолар. Тоҕо диэтэххэ ол кинигэни элбэх киһи ааҕан сөбүлээбит. Кыра Саян. Эргэ кинигэ.

Кинигэ –киһи эрэллээх доҕоро. Кини киһи олоҕор улахан оруолу оонньуур. Мин кинигэ ааҕарбын сөбүлүүбүн. Нуучча литератууратыттан А.С. Пушкин саамай сөбүлүүр суруйааччым. Хас биирдии кинигэ киһи олоҕор олус диэн көмөлөһөр.хоһоон эмиэ элбэххэ үөрэтэр. Дьоннор бэйэлэрин сагнааларын суруйаллар. Ону түмтэхтэринэ кинигэ буолар. Мин бэйэм санаабын хоһооҥҥо суруйан таһаарабын . кинигэ билии төрдө диэн дьиннээҕи этэллэр эбит.Анжелина.

Кинигэ-билии төрдө. Биһи кинигэни ааҕаммыт элбэҕи билэбит. Киһи кинигэни ааҕар буоллаҕына өйө, билиитэ сайдар. Энциклопедияттан эҥин араас кыыллар, дьоннор тустарынан ааҕарбын сөбүлүүбүн. Оскуола библиотекатыгар сылдьабын. Рустам

Кинигэ барыбытыгар туһалаах.Оскуолаҕа биһи эмиэ туттабыт. Саамай элбэх кинигэ библиотекаҕа баар. Онтон уларсан ааҕабыт.Мин кинигэ уларсан аазабын.Кинигэ ааҕарбын сэбүлүүбүн. Ийэм эмиэ ааҕарын сэбүлүүр. Санаайа

Мин былыргы кыыллардаах кинигэлэри сөбүлүүбүн, тоҕо диэтэргит урут ханнык кыыллар олоро сылдьыбыттарын билээри. Былыр динозаврдар, мамоннар баалларын билэбин, ууга сылдьар улахан да улахан динозвр баар эбит. Сорох динозаврдар оттору, сорохтор бэйэ-бэйэлэрин сииллэр. Учуонайдар оҕолор уонна улахан дьон билэллэрин курдук уҥуохтарын таҥан , кэпсээн кинигэ таһаараллар.Улахан Сайаан.

Мин дьиэбэр элбэх кинигэлээхпин. Остуоруйаны ааҕарбын сөбүлүүбүр этим. Мин санаабар дьон кинигэтэ суох кыайан олоруо, үөрэниэ суох этилэр. Биһиги кинигэтэ суох суруйааччылары билиэ суох этибит.Мин английскайдыы суруллубут кинигэ аахпытым . Билигин психология, мышление туһунан ааҕа сылдьабын.Мин саамай сөбүлүүр кинигэм AGILE LIFE.Катерина Ленгольд. Гарри Потер и филослвский камень.Д. Роллинг.

Сандаара

Кинигэ- билии төрдө, Тоҕо кинигэни билии төрдө диэбиттэрий. Биһиги кинигэни ааҕаммыт элбэҕи билэбит. Кинигэ билии кылаата, кинигэ инникигэ күлүүс. Киһи кинигэни ааҕар буоллаҕына өйө, билиитэ сайдар.

Мин кинигэ ааҕарбын олус сөбүлүүбүн.Библиотекаҕа сылдьабын. Дьиэбэр эмиэ элбэх интириэөинэй кинигэ баар. Саина.

Кинигэ- киһи доҕоро. Мин кинигэни ааҕабын. Кинигэ элбэххэ үөрэтэр.Мин кыра сырыттахпына аҕам остуоруйа ааҕар этэ. Кинигэттэн киһи элбэҕи, интириэһинэйи уонна билиини ылар. Ира

Кинигэ биһигини олус үрдүккэ тардар, кинигэттэн биһиги өй-санаа ылабыт.Кинигэ ааҕарга суруйарга көмөлөһөр.Эвелина

Кинигэни эрэ аахтахпытына-ол түгэҕэ биллибэт дириҥ билии чүөмпэтиттэн чэгиэн -чэбдик, сырдык-ыраас, өйү- санааны ыймахтаатахпытына эрэ , үтүө көлүөнэ буола үүнүөхпут, мааны дьон буола улаатыахпыт.

Саха республикатын үөрэҕириитин министиэристибэтэ

МТ “Мэҥэ- Хаҥалас үөрэҕириитин управлениета”

М.П.Габышев аатынан “Балыктаах орто оскуолата”

«Кинигэ оруола»

Толордо :интернат иитээччитэ

Семенова Мария Матвеевна.