Классный час. Зул.

Классин час.

Төр: Зул – өрк-бүлин нәр.

Күсл: Өвкнрин авъяс-заңшал өрк-бүлд яһҗ давулдгин сурһмҗ өглһн, үзүллһн.

Дөңцл: Лу болн Моһа җилмудин зургуд, хальмг литин зург, үлгүрмүдтә болн тәәлвртә туульста карточкс, «Зулын дун» көгҗмин айс, боорцгуд, хальмг цә, «Эмгнә зулын цөгц» домг

1. Мендллһн.

1. Нүр үг.

• Самбрт өлгәтә тәәлвртә тууль сурһульчнрар умшуллһн:

Баахн нуурт – Бадм цецг.

• Эн юмб? (Зул)

• Зул гисн юмб?(Сурһульчнрин хәрү).

2. Сурһульчин докъя.

Эн өдр Богд Зунква төрсмн. Тегәд, әмтн нас немҗ авна. Хальмгуд шин җил темдглнә:

1.Кеерәс цаһан өвс авч ирнә.

2.Хагсана.

3.Зулын һол кенә.

4.Һуйрар оңһц кенә.

Күн болһн насндан нег үлү һол немнә. Асхн зулан өргнә. Цуһар мөргнә. Насан авна.

Зул – өрк-бүлин нәр гиҗ келҗ болхмн. Дуулна, биилнә, нег-негән йөрәнә.

Багшин үг.

Зул өрк-бүлин нәр. Эн өдр цуһар гертән бәәх зөвтә. Көгшдүд нас йөрәнә. Эн өдр арвн харас бийән саглх кергтә.(Эрст бичәтә саглһ умшлһн)

3.Презентац «Зул» хәләлһн.

Багшин үг.

Мана класст лу җилд болн моһа җилд төрсн сурһульчнр бәәнә. Җил болһн юуһарн туста, юуһарн харш болҗахинь медхд соньн.(Эрст өлгәтә бичлһ умшлһн)

4.Сурһульчнрин ахр наад тәвлһн «Лу җил давуллһн, моһа җил тослһн»

5. «Зулын домг» соңслһн.

6.Марһа давуллһн «Кен билгтә». Сурһульчнр моһа болн лу җилд хувагдна. Үлгүрмүд, т.т., дарҗңгуд олар келҗ өгсн команд шүүнә.

а.Үлгүрмүд.

б.Тәәлвртә туульс.

в.Дарҗңгуд.

7.Эк-эцкин йөрәлин үг.

8. Ашнь.

а.Гиичнриг цәәһәр, боорцгудар тоолһн. Йорәлин үг соңслһн.

б.Моһа җил төрсн сурһульчнрт болн лу җилд төрсн сурһульчнрт белгүд бәрүллһн(моһата зургуд)

9. Герин даалһвр. Зул өдр бийән яһҗ бәрдгинь медх.