Китоблар хакида. Китоб укишни тавсия этаман.

Инсон агар фойдали китоб ўқиса албатта ўз таъсирини кўрсатар экан.

Мен Нуржигит Қадирбековнинг “Япон кереметинин сыры” деб аталган янги бир китобини ўқиб, қалбим шунчалик озуқага тўлдики, буни айтиб бериш қийин. Сизларга бу китобнинг кичик бир мавзусини ўзбек тилига таржима қилиб тақдим этмоқчиман.

“Дунёдаги энг хафвсиз жой”

Япон жамиятининг қайталанмас ўзгачалиги – унинг хафвсизлиги ва тинчлигида. Баъзи вақтларда ўрмонли тоғда жойлашган ётоқхонамга пиёда бораётиб мобил телефонимдан Қирғизистондаги яқинларимга сим қоқардим. Бир куни табиатнинг гўзаллигига ҳавасим келиб, ёлғиз кетаётганимни айтсам, ойим: “Кечқурун ёлғиз юрма”, – деб хавотирланиб қўйдилар. Агарда ойим Японияни бир марта кўзи билан кўрганида ҳеч қачон хавотирга тушмас эди. Биргина мен эмас, кичик болалар–қизчалар, қариялар қоронғу тунда бемалол сайр қилиб юраверишади. Нима қилар экан деб, баъзида қадамимни овозини эшиттириб юриб, ортидан етиб бориб ўтиб кетардим. Қараб ҳам қўйишмас эди.

Бундай тинч ер бошқа бир жойда бўлмаса керак. Ғарбий Европадан , Австралиядан ва АҚШдан келганлар ҳам : ”Japan is the safest place” (“Япония –дунёдаги хафвсиз жой”), – деб айтишади. АҚШнинг Лоренс деган кичик шаҳарчасида бир йил яшадим. Жуда тинч эди. Бироқ Нью–Йоркни ёки Лос–Анжелестни тинч жой деб ким айта олади? Нью–Йоркнинг “Ямайка” ва “Гарлем” деган районларига кечқурун кирсангиз омон чиқишингизга ҳеч ким кафолот бера олмайди деб эслатишган эди. Германия, Англия,Франция, Австралияда ҳам тинч ва нотинч жойлари бор. Кичик Японияда бўлса кундузи, кечқурун ўзингиз юрсангиз ҳам ҳеч ким мушугингизни пишт демайди.

Япония нима учун бунчалик хафвсиз жой? Гап қилмишларнинг озлигида эмас. У ерда ҳар ким бировга зиён келтирмай яшашни билишида ва ўз қизиқчиликларини жамият қизиқчилигидан юқори қўймаган системани сақланиб қолганида. Айтайлик, ҳайдовчилар полиция қараб турмаса ҳам йўл қоидаларига амал қилишади. Сабаби улар йўловчилар, бошқа ҳайдовчиларнинг умрини, хаётини қўрқувга солишга ҳаққи йўқ эканлигини яхши тушунишади. Таълим–тарбияси кенг, маданияти юқори.

Инсон учун энг қиммат нарса умр эмасми. Умринг соғлиғинг қўрқувда эмаслигини сезиб, нима бўлар экан деб ўйланмай, эркин қадам ташлаб юрганга нима етсин. Япония – инсонлар учун бу масалани тўлиқ ечган ўлка. Бу кўриниш японларнинг узоқ яшашига асосий сабабларнинг бири бўлса керак , – деб ёзади Нуржигит Қадирбеков.

Ажойиб фикрлар ёзилган. Бу китобни ўқишин ҳаммангизга таклиф этаман. Бизнинг Қирғизистон ҳам яхши инсонлар билан тўлиб Япониядай ўлкага айлансин деган фикрни айтиб ўз сўзимни якунлайман.

Элдор ДАЛИЕВ